هلوووو حبايب😍
الوصول لكِ لم يكن سهل
جاهدت وأنتهيت لربما كان
أسهل لو خطوتي خطوه تجاهي .
////البارت7////
نور،،،،خابرت رامي علمود اختي كملت مكالمه باوعت عليهم كلها صافنه عليه ...احم احم ...كال مسافه طريق انتضرو
كمال،،،شكرا الج
نور،،،ماكو داعي تشكرني
مؤيد ،،،وانت ليش تشكرها هي من فاتت ع حياتنه ماصار بس مشاكل بيها
نور،،، تجاهلت وضع ...كلها كعدت تنتضر رامي تلفوني ماسكت علمود خفار خابرت واحد يصير بمكاني لحد ما اروح بليل شوية ودك عليه رامي طلعت برة حتى استقبله
رامي،،،شلونج نور
نور،هلو رامي بخير انت شلونك سفرة مخليتك حلو اكثر بعد لاسافر
كرم،،واني ماصاير حلو
نور،،، هلوووو شلونك
كرم،،،هلة بلغاليه
نور،،،تعالوو ...رحنه للبيت ماشفت صكر واكف بلباب يباوع علينه وفات من وصلنه يمهم
نور،،اعرفكم ع رامي وكرم دكتور اطفال ورامي دكتور امراض خبيثه
الكل،،،شنو
نور،،،احنه شاكين اختكم بيها مرض لهذا سبب حبيت اتاكد عن طريق رامي هوة دكتورها هسة
رامي،،اعرفك شيخ صكر و ابو كمال والد بنية مريضة وكمال ومؤيد اخوتها
رامي،،شرفت بمعرفتكم وهذا محمد صح
نور،،اي محمد
رامي،،،شلونك محمد صاير جبير وحليان
تكولين عني حلو اخوج صاير احلى
نور،ههههه
محمد،،شكرا الك صار هواي ماشايفك
رامي،،،اكيد هسة رجعت من سفر لا تخاف راح ادوخ باقي كم سبوع هنا
محمد،،اهلا بيك
كرم،،،اوووو محمد اخر مرة شفتك بيها بتخرج نور
جنت سمين وطالع كيوت
نور،،،كافي تحجون ع اخوي عوفو
رامي ،،،اشتغل محامي سكتت وين مريضة.
نور،،بلغرفه تعال وياي
رحنه للغرفه فحصها وضل ساكت
ها مثل ماكلت مو
رامي،،،لازم نتاكد اكثر يعني نحتاج كم تحليل
نور،،،خلينه نطلع ونكللهم
طلعنه وكلها متوترة بلبيت
علي،،،كول بنتي مابيها شي والي كلتو مجرد تخمين
رامي،،،مع اسف ٥٠٪صح ولازم نتاكد اكثر محتاجين كم تحليل
كمال،،،عصر انروح نسوي حتى نتاكد
رامي،،،ماكو داعي هسة اخابر صديقي عندة مختبر نكدر نخلي يفتحه هسة ونسوي تحاليل كلها
نور،،،نحلت سالفه حضرو بنيه حتى نروح رامي خابر صديقك حتى يروح قبلنه
صكر،،،شكد تامر دكتور
رامي،،،ماكو داعي واصل حساب
صكر،،،منو دفع
نور،،،اني
رامي،،،اني ونور نتحاسب
مؤيد،،،،منو كال ماعدنه فلوس هي تصدق علينه كول شكد واحنه ندفع
صكر،،،مؤيد احترم
رامي،،،عفواًبس اني ماخذ فلوس لان انتو من طرف نور يعني لا منكم اخذ ولا منها واحنه مامحتاجين فلوسك راح اضل ساكت لان اني بيتكم واحتراما للكبار اذا نعاد مرة ثانيه حسابك عندي غير
نور،،، رامي اهدى لخاطري
كرم،،،اي نور ماكلتي شنو تقربلج بنيه مريضه اول مرة اشوفج بهيج جوو
نور،،،بنيه تكون اختي
رامي،،كرم،،شنو اختج
نور،اي اختي
رامي ،،،بس ماجنت اعرف عندج اخت
نور،،،ولا اني جنت اعرف
رامي،،بس مافهمت شنو يعني
نور،،،لا تهتم احجيلك بعدين
ام كمال ،،صرنه جاهزين
كمال ،،اروح وياكم
نور،،،رايحين عرس محد يروح بس امها وابوها واحنه وبس انتو تبقون هنا وانت محمد ترجع للبيت
علي،،،خلي هنا يم اخوته
نور،،،لا يرجع للبيت خالتي اكيد راح يضل بالها علينه كرم اخذ سيارتي وصل محمد وتعال ع مختبر اطينياها
محمد،،،ترجعين للبيت
نور،،لا تعرف عندي شغل اليوم ماارجع لهذا سبب اريدك انت تبقى بلبيت تعرف خالتي ماتكدر تبقى وحدها تمام حبي
محمد ،،،تمام راح ارجع بس توعديني نرجع هنا
نور،،، روح هسة نحجي بعدين بهذا موضوع
محمد ،،وعد
نور،،،وعد .....رحنه سيارتين سيارة رامي وسيارة صكر اصر يجي ويانه وصلنه للمختبر لكينه ولد موجود قبلنه سوينه تحاليل مطلوبة اجه كرم اطاني سيارة
خلصنه كلشي كال لليل باجر تطلع نتائج طلعنه سلم رامي عليهم اني سلمت من بعيد وطلعت بسيارتي للمستشفى رحت غرفتي لبست روب ودخلت اعاين مرضه وبالي بلي صار اليوم وشلون راح يعدي عليهم هي واخوها للصبح رجعت للبيت نامت شوية دك عليها تلفون
رامي،،صباحوووو صح نوم
نور،،،رامي تعبانه حيل كول شكو
رامي،،،ماكو شي بس حبيت انتقم منج
نور،،،،لالا موكتك هسة بارحه مانمت عدل وهسة انته
رامي،،،تكلم باكثر جدية....طلعت نتائج تحليل
نور،،،عدلت كعدتها ...اي شطلع
رامي،،،مثل ما توقعنه بس بدايته بعد نكدر ننقذها
نور،،،متاكد
رامي،،،اي متاكد بس اني عندي شغل هسة مااكدر اروح عليهم منو يودي نتائج الهم
نور،،دزها لبيتي واني اوديها
رامي،،متاكدة وحدج راح تواجهين هذا شي
نور،،،اني ماراح اروح معركه هذا واجبي اخلصه واجي
رامي،،،راح ادزها بيد كرم واذا تريدي يبقه و.....
نور،،ماكو داعي لاتخاف مايصير شي
رامي،،اوكي ربع ساعه وتحاليل يمج واني اكمل شغل الي بايدي والحكج هناك
نور،،، اوكي انتضرك
كمت من فراش بتعب رحت سبحت ولبست
وحطيت مكياج مرتب نزلت شف خالتي ومحمد كاعدين ...كلت ..صباح خير
كل... صباح خير
سارة،،،شكعدج يمه هسة نمتى لاتتمرضين
نور،،لا خاله ماكو شي بس عندي شغل ولازم اروح
محمد ،،صدك نور طلعت نتائج تحليل مال اختنه شطلع عندها
نور،،،،،مع اسف توقعنه جان بمحله هي مريضه
سارة،،،يمه ماله علاج
نور،،،لا اكو علاج وخصوصا هي بل مرحلة الاولى يعني علاجها سهل
سارة،،،الله يشافيها
نور،،،،، ان شالله
محمد ،،راح تروحين عليهم صح
نور،،،اي لازم ابلغهم بهذا شي
محمد ،،،اجي وياج حبابه
نور،،لا غير مرة خلص قراية مابقه شي امتحاناتك حتى تنجح ....صحيح محمد زعل مني بس ماكدر اخذو وياي مصلحته دك باب طلعت جان اكرم اخذت تحاليل منه ورجعت للبيت اخذت جنطتي وطلعت لبيتهم اول ماوصلت شفتهم ايريدون يطلعون ...كلت صباح خير
كل..صباح خير
مؤيد،،،ياستار شعندج من صبح هنا لو حلتلج كعدة هنا طبعن وين شايفه هيج بيت بحياتج
نور،،،صج اني ماشايفه بيت مثل الي عندك بس عيني مليانه ماباوع ع مال غيري الي اريدة لو شماجام صعب اخذة ومايهمني لاصغير ولا جبير
خليها بالك يا اخوي
...مهم اجيت حتى ابلغكم بنتائج تحاليل
كمال،،،اي كولي شكم غلط مو
نور،،،مع اسف شكنه صح اختك عدها (سرطان بلدم)
ام كمال ،،يمه بنيتي راح تروح من ايدي سوي شي علي لاضل واكف
علي،،،شبيدي اسوي
كمال،،،ماكو علاج لهذا مرض
نور،،،اي اكو علاج
الكل،،،شنو
نور،،،عملية
كمال،،شنو عملية شيسون يعني
نور،،،ننقل نقي عضام من واحد منكم الها وطيب
كمال،،،بس
نور،، اي بس لان هي بمرحله الاولى يتم علاجهت بسرعه قبل لا يقتلها
كمال،،،اخذي مني ماعندي مشكلة
نور،،،مايصير مو من اي شخص لازم تطابق دمها ويه دمك
كمال،،،انسوي تحيل ماعندي مشكلة
نور،،، الي ماتعرفة مايصير ولا واحد بيكم يتبرع لان ولا واحد بيكم يطابق ويها
كمال،،،وانتي شعرفج
نور،،، اسال ابوك هوة يجاوب شعرفني ....هسة عرفت ليش جنت دور علينه و شلون عرفتني بسرعه لان انت من اساس تعرفني وبلمستشفى ماجانت اول مرة شوفني بيها مع اسف عليك صكر اني تندمت لان سمعت كلامك.........
.
.
