'''''''''''
انه الما يدري
وين الشوگ وداه
انه المتروس ناس
ومحد وياه .
'''''''''''
_شوفي عمه اني مو تين القديمه التسكت وتخاف واعله مابخيلج اركبي ولتقصرين واشوف منو الي ميشوف اضفر ابني مفهوم عمه فدوة اروحلج ماريد اجرحج بالحجي ولا اتجاوز انتي مره جبيره لهذا تجفي شري احسن الج والي
_لج انتي صايره بلا مستحه
_بفضلج هذا عمه
_عمه العماج انشاءالله
_شكرا
عفتهه تعد وتصف وحدهه وصعدت لغرفتي تمددت ع فراشي وغطيت بالنوم شكد صايره انام لخاطر الله
سما. من راحت تين لحد الان اني بلكوه لازمه نفسي ماارجع ادزله او احجي ويا احجي الصراحه صح مردتهه تروح وترجع لعذابهه بس من راحت حسيت فرغلي الجو اكدر اسوي الاريده بدون تحكم بدون لا وميصير اعرف هلشي غلط بس مشتاقتله واحبه بعدني شسوي يوميه ادخل ع رقمه اريد ادزله وبعدين اكول لا خلي انتضر اليوم بلكي يدزلي هوه وع هلحاله كل يوميه اكول ع باجر اذا مدز اني ادز
ومن ناحيه ثانيه خايفه خاف يرفضني ويكول لتين شيخلصني منهه بعد وهاي نجلاء معايفتني براحتي اربعه وعشرين ساعه لاطشه يمي وبس تسأل اعرف تريد تجر لساني بس اعرف ليوين تريد توصل
اخر شي بعد ممر سبوعين ع روحه تين قررت خلص اريد ادزله وشيريد يصير يصير
_اسامه موجود؟؟
ضليت انتضر ربع ساعه نص ساعه ساعه ماكو مجاوب تندمت دزيتله بس اني من غبائي دزيتله ع الوتساب وماكدر امسحهه بعد
ضليت اروح واجي بالغرفه اريد شي حل ماكو كل ثانيه ادخل للرساله اشوفهه بعد مشافهه وويه توتري دخلت نجلاء للغرفه كعدت ع الجربايه واني بعدني احوص بالغرفه
نجلاء. شبيج جنج غراب تفترين
_معليج نجلاء ماعدج شغل
_لا ماعدي خلصت والجهال نيمتهم وكلت اجي يمج
_شعدي سينما هنا
_لا بس ضايجه ونكعد نسولف
_نجلاء مالي خلك حجي
_كافي تفترين وفهميني شبيج
_معليج مابيه شي
_دحجي شبيج
_مابيه
_اهووو غير تحجي
_نجلاء لخاطر الله والانبياء كلهم عوفيني بحالي ادري شنو ماعدج مكان غير غرفتي لازكه بيه ادري شتردين عوفيني بحالي
_ههه اوك اسفه
_نجلاء...
خرب حضي اي والله هسه البنيه شعليهه عطت بوجهه وزعلتهه صحتلهه بس مجاوبتني طلعت وسدت الغرفه وراها بس نقهرت الله ياخذج سما ع هلتصرفات الزباله.....
أنت تقرأ
رغبه جسد
Mystery / Thrillerجزء ميِت جزء باِرد جزء يصد وجزء يحِن جُزء يكابر , وجزء ينزف وجزء يشتاق , وجُزء يلعن جٌزء ضَعَيِف َ وجٌزء قَوَيِ بككاء مستمر كسرة خاطر كتمان قَاتل جسد ممتعب وعيوﻥ هزيِله الكاتبه / زينب
