افروديت .. قصة عشق بين معوق و مصابة بالسرطان ..

مقدمة القصه

احمد

عمري 39

حاليا بسنه 2020

احب هواي اشياء الميكانيك السيارات الرسم الرياضه وخصوصا السباحه

بيوم من ايام سنه 1999

رحت ويه اصدقائي اسبح بلشط

كنت اجي اركض بسرعه واشمر نفسي بلشط من مكان عالي وانزل بلماي على راسي

مره من المرات شمرت نفسي بلماي بقوه

نزلت جوه بلماء وماكان عميق ضرب راسي بلارض

كل الي حسيته اني فقدت السيطره على جسمي كاني ميت

طلعوني من الماي كنت اشبه بجثه هامده وبصعوبه اتنفس ونقلوني للمستشفه

بوقت الحصار كانت المستشفيات سيه جداااا

واحنه من عائله بسيطه

بقيت شهر بمستشفه الجمله العصبيه

ايسو من حالتي وطلعوني

جسمي كله مشلول ماكدر احركه

ودوني لمستشفه ابن القف العسكري بلقناه

بعد ماطاب الكسر تحسنت حالتي شويه

كمت احرك رقبتي وصارت اكو حركه بايدي بس موقويه اصابع ايدي بقت كلها مشلوله

بقيت سنه بلمستشفه سولي تاهيل وعلاج طبي

علموني شلون اكل واكتب بادوات مساعده واشياء اخرى اساسيات بلحياه

فقدت كل اصدقائي واقاربي

باستثناء صديق واحد اسمه علي

ومن اقاربي ابن عمي احسان

واثنينهم وكفو وياي ولو ما اهلي وصديقي وابن عمي متت لو تخبلت

بعد سنين صعبه مع شلل رباعي وحصار اقتصادي بالبلد

بعد السقوط بسنين كدرو اخواني يشترولي لابتوب

كانت احله شيء بحياتي حصلته

لاني احب الكمبيوتر من سنين وكان حلم صعب المنال

وبسنه 2011

بالفيس بوك اكو بنيه اسمها حوراء

شفت منشوراتها جدا جميله ادب ودين وعلم

ضفتها بس ماكلمتها لاني ماتوقعت ترد السلام علي لانها ماعتقد عدها وقت ترد توقعتها استاذه جامعيه او شاعره

بعد ماضفتها بساعه صار مامتوقعه

رسلت رساله الي وكلمتني وسئلتني عن صوره مخليها بصفحتي لشاب على كرسي متحرك

كلتلها اني معوق

كنت مخلي بدل اسمي لقب ليث بلفيس بوك

كلت اسمك ليث

كلتلها لا لقب

كالت ليش اختاريته

كلتلها لان اليث بيه هواي صفات نبيله

كالت مثلا شنو

كلتلها لايغدر

عرففتني على نفسها

وكالت هيه حاسه بمعاناتي لانها تعرف معاناه المريض هيه عدها سرطان

وسبب الي خلاها تكلمني لاني معوق

وتعرف معاناه المرض

هيه عراقيه مهاجرين للاردن ابوها عنده عمل ومن عائله ميسوره

كالتلي ممكن تعتبرني اختك الصغيره وتقبل مني هديه

انطيني رقمك وعنوانك وباجر ارسلها الك

عرفتها تريد ترسل مساعده ماليه

كلتلها والله اتشرف باخوتك وهاي احله هديه

كلتلها الحمد لله حالتي مستوره

ورفضت مساعدتها

يوم بعد يوم تتعمق علاقتنه

وبعد اسبوع صارت علاقتنه كانها 7 سنين

عرفت عدها سرطان وحالتها ميئوس منها

نسبه نجاح عمليتها تقريبا 10 بلميه

ورافضه اي علاج ومحد من اهلها كدر يقنعها بلعلاج

تكول خلوني اعيش باقي ايامي بسلام لاتعذبوني بعمليات وعلاج ونهايتي الموت

ورغم هذا كانت من تكلمني قلبها ينبض بالحب

بين كل كلمه وكلمه تكلي احبك حبيبي حمودي

وكانها مثل الانسان باخر دقائق قبل الامساك يريد يشرب ماء كثير قبل لا ينحرم منه

كانها باخر ايامها تريد تعبر عن كل مابكلبها من حب وتنطيه الي

واني حبيتها حب اكبر من حبها الي

خوفي من فقدانها حسسني كاني اريد اخفيها عن الموت بقلبي

وبلاساس اني حالتي مو احسن من حالتها وممكن ان اموت باي لحضه

صدقا ماكنت مصدق اني ممكن ارتبط بيها بالدنيه

لان هيه من السماء و اني من الارض

حته لو هيه حبتني مستحيل اهلها يخلونها ترتبط بواحد معوق و نكره على هامش الحياه لا علم ولا مال ولا جسم

 كنت اتوقع نموت اني وياها ونتزوج بالاخره

انتها الجزء الاول

شكرا لكل من قرائها