''''''''''''
يا حضن باچر يلمني ،
خلاف صدرج كُلشي احسنه ضياع 🖤!
'''''''''''
تين. الخوف تملكني من كلتلي سما اسامه اجه كلت معقوله اهلي كايليلهم ع حملي مستحيل ميسووهه بس من كالت سمعتهم يخطبوني شي يگلبي طمأن بس خوفي زاد ع اختي خاف تضعف كدام حبهه وتوافق لان اعرف بابا ميغصب وحده ع شي حتلو هوه ممقتنع وفعلا هذا الصار
بابا خله القرار بيدهه جنت اباوعلهه اشوفهه حايره مثل بلاعه الموس لا تكدر تبلعه ولا تكدر تطلعه وترتاح حسيتهه حتكول اي ودمر حياتهه بيدهه
بس الحمدلله سكتت واخذت رأيي اخواني الحمدلله كلهم ممقتنعين اني كلت مااحجي خاف عبالهه اريد اذيتهه بس شافت بعينهه محد مقتنع صعدت للغرفه عفتهه شويه براحتهه وراها بشويه كمت دااصعد لغرفتهه وهاي جلبت نجلاء اله اجي وياج ماريدهه تشوفهه لان اني متأكده دتبجي هسه ماريد اخليهه بموقف محلو خاف متريد تحجي بس شيقنعهه وصعدنه اني وياها
وطبينه للغرفه ولكيتهه موته نفسهه بالبجي نجلاء من شافتهه هيج ضلت تصفن واله تعرف ضطريت احجيلهه لان شيخلصنه من لسانهه
وهم حجت وياها... من ذبت نفسهه بحضني اووف والله حاسه بيهه بس شسوي شبيدي عليهه وهيه ذبت روحهه بأيدهه لهيج حب
....
تدرون شغله.. رغم اهلي من نصحوهه ديضربولهه مثال اني انو تأذيت من وراهم بس حسيت نفسي مسويه شي عيب ويكولون لسما لتعيدين غلطهه كلش حزت بگلبي حجايتهم بس اعرف مو قصدهم
قصدهم بس يوضحولهه انو لتنكسرين وترجعين مطلقه وانتي تعرفين كلشي من البدايه ورغم نقهرت بداخلي بش كلت ميخالف بلكي تغير رأيهه
نصدمت منهه من كامت من حضني ببرود ومسحت دموعهه وطبت للحمام شويه وطبت للغرفه مدت سجادتهه واني ونجلاء بس نباوع منعرف شنسوي..
صلت ركعتين ومن كملت كعدت ع السجاده ورفعت ايدهه تدعي صوتهه ممسموع بس اباوع ع شفايفهه تتحرك ودموعهه تنزل
نزلت دمعتي ع اختي واني اشوف گلبهه مكسور وماكدر اسوي شي احساس العجز كلشش صعب ويمووت من تحسين نفسج مربطه والي تحبيهم يتأذون كدامج ياربي كون بس تريح گلب اختي اختي بعدهي صغيره مو حمل وجع الفراك بجاه حبيبك محمد ريحهه وخلي مثل منزرع حبه بگلبهه تشيله من گلبهه
كامت من السجاده بعد مطوتهه وخلتهه بمكانهه راحت تمددت بمكانهه وغطت نفسهه وغمضت عيونهه باوعت ع نجلاء همست بصوت ناصي
_يله امشي خلي تنام
_يله
نزلنه جوه جانو اخوتي بعدهم كاعدين بالصاله كعدنه يمهم نسولف ع أمور عامه اجتي بت جلال الصغيره ياره بيدهه المشط وبلكوه تمشي هلكد ما مدبدبه
كالت
أنت تقرأ
رغبه جسد
Mystery / Thrillerجزء ميِت جزء باِرد جزء يصد وجزء يحِن جُزء يكابر , وجزء ينزف وجزء يشتاق , وجُزء يلعن جٌزء ضَعَيِف َ وجٌزء قَوَيِ بككاء مستمر كسرة خاطر كتمان قَاتل جسد ممتعب وعيوﻥ هزيِله الكاتبه / زينب
