العنيده والنقيب ليث

البارت الثاني والعشرون

هلو حبايبي شلونكم

سمر. اسفه سيدي اتاخرت

حسين. هاي اخر مره مفهوم

سمر. شنوووو انته شتسوي هنا

حسين. عفوا

اسد بهمس. سمر شنو شيسوي هنا غير يدربنه

سمر بهمس. اسد انجب (صارت اكو ميانه بين سمر والشباب)

فهد بهمس. يول شبيكم تتهامسون

سمر بهمس. انجب انته الثاني

حسين. سمررررر

حسين.  جنت اقره بالاسماء وصلت الاسمها رفعت راسي شفتها تحجي ويه الولد صحت بيها. سمرررر

سمر. نعم سيدي

حسين.  نزلي شناو 25 طبعا سويت هيح حتى ابينلها انو تعاملي وياها بالبيت شي وهنا شي ثاني لان هنا كليه حالها حال الجنود

سمر. حاضر سيدي

سمر. كلش ضوجني بس ماحبيت ابينله انو ضجت سويت 25 شناو وكمت وكفت هسه تكولون شلون تعرف جنت ادرب ويه عمر وجان يعلمني شويه شويه

حسين. كتلها على الشناو شفتها ضاجت من تعاملي وياها بس لازم تتعود على هذا الشي طبعا هي ماتوقعت انو اني راح ادربها ولا اني ردت ادربها بس عمر كلي ادربها

نرجع للماضي شويه لمن عمر دره بقرار سمر

حسين. شبيك عمر اهدأ

عمر. حسين خايف عليها حيل

حسين. من شنو يخوي

عمر. حسين صعبه عليه يعني بوحدها وكليه عسكريه صحيح اختي واعرفها قويه بس ترى الزمن مو زين والوكت هسه بالعراق كله فساد بفساد وهيه مهما يكن بنيه وانته ظابط وتعرف شقصد

حسين. والله يخوي ما ادري شكلك

عمر. حسون اطلب منك طلب بس اتمنه متردني

حسين. كول يخوي ميردك غير لسانك

عمر. تسلم حبيبي تكدر انته تشرف على سمر

حسين. اكيد اكدر لتخاف سمر بحمايتي

عمر. تسلم حبيبي والله ماعرف شلون اشكرك

حسين. لا عمور راح تزعلني منك احنا اخوه وماكو بيناتنه شكر

نرجع للحاضر

سمر. خلصت وحسين بده ينطينه تعليماته وقوانينه وشراح نسوي وشنو التدريبات
خلصنه ورجعنه للبيت بالطريق كلت لحسين

سمر. حسين

حسين. ها

سمر. ليش اليوم خليتني العب شناو

حسين. اول شي هذا مولعب هذا عقاب ثاني شي سمعي سمر ترى اني بالبيت وحد وبالكليه وحد صحيح كتلهم وحده من كرايبي بس هذا ميغير شي انتي حالج حال الجنود ادربج واعاقبج واصيح عليج حالج حالهم ماشي

سمر. ماشي

حسين. سمور تدرين بيه مااحب التفرقه لتزعلين

سمر. لا مزعلانه اصلا بالعكس كلامك كله صح

حسين. عفيه

سمر. وصلنه للبيت تغدينه وصعدت انام كعدت العصر بدلت وطلعت اشتريت النواقص العندي لان باجر نروح للكليه اني وحسين وتعشينه هناك ورجعت نمت كعدت بالخمسه راسن بدلت واخذت الجنطه ونزلت
ليجوه صبحت على عمر وحسين ودعنه عمر وطلعنه للكليه وصلنه تقريبا 5:45 دخلنه على العميد ركعناله تحيه وانطانه رقم الغرفه رحنه للغرفه ذبينه الجنط

حسين. يله سمر اني طالع انتي لبسي البدله ولحكيني

سمر. اوك

حسين. مو تنسين حجي امس ما اريد مشاكل

سمر. اوك
طلع حسين واني بدلت ملابسي ونزلت للساحه لكيت الشباب واكفين سلمت عليهم وبده التدريب حسين جان كلش قاسي ويانه وهاي اول مره اشوفه هيج جان اقل خطأ منا يضربنه بالعوده خلصنه التدريب وراح كلمن لغرفته اول ما دخلت بوجهي للحمام سبحت وغسلت ملابسي وطلعت نمت كعدن حسين كالي على العشه كتله ما اشتهي ورجعت نمت استمرت هيج حياتي بين الكليه والبيت واهلي انقطعت اخباري عنهم لان ماعندي وكت بس لمن ارجع للبيت اسأل عمر عنهم

بعد اربع سنوات

سمر. اتخرجت وصرت ضابطه وشايله على متني نجمه متتتوقعون فرحتي بهذا اليوم رجعت للبيت لكيت الشله مسوين حفله على مودي احتفلنه وطلعنه للمول اتعشينه ورجعنه سبحت ولبست شورت وكيمونه ونزلت

ساره. سمر شبيها رجليج زرك منو ضاربج

سمر. هههه سور هذا عقاب حسين

ساره. رجليها مزوركه وتضحك

سمر. ههههه لان تعودت بعد مادخلت كليه عسكريه تغيرت صرت بادره وقاسيه وصرت عنيده اكثر المهم خلصت السهره وكلمن صعد لغرفته بس منامو كلمن يفكر بمستقبله وشنو المجهول الي ينتضرهم

لهنانه وينتهي البارت طبعا كلكم اتوقعتو يطلع ليث المدرب بس مو هسه يطلع ليث بالبارتات الجايه واسفه على الاغطاء تصبحونرعلى خير حبايبي