حنيني لمحمد.....
البارت العاشر......
الكاتبة:"حنين بن دلة"
الدكتور.تقدر تستريح كانك متعب لأنها اليومين او اكتر مستحيل اتنوض
محمد.ليش
دكتور.هيا علي حسب ماحكيتولي في أنها في ليبيا اتنوض تتالم وارجع لحالة الاغماء
دكتور فادي كان جنبهم.ايه ..والحالة هاذي جننتهم ماعرفوش شن يتصرفوا
الدكتور.توا اني عطيتها منوم قويي ايدوم 24ساعة ولأنه مناعتها ضعيفة الفترة هادي كلها حنستخدمهلها لين الرحم يستقر علي وضع معين
محمد.تمام
الدكتور.ربي يحفظكم لبعض
محمد.ومايحرمني منها يا رب
بعد مرور أربعة أيام@
محمد.قاعد علي نفس الوضع وكذالك حنين والاتصالات من عيلتهم ماوقفنش بكلللل
في الليل محمد امقعمز وسارح ع الكرسي جنب فادي
محمد.احكيلي كيف صار معاها حنين اول يوم
فادي.حكاله القصة كلها من اول يوم لاخر يوم
محمد.يعني مش من الاول اجهضت
فادي.ايه ...قعدت في حالة صدمة ليومين وبعدها اتقول أنها حاسه بيك وانك قاعد حي
محمد.حاط ايديه علي اعيونه عشان يخفي ادموعه
فادي.لكن تبي الصراحه لكل عرف معدن حنين وأنها فعلا اتحبك مش بس كلام رآه لأنها مستحيل مراء ايصير فيها هكي علي خاطر راجلها مهما كان
محمد.يذكر في ايامات الوحم وكيف ايدير عليها في الجو وكيف كان جوهم كله ضحك
جاه الدكتور.السيد محمد
محمد قفز.نعم دكتور
الدكتور.تقدر اتشوفها لأنكم فعلا محتاجين لبعض
محمد.شكرا بجديات (طبعا خلوه ايخش بعد ما الح للدكتور )
عقموه ولبسوله القاون والماسك وكل لبس العناية وخشلها
محمد.ايقدم بشوية بخطوات مهزوزة ايشوف في حبيبته وزوجته وحلاله ومالكة قلبه في الحالة هادي بسببه
كانت مش املبسينها شي 💔كان شرشاف ابيض عليها والأجهزة كلها موصولة عليها وجهها واعيونها الزرق يلي ايجننوا وايذوبوا اين حد ايشوفلهم ذااابلات شعرها الكستنائي يلي اكتر حاجة اذوب فيه طالع منه اشوية شعرات متناثرات علي وجهها ...المشهد هذا كله ايقطع في محمد بالعرق (هذا كله صار لغياب محمد عنهااااااا ).....
تقرب منها بخطوات بطيئة وهوا ادموعه ينزلوا شلالات علي خده وهوا يبكي ويدعي ربي في كل خطوة يخطوها ... قرب منها اكتر نزل علي جبهتها باسها وادموعه ودعائه ماوقفوش وسرد احلي أيام في حياته معها مسسسستمر......
💔💔😔😔
قعمز ع الكرسي جنبها علي طول حول إمتاع الأكسجين باسها ورجعه لمكان ايشوف فيها وايتمعن وفي خاطره(صح يا حنين ماكذبتيش في احساسك ماكنتيش تكذبي لما اتقوليلي اننننححببك ....ربي ايقدرني نسعدك يا غاليه)...
مروا ساعتين علي محمد وهوا غافي وحاط رأسه علي يدها حس بحاجة تتحرك قفز مخلوووع.شافها لقي اعيونها الزرق مفتوحات وايدمعوا فيهم نضرة عتاااب وحب وهلباااا حاجات تسرد فيهم نضرتها ليه
محمد يبكي.حنيين واخييراا راك قتلتيني بالعرق رااااك مكش عارفه شن درتي فيااااااااا
حنين اتشوف فيه وتضحك واعيونها ايدمعوا وماعندهاش جهد ولا حيل تتكلم لكن لما شافت محمد قدامها نسست كلل شي.....
حنين نحت إمتاع الأكسجين ببطئ وقالت.زعما اني متت والا انت حي
محمد ضحك .لالا نحنا اتنين حيين ويلي أحْيَانا هوا حبنا يا حبي
حنين .قعدت تحضن فيه ونست كل لأجهزة يلي عليها وتحضن فيه وتبكي وكذالك محمد ....(شعور ولا ينحكي في كلمات ولا ايعبر عنه مجموعة من الحروف..شعور اتنين احياهم الحب يلي كان فعلا حب مش اي كلام)
حنين بشهقات.كنت عاارفة انك مش حتخليني برووحي في هالدنيا بكبرها كنت حاسه بس ولا حد صدقني
محمد.كان كل فكري عندك كنت انفكر فيك اكتر من روحي بجديات آااااسف كله صار بسببي
حنين وعينها في عينه. حتي اني آسفة ماقدرتش انحافظ على امانتك سااامحني محمد
محمد.حط يده على فمها...اسسسس هذا إرادة ربي وعالمهم انتي بخير الباقي يتعوض كله
قعدوا ايهدرزوا وهيا في حضنه ورأسها علي صدره
حنين ببكي.بالله عليك معااش اتخليني مهما صااار معاش عندي حيل لشي
محمد.مستحيل انخليك ولاعندي حيل لحياة مافيهاش انتي
حنين شافت فيه .علاااش انت ضااعف هكي
محمد ضحك.علي أساس انتي ساامنة .
ضحكوا اتنين...
رقدت علي صدره لساعات وكأنه هني بس تتنفس وكأنها كانت في غربة وبعدين رجعت لبيتها
.....
تاني يوم الصبح
فاقوا الاتنين وكلم محمد وتفاجئوا كلهم بالتغيير يلي جاها فجأة..... وكلم العيلة في ليبيا وكلمتهم حنين (طبعا هيا قاعدة تحت المراقبة لكن التغير يلي جد عليها من لما شافت محمد فاجئهم كلهم)
باختصار@...
كملوا عشرة أيام في تركيا.....لكن حنين قاعدة كل فترة ايجيها نزيف لهذا محمد مايبيش ايروح لين ايطمن عليها مية في المية
في الليل.....
خش محمد لقي حنين رااقدة قعد اينوض فيها ....
محمد.نوضي نوضي وهوا ينخص فيها من بطنها....نووووضي هيااا
حنين.هههه واتعيط خلاص محمد فياا النطة ههه انعيط رآه
محمد.باسها وقعمز عليها شن رايك حبي نطلعوا اليوم
حنين.والله خلوقي ضايقات من المستشفى
محمد.عفي عليك عفي (يدويلها بالخليجي هههههه) معقولة راجلك محمد وانت خلوقك ضايقات هي جهزي روحك
حنين.هههه زعما ايخلوني نطلع
محمد.لو كان انهربك تهريب
حنين.باهي هي خليني انوض اندوش وانت أسأل الدكتور.وهيا تتكلم الباب طق
محمد.حطي الوشاح عليك ..تفضل
حنين ساويت الوشاح عليا ....
خشت ممرضة سمحة وطالقة شعرها الأصفر وجاية تتجكتر (تركية يا كبدي)..عفوا السيدة حنين خليني نكشف عليك (بنقول ملاحظه....طبعا لما يتكلموا حنين والا محمد مع أطباء أو ممرضين اتراك يتكلموا تركي لأنهم واخذين اللغة التركية اتنين ولما أن لاني وانتم تعرفوا نتكلموا تركي فجبتلكم مترجمة يلي هيا انييي ...احم احم متواضعة طال عمري.. انبصر انبصر عالمهم فهمتوا علياا)
محمد يبي ايغيض حنين .قال بالعربي عشان الممرضة ماتفهمش عليه..الله محلاها ياناااس عليك اعيون وعليك خشم وشعر ايطيح القدر..
حنين سمعاته قرنت حواجبها .كله اصطناعي أما اني علي الطبيعة واحلي منها
محمد.يا عيني يا عيني على التقة
حنين.احمم عشان تعرف بس
وكلموها وكشفت عليها...
الممرضه.تقدروا تطلعوا بعد ماتاخذوا إذن من ادارة المستشفى
محمد.حنين حبي عادي ناخذوها امعانا الممرضة هاذي انرد بالي عليها ءءا قصدي اترد بالها عليك
حنين.طارتلها بالمزبوط .. لالا حتي كان بتمشوا بروحكم عادي ...اني مش طالعه امعاكم
محمد عرفها طارتلها منه..احسن ءاا قصدي علاااش
حنين.ردت عالسرير وهيا اتحس بمغص قوي في حزامها وبطنها
محمد قرب منها...انبصر عليك حبي والله انتي احلي وحدة في الدنيا كلها
حنين بصوت فيه ألم.محمممدد نااديلي الدكتور
محمد.قصدك بتطلعي انتي وياه
حنين.اااااااااه محمد معاااش قااادرة بسرعة
محمد خش في بعضه وطلع يجري للدكتور
جاها الدكتور وكشف عليها وعطاها يبرة مغص ومنوم عشان ايخف عليها وطلع لمحمد برة
محمد يبرم ويدعي ولما طلع الدكتور جاه يجري....
محمد.شن صار يا دكتور
دكتور ابتسم .ماتخافش بس شكلها تعصبت وهيا قاعدة صحتها مش تمام ..لازم تبعد عنها اين شي ايخليها اتعصب
محمد.كله مني اني ثقلت البصارة امعاها وهيا غيورة هلبااا ... ولا ايهمك انشاء الله منخليهاش تتعصب بكل
الدكتور.ربي ايخليهلك
محمد.امييين وصحيت بجد تعبناك امعانا
الدكتور.ولو هذا وااجبي
خش عليها لقاها راقدة والدم قاعد ع الشرشاف
قعمز جنبها وايقرا عليها في المعوذات وآية الكرسي ورقد جنبها ....
في الصبح بكري ناضت حنين فاشلة لقت محمد راقد جنبها وامحاوطها بيديه اتنين ....ناضت بشوية عما اينوض
وخشت دوشت واتصلت ببوها وهدرزت عليه ...واشوية وطق الباب
حنين.ساوت وشاحها ... اتفضل
خش الدكتور وامعاه الممرضة جايبة الفطور....
الدكتور.صباح الخير حنونة
حنين تحشمت.اه صصباح الفل
الدكتور شاف لمحمد رااقد ع السرير ضحك.ههه معناها حالك اكويس
حنين.ايه الحمد لله بس الدواء حسيته قوي هلبااا واتجيني دوخات ومغص قوي بعدين يبطل
الدكتور.تمام بعدين انديرلك تحليل دم ونطمنوا عليك ...بس بنسألك
حنين.تفضل ....
الدكتور.كنتي تاخذي في أدوية انتي غير إمتاع تثبيت الحمل
حنين.لالا خذيت الأدوية المهمة بس
الدكتور.يعني ماخديتيش دواء بعدين طلع خطأ
حنين استغربت في أسئلته.لالا وماتنساش أنه تخصصي هذا ولادية فورك اسد وبعض الأدوية الخاصة بتثبيت الحمل
الدكتور.اها تمام ولما ايفيق محمد تعالي انديرلك تحليل
حنين.تمام وشكرا ليك
طلع الدكتور والممرضة امعاه بعد ماحطت الفطور ع الطاولة واني انفكر شن سبب الأسئلة هاذي كلها خلعني محمد بصوته العالي
محمد.حننووونة قالك
حنين.هههه خلعتني يا راجل
محمد.مصح وجها قريب قالك انحبك
حنين.ضحكت ..لالا قالي عليك خشم وشعر وعيون ايطيح القدر
محمد.ناض باسها يلي يقدركم انتم
حنين.حتي انتوا مش ساهلين
وفطروا ومشت حنين دارت تحليل دم وهيا في الطريق لقتها دكتورة زمان قارية امعاها (حنين شاهدتها عالية من تركيا ...بعد وفاة أمها خشت في حالة نفسية بعدها مشت هي وباتها لتركيا وكملت اقرايتها).....
الدكتورة مها.اوووه دكتورة حنييييين وجت حضنتها
حنين. الدكتورة مها واله
مها.ايه عااش من شافك شن جوك وسلمت باليد علي محمد .ماتقوليش هذا راجلك
محمد .ههه لالا ولدها
حنين.هههه ايه راجلي شن جوك ..شن اديري هنا والاخدمتك
مها.ايه نخدم هنا ولما سمعت بيك جيتك نجري انشاء الله لاباس عليك
حنين.تسلمي
مها.بالله نبي نستشيرك في حالة عندي ولحد الآن ماعرفتش العلاج المناسب ليها
حنين.حاضر وشبحت في محمد
بمعني نمشي والا لا
محمد.تمام واني نستني نتيجة تحاليل وهمسلها ماطوليش
حنين.حاضر
مشت حنين وكشفت عالحالة وكانت مراء ليها ستة اسنين متجوزة وماجابتش ...قعدوا ايهدرزوا وايتناقشوا مع بعض
حنين .هي سلام محمد يستني فيا
مها.صحيتي حنو (طبعا مها ليبية تسكن في تركيا وتقرا استقرت غادي وتعرفت علي حنين في القراية ).....
الممرض.استاذ محمد اتفضل نتيجة تحاليل عند الدكتور
خش محمد للدكتور وجهها ما ايبشرش بخير
محمد.انشاء الله خير ..شن نتيجة تحاليل
الدكتور ورأسه لوطا .للاسف..
محمد صبي .تي احكي اكويس خيره شن فيها حنين
الدكتور.حنين بعد يلي صاار مستحيل تحمل لانه البيويضة امتاعها اضررت هلبااا وصعب جدا أنها تحمل من جديد
حنين كانت تسمع عالباب حطت يدها علي فمهاا
محمد.تي شن تحكي انت مش مزبوطات تحاليل لابدة الخطأ منكم لالا مستحيل لالا ويسمع في حاجة طاحت طلعوا يجروا
.........
......
..
.يتبع
رايكم حبايب قلبي فيها وآسفة علي أي خطأ أو تقصير فيها وطبعا طولتها علي قد مانقدر وطبعا ماتنسوش أن لايكاتكم سبب دعمي ...وانحبكممم هلبااا هلبااااااات
