تفاصيل 💜📎

خسرت حبها 💔

حبي ليها مكانش زي حبها ليا ولا عمري في يوم درت شي  ع خاطرها بالرغم من هدا كله كانت هيا تشوفلي وكأني الوحيد في هالدنيا واني كل شي بالنسبه ليها

كانت تسامح فيا ع كل اغلاطي وتصرفاتي الطايشه
ومعمرهاش سمعت كلام حد وتخلت عليا بالعكس كانت تتفادى ف المشاكل ولا مرة نكدت عليا إلا ورضت بعدها ، مرة قتلي إنها معاش بتكلمني طول ما أني نستفز فيها بتصرفاتي مفوتتش ساعات وقتلي اني قبل مانعاقبك نكون نعاقب في روحي

حنيتها مافيش منها في الدنيا حبتني بكل مافيها من
مشاعر وكانت صادقه معاي في كل شي بس 💔
اني مقدرتش نحافظ عليها ، وماحمدتش ربي ع يلي
عندي وخنت الانسانه الوحيدة لي حبتني بدون مقابل ، نقطعت كل اخبارها ومعش شفتها بكل مرت سنه وسنتين وثلاثه كنت ماشي للمستشفى يلي أختي تخدم فيها واني خاش ومستعجل خبطت ف بنت وبصوت مش غريب ع قلبي ولا عقلي قالت
هدا مستشفى لازم تكون حذر أكثر من هكي وكانت هي !
بس مشت بدون م تشوفلي تلفتت نبي نشوفها ملحقتش تبعتها في زوايا المستشفى كلها كانت تنتقل من حجرة لي حجرة وتشوف ف المرضى
جمعت قوتي وقررت نكلمها واني ف طريقي ليها وقف عليها شخص ومعاه ولد صغير وباين يعرفو
بعض كويس من الابتسامة لي ترسمت ع وجهها لما شافاته، قعدت نسأل في روحي زعما هدا مني؟!
أكيد واحد من المرضى حاولت نسمع شن يقولو والحسرة واكلتني لين هالولد قال ي ماما 💔
في وقتها تمنيت أن الأرض تنشق وتبلعني تحسرت ع كل لحظه بكيتها فيها واستخفيت بحبها ليا
ندمت ع كل مرة سيبتها فيها بدون سبب وجرحتها
ومقدرتهاش
خسرت حب صادق ووفي

نبي نوصللكم العبره من القصه هادي لي البنات
لما يقولك نحبك مش تنقزي من الفرحه بنتي !
افهمي قبل الحب ❤
يلي يحبك يخاف عليك من نفسه ❤
يلي يحبك يهتم بأدق تفاصيلك💛
يلي يحبك يقولك اقري قرايتك أهم 💓
يلي يحبك يقعد يتعارك معاك ع الشي يلي اديري فيه غلط💝
يلي يحبك يكون زي سند الأب 💗
يلي يحبك يغار عليك زي غيرة الأخ 💙
يلي يحبك يعطيك حنان الأم 💖
يلي يحبك يفهمك ويكون زي صديق ليك 💕
باختصار يلي يحبك تحسي بقلبك أنه هو كلهم غير
ملخص في شخص واحد 💞
هدا الرااااجل ي وخيتي وحطي تحتها خطين مش تحبي عيييل😳😌

#sola Ra#