سلاسل العاشقين

البارت الاول

مساء الخير ❤
منقوله للكاتبه رفل الكناني

البارت الأول

سلاسل العاشقين للكاتبه رفل الكناني

،،،،،،،،،،،،،،،،،،،
رَّسمَتّ عٌيِّنِيِّګِ عٌلَى أوِرأّقِيِّ
بِقِلَمَ أّلَرصٌأّصٌ
رَّسمَتّهِمَأّ بِګلَ أشٍوِأّقِيِّ
وِبِګلَ أّخَلَأّصٌ
عٌيِّنِأّګ أّلَلَتّأّنِ
تّخَتّرقِأّنِ صٌدِريِّ ګأّلَرصٌأّصٌ
مَنِ أنِتِّ ؟
يِّأّمَنِ َّسلَبِ مَشٍأّعٌريِّ وِأحٌأَّّسيَِّّسيِّ
مَنِ أنِتِّ ؟
يِّأّمَنِ تّفِّجِر بِرګأّنِ شٍوِقِيِّ إلَيِّهِ
مَنِ أنِتِّ ؟
يِّأّمَنِ هِلَتّ مَدِأّمَعٌيِّ مَنِ إجِلَهِ
مَنِ أنِتِّ ؟
يِّأّمَنِ عٌجِزِّتّ أّلَروِحٌ نَِّسيِّأّنِهِ
مَنِ أنِتِّ ؟
يِّأّمَنِ جِعٌلَتِّّنِيِّ أّتّحٌَّسر أّلَمَأًّ
عٌلَى مَأّ مَضى مَنِ عٌمَريِّ بِدِوِنِګ
رحٌمَأّګِ َّسيِّدِيِّ ؟
رحٌمَأّګِ عٌلَى قِلَبٍِ يِّتّشٍطّر أّلَمَأًّ فِّيِّ غٌيِّأّبِګ
،،،،،،،،،،،،،،،،،،،
قبل مده من الزمن

المكان .. بغداد بوحده من مناطق الولايه

الوقت .. الرابعه عصرا

يسر....اي العب بس لتعيد التسوي يوميه وتدلي مكاني من اختل

يمان ... يله يسر تلعبين

اي اي والله توبه بس امشي

يسر .... بعدت كذلتي من وجهي فتحت البرده خليت ايدي بيده وطلعنه نركض لراس الفرع الجهال متجمعه تلعب ختيلان مسوين دائرة يتحاججون فتنه بنصهم وبدينه نلعب مثل كل يوم إلى أن وصل الدور اليه ولازم اختل الكل وكف سره وجهه عل حياط واني عيوني تدور وين اختل حتى ميلكوني
صارت عيني على عربانه ابو رمزي ليبيع دهينه خاله كبال باب بيته ركضت بعقلي الطفولي كنفذت وحصرت روحي بينها وبين الحايط وصحت حححححلال

واباوع عليهم من الزرف شلون تراكضو يدورن عليه ويمان واكف بلنص يفر براسه ايدي عل حلكي كاتمه ضحكتي واني اشوفهم شلون يدورن وره مبردات البيوت وره حاويه النفايات وره تيل الكهرباء اضحك اضحك وتلاشت ضحكتي من يمان صاح محرررروكه (معناه لكيته )

خزرته بغضب وكمت والدمعه بطارف عيني عود اني موصيته وهوه صديقي وابن خالتي بس كل عاده اثول وغبي
لتمو الجهال يصفكون ويصيحون لكيناه لكيناه وهوه مكشر والضحكه شاكه حلكه متر ستهضمت وهميت امشي سريع للبيت اصيح بطلت مالعب

يمان... تعاي مخبله وين رايحه

امشي ولي لتحجي وياي

ولج شلون يعني مترديهم يلكوج

اي انت بس تلصم والله ميلكوني

شلون بله

صديت عليه عيوني دم وهوه مكشر وضحكته الفطيره تارسه وجهه نترت.... الجهال يخافون من عمو ابو رمزي ميوصلون يم عربانته لان ذاك اليوم كلبوه وطلع كتلهم فمستحيل يدوروني يمها جان ضليت لليل مدوختهم لو ما انت الفاهي
غابت ابتسامته عض شفته دنك رأسه همس ... هم صدك