هلو اشلونكم
فاطمه: ثاني يوم الي هو يوم العزيمه كعدت عمتي اجت دكت الباب ودخلت
ام علي: يله اكعدي ام حفيدنه
فاطمه: ههههه
ام علي: هاج هذا القفطان البسيه انتي ام الشيخ الصغير
فاطمه: انشالله عمه هسه البس و انزل
ام علي: من اتنزلين على كيفج و مو تشتغلين وي البنات
فاطمه انشالله
ام علي: يله يمه اتوكلي
فاطمه: كعدت سبحت وبدلت و خليت مكياج خفيف و نزلت سلمت على الموجودات ورحت اتريكت.... اجعه علي علمود ايبدل صعدت وياه سمعت رفل اسولف وياه اهلها ودكول اني مو حامل عندي التلفون بسرعه سجلته رادت تجي بسرعه دخلت للغرفه حضرت ملابس علي ونزلنه سويه عمتي شافتني كامت اتهلهل...
اتغدينه و غسلنه الاماعين اجه دخل بابا و اخواني سلمو وكعدو سلمت وبقيت ابجي بحضن بابا
ابو محمد: هاي السوالف مو النه انتي بت اشيوخ اشلون اسوينها
فاطمه:بابا ولله العظيم ما امسويه شئ اني ولله بريئه
ابو محمد: اشلون تردين انصدكج و احنه سمعناج و اسولفين هاا وانتي ما عندج دليل
فاطمه: شوف بابا صح جنت بالبدايه اسولف ويه علي مره فصلتني المديره لان شافت عندي التلفون واكو بنات راحن اشتكن عليه وهي وحده منهن اتقلد صوت اذا مامصدكين حاجو حوراء بس بعصبيه وشوفو اشلون راح تعترف
ابو محمد: واذا طلعت السالفه جذب
فاطمه:مو جذب لان اني احجي الصدك
ابو محمد: صيحو حوراء
حوراء: نعم عمي اتريدني
ابو محمد: ضربتها راشدي كتلها اشلون هيج اسوين ابنتي
حوراء: عمو ما امسويه شئ
علي: لا اجذبين صديقاتج اعترفن بكلشئ
حوراء: علي ولله اني من حبي الك سويت هيج و مو بس اني حتى رفل مشتركه بالموضوع
علي: رفل!؟
حوراء: اي رفل مشتركه بالموضوع
علي:بله شنو سوت رفل
حوراء: هيه سوت نفسها حامل و ذبت نفسها من فوك الدرج و هيه اصلان جذابه مو حامل وكالت فاطمه دفعتني بس علمود تطردها
علي:الله اكبر عليكن شنو من بنات واني شكيت بحبيبتي جذابه
ابو محمد: الله اكبر عليجن اي ولله.هيه هاي تربيتيك يا اخوي دللتها ازياده عن الزوم كنالك بت ضبها لا ادللها هيج كلت بنتي ما اتنزل راسي شنو سوت هسه
