حنيني لمحمد....
البارت الثامن عشر..
الكاتبة "حنين بن دلة"...
محمد. شن هدا يا حنين
حنين و الدمعة في اعيونها. حتى هوا عرس الغالي
محمد ماهمش لأمه والناس يلي اتشوف فيه وحضنهاو وجهه في رقبتها.. والله انحبك انحبك بس ليش هدا كله...
حنين. يلي الناس أدير فيه بعد ما ايفوتوا اسنين اني اختصرتهالك اليوم وإنشاء الله بالذرية الصالحة يلي اني ما قدرتش نعطيهالك.
محمد. اني السبب والله
حنين. أسس مش انت هذا قضاء ربي
والصدمة قاعدة عليهم....
حنين كانت امجهزة كل شي...
وفي الليل وصلوا المعازيم وأسماء أصرت عليها حنين ولبست قونة قصيرة ع الأسود وسورية بلا اكمام عالزرعي وشعرها مفكوك.. أما حنين بعد ما استقبلت كل المعازيم بقفطان ابيض قصير وشعرها كله كيرلي ومع اشوية ميكب و كحل وطالعة اتجنن وطبعا كل العيون عليها...
أسماء. الو محمد
محمد بصوت فااشل. خلي حنين تطلعلي
أسماء. انشاء الله
ومشت لحنين..
أسماء. حنين تعالى نبيك اشوية
حنين. تمام.. ومشت امعاها لغرفة التجهيز في الصالة وأول ما خشت مسكها محمد من خصرها وعليي طوول حضنها
حنين. محححمدد وتبكي
محمد. حبي نبيك بالله عليك
حنين. بعداته عنها.. محمد اليوم عررسك اليوم بالفرض تفرح وبالله عليك سامحني لكن اني متأكدة انها حتعجبك...
محمد. بعدك انتي البنات حرمن عليااا
حنين. حضناته محمد متنساش انك الشخص الوحيد يلي مستحيل يطلع من اهني.. واشرت على قلبها وهيا بتطلع التفتت عليه..
لكن طاالع سمح بالبدلة هادي وحطت ايديها جنب بعضهم وقربتهم لفمها وكأنها تدعي وقرت آيات ومشتله مسحت عليه
حنين. ع العين هادي
محمد ابتسم على جنب..ربي ما يحرمني منك.
وطلعوا....
بعد ساعة وصلو المعازيم واخواتها وفاجأت أسماء انها عازمة على صاحباتها
أسماء. وين بتمشي حنين
حنين. عندي مشوار اشوية وانجي
أسماء. تمام وردي بالك من روحك
واشوية وجت ايمان بالفيلو كان مكياجها سموكي وعدسات رماديات وهيا سمرة وشوفي جوك🤣🤣
اتصلت حنين بأسماء
حنين. الو
أسماء. نعم حنينو
حنين. اني بنتأخر اشوية كلمي محمد ايغيرلها الدبلة
أسماء. قالي مش خاش اني انتم طلعوها
حنين. تو انكلمه اني.. اني تأخرت عليكم
وكلماته وقنعاته ووافق
وخش محمد وهوا اعيونه ايدوروا في حنين وغير الدبلة لايمان وبدون أين حركة تانية
والبنات ايعيطن ويتسهوكن قدامه (طرف يا كبدي)
ايمان طاايرتلها كيف حتى كلمة ما قاللهاش
أشر محمد لي أسماء بمعنى تعالى جاته
محمد. وين حنين
أسماء. قالت عندي مشوار.. لابدة قريب اتجي
محمد. تمام
وهوا قاعد يدوي خشت حنين بقفطان فخخم بدون اكمام من فوق سمااوي وكل ماينزل تحت يدكاان اللون للأزرق الغامق مع فص الحلو على كامل القطان.. فضييعة طالعة مع لون اعيونها واكسسوارات ع الفضي وتاج فخم مع التسريحة وكلهم سارحين في جمالها وإيمان بتنحرق منها...
جوها النسوان ايسلموا عليها ويلي ايسمي ويلي ايقول قولوا مشاء الله.و و و و و
ومشت سلمت على عمتها
حنين. سامحيني يما
عمتها. الله يسمحك ويسعدك يا حنة
ومشت لكرسي العرسان
ومحمد سرحان فيها...
سلمت على ايمان وطبعا ايمان امدايرة الجو انها حنينا
ايمان. سلمك حبيبتي
حنين. قربت من وذنها وبهمس.. رح ننسى كل يلي درتيه فيا لكن محمد وعيلة محمد خط أحمر افهمتي
ايمان. طبعا محمد هذا حب حياتي وانتي ماتنسيش شروطي...
حنين. شروطك كلهم حنديرهملك... وعلت صوتها.. وربي يسعدكم مع بعض
وهادي هديتي... ولبستلها حديدة ذهب بخواتمها
ايمان. مافيش داعي حبيبتي امواااه
وسلمت على محمد . ربي يسعدك وإنشاء الله بالذرية صالحة
محمد. حضنها بكل قوته وهوا ايوخر بيها لوراء
وأسماء فتحتلهم اغنية... خلوني ارقص معاااه آخر مرة ااودعااااه خلوني ارقص معاااه آخر مرة اودعااه من قلبي اهديكم دعاااء الله يبارك فررحكمَم
وهوا يلف بيها واعيونهم كلهم ادمووع من الموقف (اتنين ايحبوا بعض وفرقهم القدر وارغمهم على ضروف أقوى منهم...)
نزلت حنين ومسكت المايك
حنين. احم احم السلام عليكم...ونورتونا اليووم وشكرا لي تلبيتكم دعوتي وربي يحفظكم...
وبدأت اتغني بصوت هااادي وايجنن
( انحبككك قلهاللي بصووتك سمعهاالي نبي اتعاودهاليي وذوبني يا غالي... موش اخساارة فياا كان اتعاودها ليااا مرة اتنين ومية هلبااا كترهالي)....
(يا حب انذوب في غراما... يا حب امسيطر عليااا يا مالك كل شي فيا ذايب في اسلوبه وكلاما ياااحب اندوب في غرااما وهيجت الجو لأبعد حد والكل فرحان الا هياا طبعا)
وهيا جاها اتصال من أحمد....
بترد عليه جتها ام ايمان (انسيت انقوللكم أن ام ايمان ما تعلم بشي لكنن وقحة وقحة لأبعد الحدود واسمها سالمة)
سالمة. كيفحالك ومبروك عليك الضرة
أسماء عارفة ان امها وقحة جتها تجري ووقفت بحداها
حنين. الحمد لله... سلمك يا رب
سالمة. تعرفي ابنيتي تعرف أدير كل شي وتفهم بسليمتها
أسماء. تو انشوفوها...
حنين.وهدا يلي نبوه احني وأهم شي عندنا الاخلاق
سالمة. آمالا شن... هي امتى بيمشوا للحوشهم صقع عليها فيلوها اخفيف
حنين. هي تو اتكلمهم اسميوة
أسماء. لالا امشي كلميهم انتي
حنين. تمام... ومشت
كلمت محمد بهمس. حبي نبيك اشوية
ناض محمد ومسكها من يدها ومشي بيها للحجرة
حنين. اني غيرتلك الشقة كلها ودموعها بدوا ينزلو ا....
حضنها محمد وهيا تتكلم على رقبته
حنين. بالله عليك ماتقوللهاش غلاتي وما اتقوللهاش قليبي وما تقوللهاش بنيتي واين حاجة قلتهالي اني ودرتهالي ما اتقوللهاش هيا بالله عليك
محمد. دموع ينزلوا بسس
حنين. استنى خمسة دقايق بعدين وتلقى ماهر امجهزلك سيارة بري عدي فيها انت وعروستك
ودعوا بعضهم
وطلعت حنين مع احمد
حنين. بسرررعة ارفعني للشقة
أحمد. تمام
ومشت للشقة بختلهم فيها عطر وبخور وخدت وردة حمراء عزيانة وحطت فيها الدبلتها ولمت شعرها لبعضه وقصااته لرقبتها بمعنى أغلى حاجة عندي ويلي انت اتحبه واتموت عليه خليتهالك ذكرى مني)
وودعت بيتها ونزلت للدور الأول
اشوية وتسمع في دوشة بري
حنين....... 😱😱
....
... يتبع
