تفاصيل 💜📎

ف فرق... 💔 لكن منقدرش من غيرك 💔

ف فرق 💔
ف فرق لماتبعتلي انته رسالة ونرد عليك طول ولما نبعتلك اني وتقعد معلقه بالساعات وانته اونلاين ولا تمت القراءة ولم يتم الرد

ف فرق 💔
ف فرق لما تكون معصب وانحاول بي اي طريقه نغيرلك جوك ونبداء نبعت ف هلباااا رسائل باش ترد ونغيرلك جوك
ولما اني نتعصب حتي رسالة منك منشوفش ومتفكرش تبعتلي حتي رسالة صغيرونه

ف فرق 💔
ف فرق لهفتي لما نشوفك اونلاين ونبعتلك طول
ولما انته تشوف فيا 24 ساعة ع 24 فاتحه ومتفكرش تبعت حتي سمايل

ف فرق هلبااا 💔
ف فرق لما نقولك انته حب حياتي وانته دنيتي ونتبتلك هالشي وف فرق لما يكون كلام وخلاص

ف فرق💔..........ف فرق💔
ف فرق نبيك تكون معاي ديما وجنبي ديما نبي لانحتاجك تكون جنبي مندورش عليك طول نلقاك جنبي ..... لاني منقدرش بلاك ومنحبش نخسرك 💔

ومع هاد كله ههههه منقدرش بلاك ومنحبش نخسرك نغطي ف عيوني ع عيوبك وديما عندك ان اني الغلط
وانته الصح وديما وانته تكسرلي ف خاطري
معقوله متحسش ولا لأنك راجل لا يلي يحب يحس
معقوله متشوفش ف دموعي متشوفش فيا لمانبكي
وانته تكسرلي ف خاطري وتكشخ عليا لا وبعدين
تقولي هاد كله ع خاطر نغار الغيره تخليك اعمه متشوفش دموع يلي تحبه ومع هاد ولا كلمه لاني منبيش نخسرك منقدرش بلاك ومنقولش حتي كلمه نخاف نخسرك ونعبر بدموعي بس
وديما لم تغلط اني يلي راضيك ومع هاد انته الغالط راهو واني الراضي وكانه زعلت اني ونقولك خلاص يومين ونرجع ونقولك منقدرش بلاك وانته متستخسرش حتي مسج صغيرون تراضيني بيه ولا تقول كلمه حلوه ولا بالأخص متعرفش تقول ومع هاد نرجع ونعفس ع كل شي ع خاطر حبك ولأني منقدرش بلاك وربي منقدر منغيرك
وتمشي الايام والشهور واني متحملاته وهو هب فجاء من غير مقدمات يسيبني ف نص الطريق واني يلي ضحيت ودرت كل شي ع خاطره وف النهاية شني ههههه سيبني 💔واني يلي ديما نقوله منقدرش من غيرك نموت 💔😭 هههه اصلا عادي المهم عندي ان هو بخير
وبعدها منغيره نحس ف روحي ميته انسانه عايشه ع ذكرياتك وخلاص 💔
لكن هو بعدي راهو مش متهني ومش فرحان نشوف ف الكسره ف عيونه كأنه يترجا فيا اني نرجعله لكن اني مستحيل علمني درس نقدر نواجه بيه المستقبل ونقدر نعيش واني فرحانه منغيره ومتأكدة ربي حيجزيه علي داره فيا ومش حينساني طول عمره لانه  مش حيلقه حد حبه زيني 💔
.
.
.
.
.
.
.
ي بنات حبيت نوصللكم من القصة انه متحبيش بكل ما فيك لين تتاكدي من حبه والقصة بروحها عبره
أي شباب متخليش غرورك هوا يلي يوديك ف داهيا لما تلقا وحده تحبك هكي رد بالك تفرط فيها لأنك حتندم ومش حترجعلك طول عمرها
وانشاء الله تسامحك
وانشاء الله تكونو فهمتو كلامي حتي شويا صغيرونه

#sola Ra#