''''''''''''
حاولت اڪـرهك بَــس صَــ؏ــب ،
أنـي اللّٰـه باليني بگلب لــأ يكره ولا ينسى .
''''''''''''
اسامه. وره مكالمتي اني وسما كرهت الدنيا والبيهه شكد كرهتهه وشلت بگلبي عليهه شكد حاولت اتهرب من احساس الوجع الاحس بي مكدرت جنت اخذ منوم حبايتين ومهدء ياله اكدر انام جنت اخذه بأفراط حته اكضي اغلب الوكت نايم ماريد احس ع شي ماريد افكر بشي لعبت نفسي من كلشي
جنت بس اروح اشوفهه من بعدين من تطلع للكليه وارجع للبيت حته الشغل عفته وعتمدت ع اسهمي لبشركه ابويه
جنت اكضي ايام وليالي ابجي بيهه كلش ستحقرت روحي لان رخصت دموعي علمود مره ويه كل دمعه تنزل مني عليهه جنت احقد عليهه واكرهه بس ثاني يوم من اروح اشوفهه انسه كلشي
حبيتهه وتعلقت بيهه لدرجه والله هسه اذا تكلي ياله تعال موافقه اروح اخطبهه وانعل ابو كرامتي لابو شخصيتي حبيتهه لدرجه افضلهه ع روحي وهيه اولا والدنيا كلهه اخر شي بس الي يموتني انو متحس وممقدره حبي وتعبي علمودهه
بالصدفه سمعت احمد يصيح ماريدهه
طلعت من غرفتي واني بقايا انسان مو انسان كامل وصلت يم باب الصاله وجان الكل مجتمع واحمد واكف بالنص يصيح
احمد. داكلكم ماريدهه واذا حامل طز بيهه وبالطفل خلي هيه تربي بالعافيه عليهه ماريدهه
امي. لك تخلي ابنك ببيت الغربه منعرف شنو همه ماشنو وتروح تزوج ويربي رجال غريب شلون تقبلهه
احمد. لج يمه خلي تتزوج خلي يربي رجال غريب شسويلهه هسه متذكره تكول والله اني حامل ماريدهه افهمو
امي. اسمع لك غصبا عليك ترجعهه ورجلك فوك راسك وخلي اسمعك تكول غير هلحجي
احمد. بس يمه مو كوه
امي. لا اشو كوه اسكت كافي لغوه زايده
_جنت اتسمع عليهم وانبنه بگلبي امل جديد برجعه تين انو تصير سما نصيبي رغم كل الشفته والسمعته منهه بس بعدني اتأمل عليهه رجعت لغرفتي واني بگلبي ادعي الله يسهل امري... بلكي الله يحنن گلوبهم ويهديهم عليه
وجع براسي مكدرت اسيطر عليه اخذت بندول وتمددت بفراشي ونمت واني ممهتم للصياح والعياط الصاير بره
وهيج مرت الايام واسمع من امي وساره شصار ببيت تين من راحو وشلون امي سألت ع سما اووف من نجاب طاريهه احس روحي فرفحت ضليت اباوع ع حلك امي صح دتحجي عليهه وتذمهه بس هذا مجان عدي شي مهم جان المهم هوه طاريهه واسمهه يحجون بي كدامي يمكن بديت اتخبل بس اني واصل مرحله بحبهه عبرت مرحله الجنون
ومرت شهرين ورجعت تين عرفت من تبسبس نسوان اخوتي رجعت رحت لغرفتي واني بنيتي بلكي اذا حجيت وياها تقتنع بلكي هم ارجع احاول عسا ولعل......
أنت تقرأ
رغبه جسد
Mystery / Thrillerجزء ميِت جزء باِرد جزء يصد وجزء يحِن جُزء يكابر , وجزء ينزف وجزء يشتاق , وجُزء يلعن جٌزء ضَعَيِف َ وجٌزء قَوَيِ بككاء مستمر كسرة خاطر كتمان قَاتل جسد ممتعب وعيوﻥ هزيِله الكاتبه / زينب
