حبايب عذروني ما نزلت بارت بس ولله اني مو بلبيت هسه....
يله نبدي بالقصه
فاطمه: اتفاجئت من دخلني علي الغرفه كولش وصخه كتله
فاطمه: علي انته وين امدخلني
علي: هذا مقامج عاجبج عاجبج ما عجبج انكاعي بره
فاطمه: الحمدلله على كل حال .... هسه اطلع بره اريد ارتاح
علي: ترتاحين شنو حبيبتي جبتج اهنا خدامه الي والاهلي و المرتي
فاطمه: اخذت نفس قوي وكتله.... شوف علي اتريد اخدمك انته واهلك على عيني و راسي اخليكم بعيوني بس مال اخدم مرتك باحلامك ماشئ
علي: حبيت استفزها بس جوابها خلاني اصر على اخليه تخدم مرتي... ضربتها راشدي وكتلها
علي: غصباً عليج اتخدميها سمعتي لو لا
فاطمه: من ضربني حيل اتفاجئت ادموعي انملت ادموع و استهضمت من عنده.... صار اخدمكم كلكم
علي: من شفتها اشلون استهضمت حيل ضجت من نفسي اني جنت اتنماها الي هيج اسوي بيها بس اشويه و انمحت هاي لافكار من راسي وكتلها
..... حضري نفسج علمود اشويه بعد وتعاي للغرفه مالتي لان اني ماثاق بيج بنيه بعدج ... كتلها وطلعت
فاطمه: من كالي هيج علي كلش وكع علي من عيني كولش بس المشكله بعدني احبه مو بيدي لو هسه ايكلي ارجعي حبيبتي ارجع بدون تفكير .... المهم بدلت وسويت غده وكملت صبيت الغده و صحت عمتي و صحت البنات يجون يتغدون صعدت علمود اصيح علي يجي يتغده صعدت الغرفته القديمه دكيت الباب و دخلت لكيته ما موجود رحت على غرفته الجديده دكيت الباب صاح ادخل فتحت الباب ودخلت لكيته نايم على الجربايه و نايمه بحضنه رفل اني متت من القهر
فاطمه: علي غده جاهز تعال انزل اتغده
علي: اممم جيبي الغده للغرفه رفل ما تكدر تنزل مابيها حيل
فاطمه: ماشي.... نزلت اجيب الغده خليته بصينيه و صعدت دكيت الباب كال تعاي ادخلي
دخلت لكيته كاعده على الطبله خليته وطلعت رحت للمطبخ سويت جاي كملو وديته الهم غسلت الاماعين وصعدت يم البنات كعدت يمهن بقينه انسولف صارت الساعه ٣ الاه ربع نزلت سويت كيكه وخليتها بلفران وطلعت ببسي من الثلاجه خليتهن على الطبله ب الصاله و طلعت الكيكه خليت فوكاها كريمه و قطعته وخليته بصاله دكيت الباب على عمتي و بيبيتي و البنات كعدنه ناكل ونسولف ونضحك اجه علي و رفل نزلو سوه ويضحكون اني سويت نفسي ما شفته و ما حجيته شئ
رفل: فاطمه كومي سويل عصير برتقال
فاطمه: حبيبتي كومي انتي سوي
رفل: علي صيح بيه خلي ادكوم اسويلي عصير
علي: فاطمه شنو اتفقنه مو اصيرين خدامه المرتي و الاهلي
