القوه أن أدفن ذلك الحريق المتوسد داخلي وأنا أرى كل شيء أصبح رماداً ومازلت أحدق بحدة لعيناي كي لا تبكي ضعفاً .
صكر،،،،،نمت بلغرفه لغايه عصر كمت اول مرة من زمان انام مرتاح يمكن سبب هي اولا ماعرف بس بديت احس راحتي يمها كمت سبحت ولبست دشداشه وعكال ومحبس وسبحتي ردت اسد باب كنتور لمحت علاكه فتحتها شفت بيها فلوس يهني سوتها صدك رجعتها بمكانها اني جمعت مبلغ كله قفلت باب ونزلت سلمت وطلعت ناس بلشت توصل دخلنه للمضيف سلمنه مبلغ كله وسدينه سالف شيخ كال
فيصل ،،، ياجماعه خير ان شالله انحلت هاي سالفه وماراح يتاذة احد من عائلتين
شيخ صكر اني اريد منكم شغلة
صكر ،،تم شيخ كول
فيصل ،،،اسمع اول شي اني كدام كاعدين اريد اطلب ليد بنتكم نور ع سنه الله ورسولة
صكر،،،،،،...........
كمال،،..........
فيصل ،،،،كلت شي غلط ليش كلها سكتت
صكر ،،،،لا شيخ بس فاجئتنه نشرف بيك بس مثل ماتعرف لازم ناخذ راي بنيه ونردلك خبر
فيصل ،،،،ان شالله
صكر ،،،ودعنه ناس ورجعنه للبيت كتلهم لحد يفتح موضوع هسة خلي نكللها هي اول شي فتنه للبيت ماشفتها
نور،،،،،طلعت من مستشفى واني افكر بكلام رامي معقولة يحبني بس ليش اني ما اعرف او مانتبهت لهذا شي ايجوز هوة متوهم وصلت قريب ع بيت اجتي سيارة سريعه ضربت سيارتي من ورة وضربت راسي بسيارة من وكفت ضليت لازمه راسي نزل ولد منها اجه علية فتحت باب ونزل وهوة يحجي يم راسي واني ماافتهم شيكول
.....انتي بخير
نور،،،انت ليش ماتنتبه ع طريق ليش هل سرعه ردت اموت بسببك
.....بس بعدج عايشه
نور،،،،بيك شي ردت اموت وانت تنكت
.....هذا رقمي اني اتكفل بتصليح سيارة
نور،،،عفواً
....عندي شغل هسة ومستعجل بس اكمل شغلي تدللين
نور،،،،ماريد شي منك وخر من طريقي
....اوديج مستشفى خاف تاذيتي
نور،،،اني مصبحه بوجه منو اليوم اخي بس عوفني ماريد منك شي
....مستحيل تصليح عليه
نور،،،انت غلطان اني ماريد بس خلي اطلع منا
ضل يحجي عفته وطلعت بسيارة مالي خلك مشاكل شفته يمشي وراي بسيارته ماهتميت بي اساسا بس اريد اوصل للبيت لان راسي اذاني حيل وصلت للبيت سيارات هواي اوفف وهذا نزل من سيارة واجه علية
....انت شسوين هنا
نور،،،،اعتقد انت شسوي هنا هذا بيتي انت جنت تمشي وراي ليش
.....اسمي فيصل
نور،،،شسوي بسمك والله اذا ماتروح منا اهلي اخوتي يشوهون وجهك
فيصل،،،،هههههه انت بنت منو
نور،،،انت .....قاطعني جيه كمال
كمال ،،،نور شعندج هنا وشبي وجهج
نور،،،،اريد افوت للبيت بس مثل ماشوف ماكو طريق
صار وياي حادث بلطريق
فيصل ،،،السلام عليكم
كمال،،،وعليكم سلام اهلاً شيخ فيصل
فيصل ،،،بصراحه اني سبب حادث ماجنت اعرف بنيه من عائلتكم
نور،،،يعني اذا منو منهم عادي تموت
كمال،،،نور
نور،،،ماشوف شيحجي
كمال،،،،اني اعتذر منك بلنيابيه عن اختي
فيصل ،،،لا ماكو داعي اعتذار حكها من رخصتكم
كمال،،،انتي ماتنتبهين شتحجين هذا شيخ وسيط بينه وبين اهل ولد شيكول علينه هسة
نور،،،شسويله اريد افوت للبيت
كمال ،،،،هسة افوتج
نور،،،سوالي طريق وفتت بس معصبه من فيصل ومن كلامه شفت بيت بي نسوان اكثر اليوم ذولة شوكت يروحون لاكتني ام صكر
ام صكر ،،،،يمه بنيتي بشنو مضروبه
نور،،،مابيه شي خاله صار وياي حادث بلطريق وعدت سلامات
ام صكر ،،،يمه غير تنتبهين بعد ماسوقين اخلي واحد من ولد يوصلج لا يصير بيج شي
نور،،،هههه لاتخافين خاله ماموت هسة
منى،،،،عار مايموت اكيد
نور،،،ماشوفين بعدج عايشه
منى،،،،انت شيطانه
نور،،،،وانت حمار لان ع حد علمي بس حمار يشوف شياطين .....عفتها وصعدت للغرفه قفلتها وكعدت شويه عقمت جرح رحت سبحت وغيرت ملابسي ورحت ع سرير بي عطر رجالي عطر مو غريب مافكرت بس مجرد ما حطيت راسي ع مخدة حسيت بامان غريب وراحه نمت بدون مااعرف....
علي،،،،نور وين
ام كمال ،،،،صعدت غرفتها لان مسويه حادث
صكر،،،شلون صار وينها تحتاج طبيب
كمال،،،،لا شفتها مابيها شي
صكر،،،شوكت صار ليش ماعندي علم
كمال ،،،من اجوي ناس
صكر،،،،منو.......
نور،،،،، هلووووو
صكر،،،،،انتي بخير مابيج شي
نور،،،،مابيه شي شصار حليتو مشكلة
كمال،،،،اي نحلت شلون صرتي
نور،،،،بخير
كمال،،،،وين جنتي
نور،،،جنت نايمه وهسة كعدت ع صوتكم
كمال،،همممم
نور،،،،اباوع بعيونهم حجي كلت خلي انب احجي
....احم احم كلها انتبهت ..بصراحه اريد اكلكم شي ولازم تسمعوني
صكر ،،،كولي شكو
نور،،،،اكو واحد يريد يتقدم لميار
طلب مني احجي وياكم اذا وافقتو يجيب اهلة
صكر،،،منو هذا
نور،،،انت تعرفه او بل اصح بيت كلة يعرفه دكتور رامي
صكر،،،.......
نور،،،،اني كتلة ابلغكم يلة يجي يطلبها رسمي
ام صكر ،،،،،يمه ليش هوة مو ع اساس يريد يتقدم الج
نور،،،،شنووووو. لا خاله اني وارمي اصدقاء وبس هوة بمقام اخوي جبير وبس ماكو هيج حجي
صكر،،، افكر بلموضوع وردلج خبر
نور،،،،،عن صدكني ماراح تلكه احسن منه لختك
صكر ،،،،كتلج افكر
نور،،،،اوكي
.
.
.
علي،،،،بنيتي اكو موضوع لازم تعرفي
نور،،،،وهوة
علي،،،،اكو شخص طلب ايدج منه اليوم كدام ناس
نور،،،،اي ومطلوب مني اوافق
كمال،،،، لا موهيج بس لان طلبج كدام عالم ماكدرنه نرفض لان عيب وهوة ساعدنه
نور،،،،شنو مساعدة قدمها
كمال،،،،حل مشكلة مؤيد
نور،،،،نعم حل مشكلة مؤيد وتريد اوفق علية مو
علي،،،لا مو قصدي....
نور،،،،اششششششش ماريد منك كلمه انت ليش مصر تنزل من عيني منو هذا وشلون عرف موجود اني ناس كلها تعرف بنتك صغيرة محد يعرف بيه
كمال،،،،شيخ فيصل انتي شفتي عصر
صكر ،،،،وين شافته
نور،،،قصدك الي ضرب سيارة فيصل مممممم كلوله ماموافقه مواني الي اصير ضحيه بسببكم اني مو مثل امي تقبل بضلم وضل ساكته سكتت عنك هواي بي اليوم لا
علي،،،،بس انت لازم توافقين لان شيخ وكف ويانه لما هوة جان اخوج ميت
نور،،، والله ماعرف شكلك انت شنو بشر اني بنتك مو غريبه هلكد تحس بثكل بوجودي ترة مصرفي ومصرف محمد مني وكلي كلة برة يعني بس انام هنا اذا هذا موجك اني سبق وكلت وجودي هنا مؤقت تعرف شنو معنى مؤقت ......
صكر،،،،محد يجبرج لاتخافين
نور،،،،لحضه وحدة هسة ارجع رحت للغرفه جبت تلفون ورحت وين ماكاعدين دكيت ع رقم وفتحت سبيكر
نور،،،،، الووووو
......الوووو منو وياي
نور ،،،،شلونك شيخ فيصل اني نور الي ضربتها بلسيار تذكرتني
فيصل ،،،،،ياهلة وكثير هلة بيج ماتوقعت تخابريني
باجر ادز احد ياخذ سيارة للتصلسح لا تخافين
نور،،،،بس شيخ اني ماخابرت لهذا سبب انت تريد تزوجني صحيح سمعته
فيصل ،،،ويسعدني هذا شي
نور،،،بس.........
قطع اتصال ...
