هلووووووو
سلاسل العاشقين /البارت الرابع
بقلم رفل الكناني
وشذنبي تغفون وآضل
ليليه انآم مبلل ..
هـو آنه لو بيدي عفت
بس تآيبين شمآ گلت
لـ اعزآز شو تتحول
،،،،،،،،،،،،،
النار مشتعله بكل الحمام واني اصرخ كل قوتي امي طلعت مشتعله لاكن ابويه ميبين من النار وكع بنص الحمام وبيبي تصيح بطانيه بطانيه الجوارين فاتت والجو نهار من ضوه النار ولهيب اصعب لحضه مرت بكل حياتي يمكن دقايق ونلفو امي وابويه بطانيات وطلعوهم
صادق
علي
اني
حنين
بس صريخنه ترس المكان هوسه وناس طابه طلعه تسئل شلون وشصار اديه ترجف جسمي كله ميت النسوان يهدون بينه بيبي تنود تدعي تبجي روحه مفرفحه واني بس آخر منضر لهلي كبال عيني
ساعات مرت علينه واحنا على بجيه وحده كلنه خوالي اجوي وخالتي بشرى ملخت خدوده بجي ولطم عل امي وناس تشرح وضعهم خلصت طاقتي واني اتخيل راح يرحون من ايدي لو راحو واني كاعده هنا انوح وابجي كمت اصرخ اااااااهلي ودوني لاامي خل اشوف ابويه خالي يهز براسه مئيس من الحجي السمعه يمان يباوعلي وينصي
طلعو للمستشفى واني ذبحت نفسي مئخذوني ليله صعبه مرت بكل تفاصيله حتى عقرب الساعه عند ميمشي حاضنه حنين وكاعد للفجر دخلو الي يسموهم عمامي كاعده راسي بين رجلي دموعي نشفت صوتهم يدوي بذني اسمع ابويه حالته حرجه وامي اهون ارفع راسي اشوف زلم ثنين بكد ابويه واصغر ولدهم كومه ماعرفت من بينهم بس محسن
بيبي خلص كلبه من البجي والنحيب وكلمه كلشي ولايعوفون هل كوم لحم تزرف كلبي تخليني ابجي وصوت شهاكتي تتعاله كلشي داير مدايري يخنكني وفكره بعد ماشوفهم ترست راسي تمسد عل شعري رفعت راسي شفت عيون مليانه دموع نسحب راسي لصدره بجيت وجتافه هتزت
عمو لتسوين هيج ادعيلهم بلكت الله يباوع لحالكم ويشافيهم
عمووو اريدهم وينهم النار اكلتهم وخفت ملامهحم عمو برد كلبي كلي معقوله بعدهم عايشن
عايشن و الله عايشن بس برحمه الله انتي بس ادعيلهم واني يمكم ماعوفكم
محسن .. هااا يابه نروح نشوفهم
اي ابني يله
باس خدي مسح عل شعري .. يسوره انتي الجبيره الحبابه لازم تهونين على اخوتج مو تهمليهم شوفي حالكم من البارحه لا اكل ولا نوم كومي بنتي صيري سبعه وان شالله ماكو شي
مجاوبت بس امسح بدموعي وهيج مر اليوم كل شويه خبر شكل و كل خبر يكول حالت امي اهون من ابويه واني اريدهم ثنينهم كون مابيهم شي يومين تلاثه مرن علينه دهر البيت ولا فرغ خاله بشرى ام يمان معافته من بيتنه للمستشفى محسن شك حلكي بعيونه صار مقيم يمنه لايقدر احنا بمصيبه ولا باله عيونه وصخه وتدور ورايه وين ماروح واني روحي طالعه يمان يشب ويطفى
يسر هذا شعنده يمكم ادري ميولي لبيتهم
يمان اطرده اني بياحال
