العنيده والنقيب ليث

البارت العاشر

هلو حبايبي شكرا على التعليقات الحلوه

ضرغام. سمر خيتي ولصنا بغداد وين البيت
سمر. هذا العنوان.........
ضرغام. ماشي
وراح للبيت نزلت سمر من السياره وراحت للبيت دكت الباب طلعلها انور
سمر. نوري حبيبي وحضنته
انور. سمور شلونج
سمر. تمام وانته
انور. بخي لحضه لحضه شبي وجهج ازرك شو اديج وكعد يتفحص بديها ووجها
سمر. ماكو شي
انور. لج شنو ماكو جسمج مزورك منو ضاربج
سمر. محد
ضرغام. احم احم ممكن متلمسها
انور. عفوا منو حضرتك
سمر. اووف نسيت انور هذا ابن عمي ضرغام ضرغام هذا صديقي واخويه انور
ضرغام وانور. تشرفت
سمر. اكولك خو ما كلتلهم
انور. لا اصلا نايمين
سمر. حلو
انور. اووو اسف تفضلو فوتو البيت بيتكم
ضرغام. بعد وكت
انور. والله اسف بس مشتاق لاخيتي
سمر. فدوووه
دخلو ليجوه ضرغام دخل جنطت سمر للبيت
سمر. اكلك انور خو حسين ما مجود
انور. لا اتطمني ما موجود
سمر. افففف الحمدلله اكلك اني راح اكعدهم بطريقتي هذوله الحقراء
انور. لحضه اجي وياج
ضرغام. جا بقت عليه
سمر. اوك تعالو بس انور جيب وياك سطل ماي وطحين
انور. اوك
راحت سمر للغرفه الاوله لكتهم كلهم نايمين بيها
سمر. شعجب خلاكم حسين تنامون وحدكم
انور. ولج امس حسين راح يبات يم صديقه وباجر يجي
سمر. اها اوك يله تعال
فتحت سمر الباب جانت الغرفه باررررده ثلج وضلمه فتحت الضوه وشافتهم واحد نايم فوك الثاني ساره نايمه على رجلين علي وعلي نايم على بطن احمد واحمد نايم يم رجلين امير وحاضنهم ومرام نايمه يم راس امير وتبارك نايمه فوكاهم كلهم ضحكت سمر على منضرهم وطكت صوره الهم وذبت عليهم الماي والطحين
ساره. اشششششههههههه يمااااااا
علي. خرب يومك
احمد. كبور لفتك وطمتك ودفنتك
امير. الله يطيح حضك ياطايح الحض
مرام. مطي نعال حمار حقير زباله المجتمع
سمر. ههههههه ولكم اني انثى
الكل. شنووووو
امير. معقوله
علي. لك احمد اكرصني
احمد. علي تولي لا اطيح حض مرام
مرام. تبارك لزكي بنعال من يمج
تبارك. ساره اكلي تبن
ساره. وحده من الثنين لو اني جاي احلم لو انور صار بنيه وتشبه سمر هم
طبعا يحجون وهمه عيونهم على سمر ابد ما رمشور لو شالو عيونهم منها
سمر. هههههههههه ولكم اني سمر اجيت وراح اعيش يمكم
الكل. سمررررررر وركضو حضنوها
سمر. اخخخخخ بويه كسرتو عضامي
الكل. ههههه مشتاقيلج
سمر. واني هم يله اني راح انزل انتو بدلو بسرعه وتعالو
الكل. اوك
نزلت سمر ووره شويه نزلو الشباب والبنات ضلو يتشاقون وتعرفو على ضرغام وصارو اصدقائه بعدين كامو يتعاركون بالمخدات ويضحكون شويه وسمعو صوت وراهم
هاااي شديصيررر هنااااا

في مكان اخر

عمر. طلعت لبغداد وقررت انو بعد ما ارجع سمر لاهلي اخليها فد خمس اشهر يعني تخلص مدرسه واخذها تشوف اهلي بس زياره وترجع لبغداد وصلت وتوجهت لحسين راح احجيلكم قصت اصدقاء سمر هذوله شله من الميتم شردو لمن جان عمرهم 10 وراحو لبيت حسين طبعا بالصدفه وحسين طالب سادس اعدادي فقبل يعيشهم ببيته بس تحت قوانينه وهمه ماعارضو بعدين تعرفنا عليهم عن طريق سمر بالمدرسه وصرنه عائله وحده رحت لحسين وحجيتله عن سمر والموقف الي نحطت بي كال صدك جذب بيتي مفتوح الكم اربعه وعشرين ساعه شوكت ما تجون تنورنه تشكرت منه ورحنه للبيت لكيناهم كالبين البيت كلاب طب حسين وصيح عليهم
هاااي شديصير هناا
سمر. حسسييين وركضت حضنته(لتتفاجون بس حسين مربي سمر من جان عمرها 10 سنين وجانت دائما تجي تبات يمهم بالبيت فمتعود عليها)
حسين. يروح حسين حبيبتي شلونج هاي شبيج ليش هيج مزوركه
سمر ببجي. حسين حباب خليني اعيش يمك
حسين فتهم الموضوع. لا سمور انتي اختي وبيتي مفتوح الج باي وكت
سمر. شكرا
حسين. حبيبتي انتي اختي وبنتي والتفت على ضرغام وصاح لك ضرغااام العاااار
ضرغام. هاااي شنووو هذااا العاااار. وتحاضنو
سمر. ممكن اعرف الي ديصير
ضرغام. سمر هذا صديق طفولتي لحد السادس اعدادي انتقل لبغداد ونقطعت اخباره
حسين. شلونك شيخ ضرغام مشتاقلك
ضرغام. حبيبي ابو علي
عمر. احم احم نحن هنا
ضرغام. هله ببن العم
عمر. حبيبي ضرغومي
حسين. وانتووو يباوع على الشله الي عزلو المكان بسرعه ووكفو سره منزلين روسهم
حسين. عقابكم بعدين
سمر. حسين حباب علمودي لتعاقبهم
حسين. اوك بس علمودج
سمر. يسلمووو
بهل اثناء دم تلفون عمر

عمر. الووو اي لكيتها اي لا بعد منرجع اني وياها راح نعيش وحدنا اي بكيفي باي
سمر. منو هذا عمر
عمر. هذا شاهين سالني عليج وكتله راح نعيش وحدنه
سمر بحزن تمام
رجعت حيات سمر الطبيعيه بس تغير شي انو هيه صارت وكحه اكثر وصارت تعاند اكثر وهاذا شي خله المدرسات يشكن منها ووصل خبر لحسين وعمر وعاقبوهم كلهم منعوهم من التلفون والنت والطلعه لمده شهر بس هل
شي ما اثر على سمر واستمرت بمشاكساتها وطبعا ما استسلم شاهين وليث عن سمر وضل دائما يدورون عليها وضرغام رجع للبيت لان خابره ليث واعتذر منه والجد هم وكله الا ترجع للبيت فديوم جانت سمر تمشي للمدرسه هيه والشله ويضحكون وينكتون رفعت راسها وشافت دوريه واكفه بباب المدرسه وهنا جانت الصدمه

ياترى شنو الشي الشافته سمر وخلاها تنصدم

لهنانه وخلص البارت حبايبي لاتنسون التصويت على القصه وتصبحون على خير احبكممم