هَــْـِْـْْـِلاّو شلونكم
((البارت الخامس ))
لجين، ،دخلت وراه واني لازمه گلبي يربي صدگ الماعدها اهل ذليله تصير
والله اتمنيت بساعتها ماسامعه كلام امي ورايحه البيت خالي اتمنيت اتوسد يمهم بالگبور احسن واشرف الف مرة من هلعيشه
علي،،اتفاجئت بوجود شيماء بالبيت نضرات الاستفهام مبينه بوجها
حتئ امي اشرتلي بعيونها بمعنئ منو هاي ?
حجيه جبتلج ضيفه وياي
ام حسين، ،هله بالضيفه البيت بيتها والوهاد النه (الشارع)
علي،،ماتقصرين حجيه اني هسه تعبان راح ادخل اسبح وانام بليل نحجي
لجين،،المرة عرفتها امه والثانيه مااعرفها بس عيونها تتفحصني من فوگ لجوة من راح النقيب راحت وراه
علي، ،ردت اصعد للغرفه لزمتني من ايدي شيماء
شيماء،،انتضر علي وين رايح قبل متفهمني منو هاي
علي،،مو مجبور افهمج
شيماء،،من يكون اسمي بضهر جنسيتك تكون مجبور تفهمني استاذ علي
حجيه جبتلج ضيفه وياي
عفتها وصعدت مالي خلگ الكلشي
دخلت غرفتي كعدت ع السرير دنكت ولزمت راسي بثنين اديه
دقيقه واندگ الباب ودخلت نبع الحنان مستحيل تتركني بحالي قبل مااكت الاول والتالي
ام حسين،،يمه بروح ابوك فهمني مني هاي البنيه وشعندك جايبها وياك وشبي وجها هيج مگلوب??
علي،،يمه واليرحم والديج تعبان والله وراسي يريد ينفجر گتلج بليل افهمج
ام حسين،،صار يبن بطني انه نازله بس كون مايطلع البالي صحيح
علي،،باوعتلها بطرف عيني ورجعت لزمت راسي
عافتني وطلعت
اخذت ملابس ودخلت سبحت وطلعت اتمددت ومن التعب غفيت
لجين،،البنيه الاسمها شيماء كاعدة گبالي مكتفه اديها وعيونها ماشالتهن مني ابد
بعدها اجت المرة الكبيرة طلبت مني ادخل ارتاح دخلتني الفرفه بيها كنتور ابو بابين وسرير ابو نفر
ام حسين،،ارتاحي هنا يمه البيت بيتج اني راح اسويلج لگمه تاكليها وشنو تحتاجين صيحيلي
اذا تردين ترحين للحمام من اطلعين الحمام گبالج يصير
لجين،،تشكرت منها عافتني وطلعت
اكو ميز بي مرايه گمت علئ كيف رحت يمه اشوف وجهي
والله زين مااخترعن من شكلي عبالك طالعه من انفجار
عيوني صايرات دگم من البجي گوة اشوف بيهن مغوشات
رجعت گعدت ع السرير هسه حتئ لو اريد ابدل شبدل واني اجيت بطرگ روحي شاردة منهم
انفتح الباب ودخلت نفسها البنيه اجت كعدت يمي جلت صوتها وحجت
شيماء،،اي حبيبتي احجيلي منو انتي ومنين اجيتي ومنو مسوي بوجهج هيج ??
اهلج وين ??
لجين،،عرفتها فضوليه تريد تعرف السالفه رغم النقيب طلب منهم لليل يحجيلهم
بس مهما اكون اني ضيفه يمهم عيب مااجاوب علئ سؤالها
دنگت وكتلها
اسمي لجين واهلي انقتلو قبل شهرين ونص
وعمامي همه الضربوني وسوو بيه هلشكل
