حنيني لمحمد...
البارت الخامس...
الكاتبة حنين بن دلة
اني.بسم الله اللهم اسكنهم في مساكنهم
محمد.قتلك ءءاا قصدي قالك محمد اليوم مافيش مشي للعيادة لانه يبيك ..وايسلم عليك
اني.خبطه بالمخدة علي ظهره .باهي وصله سلامي حتي اني وقوله اليوم بنمشوا ضروووري والا بنرقد في الصالة اليوم
محمد نط.انبصر انبصر عليك والله ياحبي دابنك ماشية
اني نضحك.ايوه هكي يابرووو احني أصحاب
محمد.ايه ياصاحبي هههه
اني.باهي هيا بلا تسهويك بيفوت علينا الوقت
محمد.لا لالا ياعيني وااالله ماااني نايض لين تعطيني فطوري
اني.كان ينسي لكن بعدها طول اتنوض ادوش
محمد.باهي الله غالب عليا (وخذي السيد محمد فطوره علي اكمل وجه)ودوشوا ولبس محمد سروال بيج وقميص نص كم ابيض مع كويش ببج وساعة برفان قوييي ونفس الشي اني لبست سروال ابيض واسع وسورية وردية هافتة مع بشت بيج وشنطة وكويش وردي هافت وكحلت عيوني بالازرق وشوية احمر شفاه وبرفان عرايسي .......
محمد.حي حي عالغزال طالعه اتجنني(surprised)مصارش مصارش من المشي للعيادة
اني.بالله هيا انحس في روحي متشوقة..
محمد.باهي لكن بعدين نبي تعويض
اني. من عيوني يا عيوني
وطلعوا وطول الطريق. ومشو وهيا كل الوقت تسأل فيه عن امه
محمد.ماتخافي ولا اتوتري توا بنمشو للعيادة قبل تمام
حنين.يلي ايريحك
ولما وصلو قال محمد لحنين بالله تعال انصورو سيلفي قبل طالعين انهبلو وصوروا مع بعض وخشت حنين ومحمد للعيادة وهيا خايفة شافلها محمدوقال
محمد.ما اتخافي غلاي وشد يدها وعيون الناس ما مشت من عليهم اول واحد جاهم ماهر دكتور وصاحب محمد هلبا
د.ماهر.كيف حال العرسان
محمد.تحشم علي وجهك
ماهر.تي اسكت الهم وطيت قدري قدام المرا
حنين.ضحكت
محمد.ضحك باه ي تعال معانا درنا اجتماع اعادة تنظيم
ومشو هما التلاتة لقاعة الاجتماع وقعمزو حنين ومحمد بجنب بعضهم وهوا قاعد ماسك يدها
جنين.قالت لمحمد بصوت واطي قصدك الدكاترة كلهم بيجو
محمد.ايه طاقم طبي من21دكتور
وبدا الاجتماع وفي نص كلامهم حنين بطنها من الخوف وهيا تهرس في يد محمد
حنين.باهي نبي الحمام
محمد.ضحك بصوت وقاللها هيا نوضي ناضو محمد وحنين قال لدكاترة الموجودين نستأذن المدام حنين تبي التواليت وقبل ما ايكملها حنين نخصاته بمعني اسكت
ومشو للدور التالت وحنين طول الطريق اتهزب في محمد ع الموقف
حنين.الله مانك طبيعي
محمد.ايه مستورد هههه
حنين.فضحت بيا قدامهم انحس روحي معاش نبي الجمام
محمد.بعد الطريق هادي كلها حتي اني بنخش
حنين.بالفرض الحمام اقرب شي قصدي الواحد بيشد في روحه تلات ادوار
محمد.لا هوا في كل قسم في حمام خاص بالدكتور وحمام(حشاكم)عام بس يلي فوق خاص بيا
ونزلوالاتنين بالاصنصيروكملو الاجتماع وتم تعيين حنين دكتورة نساء وولادة...
وبعدها مشو لحوشهم وطول الوقت هما يضحكوا ووصلو للحوش وطلعتلهم اسماء وامه قدام الحوش نستني فيهم وسفرة داخل امجهزتها الخدامة علي كل شكل واول ما وقفت السيارة قال محمد لحنين ماتخافي امي طيبة
حنين.انشاء الله انكون قد المسؤولية
محمد.انشاء الله ونزلو الاتنين واول ما نزلت حنين سلمت علي امه وسلمت علي رأسها وقعدن يبكن وحنين ادكرت امها ولو حظرت عرسهاكيف حيكون الجو عالمهم
وبعدها سلمت علي اسماء وخشو وفي الطريق ..
اسماء بهمس. محمد شن رايك فيها
محمد.مية مية ادب واخلاق وجمال وعلم
اسماء.ليك امعاها أربعة ايام وعرفت هادين كلهن
محمد.هادا كيف صار
وخشو وحنين شادة في يد عمتها وتغدو وهدرزو علي حنين وضحك وجو مليح
اسماء. حنين.شن سبب وفاة امك الله يرحمها
حنين.طول نزلت دمعتها وكأنها كانت علي سبلة وقالت بين يوم وليلة كانت الدنيا مضوية وحلوة لين قالوللنا امك مريضة بسرطان في الدم وبسبب ضعف الدكاترة وقلة خبرتهم علي طول خلتنا بروحنا كانت اصعب ايامات
اسماء.اسفة مش قصدي
حنين.ولا ايهمك هادا شي واقعي
ام محمد.وهيا تبكي يابنيتي ماهو ساهل فقد الام(جرح عمره ما يبري)
محمد.فاطمة امي وامك ياحنين
حنين.علي راسي
ام محمد.شن يا محمد رايك فيها بنيتي
حنين.صبت وقالت لاسماء تعالي نبيك شوي(علي أساس بتخليهم علي راحتهم)
اسماء.تعالي انوريك حوشنا وحوشكم فوق
ومشن ايهدرزن اتشوف في الحوش....
في الليل
.محمد.شن عجباتك الشقة
حنين. روووعة
وكملوا اليوم علي الكلام بس وكان مابين كلامهم ...
حنين . انتعاهدو
وعد وولا واحد فينا ايخالفه
محمد.وشن هوا
حنين.انه منخلوش بعضنا لكل مهما صار وما نكدبوش علي بعضنا حتي في مشاعرنا ومهما كانت الظروف
محمد.تم واني نوعدك ونعطيك حتي ضمانة 25 سنة
حنين.وشن هيا
محمد.عطاها بوسة كبيييييرة علي ...وباس ايديها وقاللها هادي هيا ضمانتيوانتي شن ضمانتك
حنين.عطاتا بوسة اكبر منها وناضت تجري
محمد.بصوت عالي تي والله انحبببك
وكملو هدرزتهم وفي الليل ماهر اتصل بمحمد قاله نبي مبلغ فلوس ضروري وقاله تمام نتلاقوا قدام المول
محمد.اني بنغير وبنطلع تبي شئ
حنين.بتفاجئ لا وين بتطلع
محمد.ضحك قصدك ماتبنيش نطلع
حنين.بخجل بس اني انخاف بروحي
محمد.مدام مكتوب في العقد زوجة محمد متخافيش بكل ياقلبي
حنين.وبدون ماتندري علي روحها حظناته وقاتله استودعتك الله يا قليبي
نزل وهوا فرحان وقال كان كل ما بنطلع بديرلي هكي كنهادا نطلع كل خمس دقايق بس الصراحة هيا بنت اصول ومربية ومشى للمول عطي ماهر الفلوس ومشي للمطعم وحجز عشاء كامل ومشى شري شموع وخدا كيكة مكتوب عليها بالاحمر انحبك♥♡وفي الفترة هادي حنين دوشت واستشورت شعرها ولبست روب بيج قصير علي طول شعرها مع شوية ميكب وبرفان وطالعة اتجنن وضمت الشقة وبخرتها واتصلت علي بوها وخواتها ودارت لمحمد رنة بمعني طولت وشوية وخش محمد وعلي طول لبست املاية الصلاة ومشتله شاف محمد وجه حنين كيف طالع ايجنن وريحة برفانها ذوباته من الباب
محمد.استاحشتك
حنين.اكويس من توا بنتغلا عليك
محمد.ضحك وحط الاكياس في دار نوم وكان جايب امعاه 4قطع ارواب قطعتين ليا وليه نفس الون ع اسود و2 ع البيج وقالي شن تبينا نلبسوا قتله اني لبست انت البس ع البيج ولبسه وطلع ايجنن وقعمز عالطاولة ايحل في الاكياس
محمد.افتحي الدرج الصغير .. حنين.حاضر
محمد.تلقي فيه كيس جيبيه
حنين.تفضل
محمد.فتحه وكان فيه هاتفين ايفون تسعة وكفرته مكتوب عليها انحبك وحرف M والتاني انحبك وحرفH خديت اني m وهواh وجبدني من املاية الصلاة وخدينا لقطات ايهبلن وسخيفات وتعشينا ونفس كل ليلة وصار يلي صار
اليوم التاني فاقت وهيا بين ايدين محمد قعدت امركزة فيه
. ناض محمد وطوول خدي فطوره
حنين.صباح الخير
محمد.صباحي أنتي..شن رايك اليوم نفطرو عند امي
حنين.احسن حاجة بس خليني بندوش بسرعة
محمد.تمام بس ما اطولي
حنين.باهي
محمد.ماتنسيش اني انحبك
حنين.حتي اني والله
وخشت حنين للدوش ادوش وهيا اتغني ياحب اندوب في غراما(على فكرة الاغنية ليبية)ومحمد كان طول الفترة ايسجل فيها وبعد ما تمت قعد ايصفقلها واول ما طلعت قاللها تم اختيارك في برنامج المواهب ديڨايز.وهي وجها احمر وقاتله عمري ما خشيت للدوش واني ساكتة ياأما انكلم في روحي والا انغني محمد.معناها لازم ادخليني امعاك بيش اتعودي عاجمهور وضحكوا هما الاتنين ودوش حتى محمد
طلعو ولبسو اتنين نفس اللبسة بس المرة هادي ع الكركمي الغامق ولبسو الاتنين سروال اسود وسورية كركمي غامق وبيتول كركمي طويل وحنين لبست وشاح وشنطة اسود ونزلوا فطرو كلهم وضحك وجو امليح امدايرتهلهم حنين وبعدها طوول طلعوا
محمد.وين تبيني ناخذك
حنين.........
.... يتبع
..
