هلاو شلوونكم
الكاتب علي الفتلاوي
#بارت٩
تابعو حسابي وسام الصياد حتى توصلكم اشعار النشر البارتات القادمه
ﻟﺠﻴﻦ،،ﺟﻤﺪﺕ ﺑﻤﻜﺎﻧﻲ ﻣﻦ ﺯﻣﺦ ﺑﻴﻪ
ﺍﺟﻪ ﻳﻤﺸﻲ ﺏ ﺍﺗﺠﺎﻫﻲ ﻭﺍﻧﻲ ﻭﺍﮔﻔﻪ ﺍﺑﺎﻭﻋﻠﻪ ﻭﻫﻮ ﻳﺘﻘﺪﻡ ﻟﺤﺪ ﻣﺎﻭﺻﻞ ﻳﻤﻲ
ﻋﻠﻲ،،ﻟﺠﻴﻦ ﺷﻨﻮ ﺣﺲ ﺍﻟﻌﻴﺎﻁ ﺍﻟﻌﺎﻟﻲ ﻫﺬﺍ ??
ﻟﺠﻴﻦ،،ﺍﺳﺘﺤﻴﺖ ﻣﻨﻪ ﻫﺎﻱ ﺍﻭﻝ ﻣﺮﺓ ﻳﺰﻣﺦ ﺑﻴﻪ ﻣﻦ ﺍﺟﻴﺘﻬﻢ ﻟﺴﻪ ﻋﻴﻮﻧﻲ ﻟﻤﻌﺖ ﺑﺎﻟﺪﻣﻮﻉ ﻫﻮ ﺍﻧﻲ ﺷﺴﻮﻳﺖ ﺣﺘﺊ ﻳﻔﺸﻠﻨﻲ
ﻋﻠﻲ،،ﺍﺭﻓﻌﻲ ﺭﺍﺳﺞ ﻟﺠﻴﻦ
ﻭﺷﻮﻓﻲ ﺍﻟﺒﻴﻮﺕ ﺍﻟﺪﺍﻳﺮ ﻣﺪﺍﻳﺮ ﺑﻴﺘﻨﻪ ﻛﻠﻬﺎ ﻋﺎﻟﻴﻪ ﻭﻣﺴﻠﻄﻪ ﻋﻠﺊ ﺍﻟﻄﺎﺭﻣﻪ ﻟﻮ ﺻﺎﻋﺪ ﻭﺍﺣﺪ ﻭﺷﺎﻳﻔﺞ ??
ﻟﺠﻴﻦ،،ﺭﻓﻌﺖ ﺭﺍﺳﻲ ﻭﺭﺟﻌﺖ ﺩﻧﮕﺖ ﺟﺎﻭﺑﺘﻪ ﻭﺻﻮﺗﻲ ﻣﺨﻨﻮﮒ ﮔﺘﻠﻪ ﺻﺎﺭ ﻋﻤﻮ ﺑﻌﺪ ﻣﺎﻋﻴﺪﻫﺎ ﻭﺍﻃﻠﻊ
ﻭﻗﺒﻞ ﻟﻴﻜﻤﻞ ﻛﻼﻣﻪ ﺭﻛﻀﺖ ﺍﻟﻐﺮﻓﺘﻲ ﺩﺧﻠﺖ ﻭﺳﺪﻳﺖ ﺍﻟﺒﺎﺏ ﺷﻤﺮﺕ ﺭﻭﺣﻲ ﺑﻔﺮﺍﺷﻲ ﻭﻏﺼﻴﺖ ﺑﺎﻟﺒﺠﻲ
ﻫﻲ ﻟﻌﺒﻪ ﻃﻠﻌﻬﺎ ﻣﻦ ﺧﺸﻤﻲ ﺿﻠﻴﺖ ﺍﺑﺠﻲ ﺟﻮﺓ ﺍﻟﻔﺮﺍﺵ
ﺍﻧﻔﺘﺢ ﺍﻟﺒﺎﺏ ﻭﺩﺧﻠﺖ ﻧﺴﺮﻳﻦ ﺍﺟﺖ ﻳﻤﻲ ﻭﺭﻓﻌﺖ ﺍﻟﻐﻄﻪ ﻣﻦ ﺷﺎﻓﺘﻨﻲ ﺍﺑﺠﻲ ﻭﻋﻴﻮﻧﻲ ﻭﺍﺭﻣﻪ ﺍﻧﺼﺪﻣﺖﻧﺴﺮﻳﻦ،،ﻳﺎﺍﺍ ﻳﺎﺍ ﻭﻟﺞ ﻋﻠﻴﻤﻦ ﻫﻠﺒﺠﻲ ﺷﺒﻴﻴﺞ ??
ﻟﺠﻴﻦ ﺷﻮ ﻛﺎﺍﻓﻲ ﺑﺠﻲ ﻭﺍﮔﻌﺪﻱ ﺟﺎﻭﺑﻴﻨﻲ ﻣﻮ ﺩﺍﺍ ﺍﺣﺠﻲ ﻭﻳﺎﺝ
ﻟﺠﻴﻦ،،ﮔﻌﺪﺕ ﺑﺲ ﻣﺎﺍﮔﺪﺭ ﺍﺣﺠﻲ ﺧﺎﻧﮕﺘﻨﻲ ﺍﻟﻌﺒﺮﺓ
ﺻﻌﺐ ﺍﺗﺸﻮﻑ ﺷﺨﺺ ﺗﺤﺘﺮﻣﻪ ﻳﻬﻴﻨﻚ
ﺣﺠﻴﺘﻠﻬﺎ ﺍﻟﺼﺎﺭ ﻭﻫﻲ ﺳﺎﻛﺘﻪ ﺗﺴﻤﻌﻨﻲ
ﻧﺴﺮﻳﻦ،،ﺍﻋﺬﺭﻳﻨﻲ ﻳﺮﻭﺣﻲ ﺑﺴﺒﺐ ﺍﺑﻨﻲ ﺍﺗﺮﺯﻟﺘﻲ
ﺑﺲ ﻭﺍﻟﻠﻪ ﻋﻠﻲ ﻫﻮ ﺍﻟﺪﺯﻧﻲ ﺍﻟﺞ ﮔﺎﻝ ﺭﻭﺣﻲ ﺷﻮﻓﻴﻬﺎ ﻻﻥ ﻟﮕﻴﺘﻬﺎ ﺗﻠﻌﺐ ﺩﻋﺒﻞ ﻭﺗﺼﺮﺥ ﻭﺍﻟﺤﺠﺎﺏ ﻭﺍﮔﻊ ﻭﻣﺎﺗﺪﺭﻱ ﺑﺮﻭﺣﻬﺎ ﻭﺩﺍﻳﺮ ﻣﺪﺍﻳﺮﻧﻪ ﺟﻴﺮﺍﻥ ﻭﺑﻴﻮﺗﻬﻢ ﻋﺎﻟﻴﻪ
ﻟﺠﻴﻦ،،ﺍﻋﺘﺬﺭ ﺑﻌﺪ ﻣﺎﺍﻋﻴﺪﻫﺎ ﺣﺘﺊ ﻣﺎﺍﻭﺻﻞ ﻟﻠﻄﺎﺭﻣﻪ ﺍﺑﺪ ﻣﻨﺎ ﻭﺟﺎﻱ
ﻧﺴﺮﻳﻦ،،ﻫﻬﻬﻬﻬﻬﻪ ﺍﻭﻭﻭﻑ ﻳﺎﻟﺠﻴﻦ ﺑﻌﺪﺝ ﻃﻔﻠﻪ ﻭﺑﺮﻳﺌﻪ ﻭﺧﺎﻳﻔﻪ ﺍﻓﻬﻤﺞ ﺍﻟﺠﺎﻱ ﺍﻳﺼﻴﺮ ﻭﺑﻌﺪﻳﻦ ﺍﻧﺪﻡ
ﻭﺛﺎﻧﻲ ﺷﻲ ﻣﺎﺍﺭﻳﺪ ﺍﺯﺭﻉ ﺍﻱ ﻓﻜﺮﺓ ﺑﺮﺍﺳﺞ ﻭﺍﻟﻬﻴﺞ ﻋﻦ ﺩﺭﺍﺳﺘﺞ
ﺍﺭﻳﺪﺝ ﺗﻨﺠﺤﻴﻦ ﻭﺗﻌﺘﻤﺪﻳﻦ ﻋﻠﺊ ﻧﻔﺴﺞ ﻭﺍﻧﻲ ﻭﻳﺎﺝ ﺧﻄﻮﺓ ﺑﺨﻄﻮﺓ ﺗﺪﺭﻳﻦ ﺍﻣﻲ ﺷﺠﺎﻧﺖ ﺍﺗﮕﻠﻲ ﻗﺒﻞ ﻣﻦ ﺟﻨﺖ ﻃﺎﻟﺒﻪ ??
ﻟﺠﻴﻦ،،ﻣﺴﺤﺖ ﺩﻣﻮﻋﻲ ﻭﮔﺘﻠﻬﺎ ﺷﻨﻮ ?
ﻧﺴﺮﻳﻦ،،ﻗﺒﻞ ﺟﻨﺖ ﺻﻒ ﺭﺍﺑﻊ ﺍﻋﺪﺍﺩﻱ ﺑﺲ ﻣﺎﺍﺍﺣﺐ ﺍﻟﺪﺭﺍﺳﻪ ﺍﺑﺪ ﻭﺍﺗﻤﻠﻤﻞ ﻣﻨﻬﺎ
ﻭﺩﺍﺋﻤﺎ ﺍﺭﻳﺪ ﺍﺑﻄﻞ ﻭﺍﻣﻲ ﻣﺎﺗﻘﺒﻞ
ﺟﺎﻧﺖ ﺍﺧﺘﻲ ﺍﻟﺠﺒﻴﺮﺓ ﻣﺘﺰﻭﺟﻪ ﺗﺮﻛﺖ ﺍﻟﻤﺪﺭﺳﻪ ﻭﺍﺗﺰﻭﺟﺖ ﺑﻌﺪ ﻣﺎﺧﻄﺒﻬﺎ ﺍﺑﻦ ﻋﻤﻲ ﻭﻻﻥ ﻫﺎﻭﻳﺘﻪ ﻭﺍﺗﺮﻳﺪﺓ ﺍﻫﻠﻲ ﻣﺎﺍﻋﺘﺮﺿﻮ ﻭﻛﺎﻟﻮ ﺣﻴﺎﺗﻬﺎ ﻭﻫﻲ ﺣﺮﺓ
ﺍﻣﻲ ﺑﺎﻟﺒﺪﺍﻳﻪ ﻗﺒﻠﺖ ﺗﻨﻄﻴﻬﺎ ﻻﻥ ﻭﻋﺪﻫﻢ ﺍﺗﻜﻤﻞ ﺩﺭﺍﺳﺘﻬﺎ
ﺑﺲ ﺑﻌﺪ ﺍﻟﺰﻭﺍﺝ ﺑﻔﺘﺮﺓ ﺻﺎﺭ ﻋﺪﻫﺎ ﺣﻤﻞ ﻭﺗﻨﺴﺎﺗﻬﺎ ﺻﻌﺒﻪ ﻧﺎﻳﻤﻪ ﺑﺎﻟﻔﺮﺍﺵ ﺍﻟﻨﻬﺎﺭ ﻛﻠﻪ ﻟﺬﺍﻟﻚ ﺗﺮﻛﺖ ﺍﻟﻤﺪﺭﺳﻪ
ﻭﺑﻌﺪ ﻣﺎﺟﺎﺑﺖ ﺍﺑﻨﻬﺎ ﻃﺒﻌﻪ ﺻﻌﺐ ﺑﺲ ﻳﺒﺠﻲ ﻣﺎﻳﺮﻳﺪ ﻏﻴﺮ ﺍﻣﻪ ﺗﺸﻴﻠﻪ ﻣﺎﻳﻨﺎﻡ ﻏﻴﺮ ﺑﺤﻀﻨﻬﺎ ﻭﺑﻌﺪ 6 ﺍﺷﻬﺮ ﻣﻦ ﻭﻻﺩﺗﻬﺎ ﺻﺎﺭ ﻋﺪﻫﺎ ﺣﻤﻞ ﺛﺎﻧﻲ
ﻭﺿﻠﺖ ﻋﻠﺊ ﻫﺬﺍ ﺍﻟﻤﻨﻮﺍﻝ ﻭﺗﺮﻛﺖ ﺍﻟﻤﺪﺭﺳﻪ ﺑﻌﺪ ﻣﺎﺭﺟﻌﺖ
ﺑﻌﺪﻳﻦ ﺭﺟﻠﻬﺎ ﺍﻧﻔﺼﻞ ﻋﻦ ﺩﻭﺍﻣﻪ ﻭﺻﺎﺭ ﻋﻄﺎﻝ ﺑﻄﺎﻝ ﻣﺎﺧﻠﻪ ﺷﻲ ﻋﻠﺊ ﺣﺎﻟﻬﺎ ﺣﺘﺊ ﺫﻫﺒﻬﺎ ﺑﺎﻋﻪ
ﻭﺍﺑﻮﻱ ﺧﻄﻴﻪ ﺩﺍﺋﻤﺎ ﻳﺴﺎﻋﺪﻫﺎ ﻭﺭﺟﻠﻬﺎ ﻓﺮﺣﺎﻥ..بيج قصص عراقيه حقيقيه من واقعنا.روعه الطائي..ﺍﻣﻲ ﻣﻦ ﻗﻬﺮﻫﺎ ﺍﺗﮕﻠﻬﺎ ﺷﻔﺘﻲ ﻛﺘﻠﺘﻲ ﺭﻭﺣﺞ ﻉ ﺍﻟﻌﺮﺱ ﻭﻋﻔﺘﻲ ﻣﺪﺭﺳﺘﺞ ﻭﻣﺴﺘﻘﺒﻠﺞ
ﻟﻮ ﻣﻜﻤﻠﻪ ﺩﺭﺍﺳﻪ ﻭﻣﺘﺨﺮﺟﻪ ﺳﺎﻭﻱ ﻫﺴﻪ ﺍﻧﺘﻲ ﺧﻴﺎﻝ ﻭﺑﻴﺪﺓ ﺭﻣﺢ . ﻟﻮ ﺑﻴﺪﺝ ﺍﻟﺸﻬﺎﺩﺓ ﻭﻣﺘﺨﺮﺟﻪ ﻣﻮ ﺑﺤﺎﻝ ﺍﺣﺪ
ﺑﺪﻝ ﻣﺎﺿﺎﻟﻪ ﺑﺤﺼﺮﺓ ﺍﻟﺪﺭﻫﻢ
ﻭﻣﻦ ﺫﺍﻙ ﺍﻟﻴﻮﻡ ﻭﺍﻧﻲ ﺍﻋﺘﻤﺪﺕ ﻋﻠﺊ ﻧﻔﺴﻲ ﻣﻦ ﺷﻔﺖ ﺍﺧﺘﻲ ﻫﺬﺍ ﺣﺎﻟﻬﺎ
ﺻﺢ ﻧﺠﺤﺖ ﻭﺟﺒﺖ ﻣﻮ ﺫﺍﻙ ﺍﻟﻤﻌﺪﻝ ﺍﻟﻲ ﻳﺄﻫﻠﻨﻲ ﺑﻜﻠﻴﻪ ﺯﻳﻨﻪ
ﺑﺲ ﺍﻟﺤﻤﺪﻟﻠﻪ ﺩﺧﻠﺖ ﻛﻠﻴﻪ ﺗﺮﺑﻴﻪ ﻭﺍﺗﺨﺮﺟﺖ ﻭﺍﺗﻌﻴﻨﺖ ﻭﺭﺍﺗﺒﻲ ﻋﻠﺊ ﮔﻠﺒﻲ ﻣﺎﻳﻮﻡ ﻃﻠﺒﺖ ﻣﻦ ﺣﺴﻴﻦ ﺷﺴﻮﻱ ﺑﻔﻠﻮﺳﻪ ﻭﺍﻧﻲ ﻋﻨﺪﻱ ﺭﺍﺗﺐ
ﺻﺢ ﺍﻟﺰﻭﺍﺝ ﻣﻌﺎﻭﻧﻪ ﺑﻴﻦ ﺍﻟﻄﺮﻓﻴﻦ ﺑﺲ ﺍﺛﻨﻴﻨﻪ ﻣﺎﻣﺤﺘﺎﺟﻴﻦ
ﻭﺣﺘﺊ ﺧﺼﺼﺖ ﻣﺒﻠﻎ ﺑﺴﻴﻂ ﻣﻦ ﺭﺍﺗﺒﻲ ﻛﻞ ﺭﺍﺱ ﺷﻬﺮ ﺍﻧﻄﻲ ﻟﻤﻲ ﺗﻨﻄﻲ ﻝ ﺍﺧﺘﻲ ﻣﺴﺎﻋﺪﺓ ﻣﻨﻲ
ﺷﻔﺘﻲ ﻟﺠﻮﻧﻪ ﺷﺮﻳﺪ ﻣﻨﺞ ??
ﺍﺭﻳﺪﺝ ﺗﻌﺘﻤﺪﻳﻦ ﻋﻠﺊ ﻧﻔﺴﺞ ﻭﺗﻬﺘﻤﻴﻦ ﺑﺪﺭﺍﺳﺘﺞ ﻭﺑﺲ ﺗﺮﺓ ﻣﺤﺪ ﻳﻔﻴﺪﺝ ﻏﻴﺮ ﺷﻬﺎﺩﺗﺞ
ﻟﺠﻴﻦ،،ﺑﺎﺟﻲ ﺻﺢ ﻛﻼﻣﺞ ﻭﺍﻧﻲ ﻣﺎﺯﻋﻼﻧﻪ ﻣﻨﻪ
ﺑﺲ ﻣﻦ ﻣﺎﺗﻮ ﺍﻫﻠﻲ ﺍﺣﺲ ﻧﻔﺴﻲ ﺻﺮﺕ ﺣﺴﺎﺳﻪ ﺯﻳﺎﺩﺓ ﻋﻦ ﺍﻟﻠﺰﻭﻡ ﻣﻦ ﺍﻗﻞ ﺣﺠﺎﻳﻪ ﺍﻧﻐﺚ
ﻧﺴﺮﻳﻦ . ﻣﺎﻋﺎﺵ ﺍﻟﻴﻐﺜﺞ ﻳﺮﻭﺣﻲ ﻭﻫﻮ ﺑﺲ ﻧﺒﻬﺞ ﻣﺎﺭﺯﻟﺞ ﺻﺢ ﻛﻼﻣﻪ ﻻﻥ ﺍﻛﻮ ﺍﻭﻻﺩ ﻋﺪﻫﻢ ﺣﻤﺎﻡ ﻳﻄﻴﺮﻭ ﺑﺎﻟﺴﻄﺢ ﻟﻬﺬﺍ ﺍﻟﺴﺒﺐ ﻣﺎﺭﺍﺩﺝ ﺍﻃﻠﻌﻴﻦ ﺑﺮﺓ
ﻭﻫﺴﻪ ﻛﻮﻣﻲ ﺻﺎﺭ ﺍﻟﻤﻐﺮﺏ ﻭﻛﺖ ﺻﻼﺓ ﻣﺎﻳﺼﻠﺢ ﺍﻟﺒﺠﻲ ﺍﻟﻤﻐﺮﺏ
ﮔﻮﻣﻲ ﺧﻞ ﻧﺼﻠﻲ ﻭﻧﺤﻀﺮ ﺍﻟﻌﺸﻪ ﻟﻮ ﺗﺮﺩﻳﻦ ﺣﻀﺮﺓ ﺟﻨﺎﺑﺞ ﺍﺗﻨﺎﻣﻴﻦ ﻭﺍﻧﻲ ﺍﺧﺪﻣﺞ ﻫﻬﻬﻬﻪ
ﻟﺠﻴﻦ،،ﺷﻤﺎﺗﻜﻮﻥ ﻧﻔﺴﻴﺘﻲ ﺗﻌﺒﺎﻧﻪ ﺑﻜﻠﻤﻪ ﻭﺣﺪﺓ ﻣﻨﻬﺎ ﺍﻃﻠﻌﻨﻲ ﻣﻦ ﺟﻮ ﺍﻟﺤﺰﻥ ﺍﻝ ﺍﻧﻲ ﺑﻲ
ﻟﻤﻴﺖ ﻛﻔﺸﺘﻲ ﻋﻠﺊ ﺷﻜﻞ ﻛﺒﺎﻳﻪ ﺧﻠﻴﺖ ﺣﺠﺎﺑﻲ ﻋﻠﺊ ﺭﺍﺳﻲ ﻭﻧﺰﻟﺖ ﻳﻤﻬﻢﻏﺴﻠﺖ ﻭﺟﻬﻲ ﻉ ﺍﻟﻤﻐﺴﻠﻪ ﺍﺗﻮﺿﻴﺖ ﻭﺻﻠﻴﺖ ﺑﻐﺮﻓﺖ ﺍﻡ ﺣﺴﻴﻦ ﻭﻃﻠﻌﺖ ﻟﻠﻤﻄﺒﺦ ﺍﺳﺎﻋﺪﻫﻦ
ﻛﻤﻠﻨﻪ ﺗﺤﻀﻴﺮ ﻭﻫﻮ ﺍﺻﻼ ﺣﺴﻴﻦ ﺟﺎﻳﺐ ﻋﺸﻪ ﺟﺎﻫﺰ ﺩﺟﺎﺝ ﻣﺸﻮﻱ ﻭﻣﻘﺒﻼﺕ ﻭﺧﺒﺰ ﺣﺎﺭ ﻭﻟﺒﻦ
ﻫﺬﺍ ﺍﻛﻠﻬﻢ ﺑﻠﻴﻞ ﻛﻠﻪ ﻧﻮﺍﺷﻒ
ﻣﺪﻭ ﺍﻟﺴﻔﺮﺓ ﻭﻧﺴﺮﻳﻦ ﻭﺍﻃﻔﺎﻟﻬﺎ ﻧﻘﻠﻮ ﺍﻻﻛﻞ ﺿﻞ ﺑﺲ ﺍﻟﺨﺒﺰ ﺧﻠﻴﺘﻪ ﺑﺼﻴﻨﻴﻪ ﺻﻐﻴﺮﺓ ﻭﺍﺧﺬﺗﻪ ﻳﻤﻬﻢ
ﻣﺎﺭﻓﻌﺖ ﻋﻴﻨﻲ ﻋﻠﻴﻪ ﺍﺑﺪ ﻃﻮﻝ ﺍﻟﻮﻛﺖ ﻣﺪﻧﻜﻪ ﻭﺍﻛﻞ
ﺍﻭﻝ ﻣﺮﺓ ﻳﺤﺠﻲ ﻉ ﺍﻻﻛﻞ ﻭﻳﻄﻠﺐ ﻣﻨﻲ ﺷﻲ
ﻋﻠﻲ،،ﻟﺠﻴﻦ ﺻﺒﻴﻠﻲ ﮔﻼﺹ ﻟﺒﻦ ﻣﻦ ﻳﻤﺞ
ﻟﺠﻴﻦ،،ﺭﻓﻌﺖ ﻭﺟﻬﻲ ﺷﻔﺘﻪ ﻳﺤﺠﻲ ﻭﻋﻴﻮﻧﻪ ﺑﻌﻴﻮﻧﻲ
ﺍﻧﻄﻴﺘﻪ ﺍﻟﻠﺒﻦ ﻭﺭﺟﻌﺖ ﺩﻧﻜﺖ ﺍﻛﻞ ﺑﻜﻞ ﻫﺪﻭﺀ
ﻛﻤﻠﺖ ﺍﻭﻝ ﻭﺣﺪﺓ ﻭﮔﻤﺖ ﮔﺘﻠﻬﻢ ﺍﻧﻲ ﺣﺴﻮﻱ ﺟﺎﻱ
ﺧﺪﺭﺕ ﺍﻟﺠﺎﻱ ﻭﺣﻀﺮﺕ ﺍﻟﺼﻴﻨﻴﻪ ﺑﻴﻦ ﻣﻴﻜﻤﻠﻮﻥ ﺍﻟﻌﺸﻪ
ﺩﺧﻠﺖ ﻧﺴﺮﻳﻦ ﺷﺎﻳﻠﻪ ﺍﻟﺼﻴﻨﻴﻪ ﺑﻴﻬﺎ ﻣﻮﺍﻋﻴﻦ ﺧﻠﺘﻬﺎ ﻉ ﺍﻟﺴﻨﮓ
ﻧﺴﺮﻳﻦ،،ﻟﻴﺶ ﻛﻤﺘﻲ ﻗﺒﻞ ﻣﺘﺸﺒﻌﻴﻦ ﺷﻮﻛﺖ ﺍﺗﺮﻛﻴﻦ ﻫﻠﻌﺎﺩﺓ ??
ﻭﻟﺞ ﺑﺎﺑﺎ ﺍﻧﻲ ﺍﺯﻋﻞ ﻣﻦ ﻛﻠﺸﻲ ﺑﺲ ﺍﻻﻛﻞ ﻣﺎﺍﺯﻋﻞ ﻋﻠﻲ
ﺍﺫﺍ ﻣﺘﺖ ﺟﻮﻉ ﻣﻨﻮ ﻳﻔﻴﺪﻧﻲ ?
ﻟﺠﻴﻦ،،ﺍﺑﺘﺴﻤﺖ ﺍﻟﻬﺎ ﻛﺘﻠﻬﺎ ﺑﺎﺟﻲ ﺷﺒﻌﺖ ﻭﺍﻧﻲ ﻛﻠﺖ ﺍﻟﻌﺼﺮ ﻭﻣﺎﺟﻮﻋﺎﻧﻪ
ﻧﺴﺮﻳﻦ،،ﻋﺸﺎﺝ ﺭﺍﺡ ﺍﺧﻠﻲ ﺑﺎﻟﺜﻼﺟﻪ ﻣﻦ ﺗﺤﺴﻴﻦ ﻧﻔﺴﺞ ﺟﻌﺘﻲ ﻃﻠﻌﻲ ﻭﺍﺣﻤﻲ ﻭﺑﻄﻠﻲ ﺯﻋﻞ ﻉ ﺍﻟﻨﻌﻤﻪ
ﺍﺧﺬﺕ ﺍﻟﺠﺎﻱ ﻭﺭﺍﺣﺖ ﻭﺍﻧﻲ ﺑﺪﻳﺖ ﺍﻏﺴﻞ ﺍﻟﻤﻮﺍﻋﻴﻦ ﺍﻡ ﺣﺴﻴﻦ ﻣﻦ ﻣﺎﺕ ﺍﺑﻮ ﺷﻴﻤﺎﺀ ﺧﻄﻴﻪ ﻻﻥ ﺍﻧﻘﻬﺮﺕ ﺍﺭﺗﻔﻊ ﺿﻐﻄﻬﺎ ﻭﻟﺤﺪ ﺍﻻﻥ ﻣﺎﻣﺴﺘﻘﺮ
ﺛﺎﻧﻲ ﻳﻮﻡ ﺩﺍﻭﻣﺖ ﺑﺲ ﻣﺎﻟﻲ ﺧﻠﮓ ﺍﻟﻜﻠﺸﻲ
ﻭﻳﻤﻜﻦ ﻻﻥ ﺗﻨﻔﻴﺬ ﺍﻟﺤﻜﻢ ﺑﻜﺮﺍﺭ ﺑﻌﺪ ﺍﺳﺒﻮﻉ
ﻟﻬﻠﺴﺒﺐ ﻧﻔﺴﻴﺘﻲ ﺗﻌﺒﺎﻧﻪ
ﻭﺩﻕ ﺳﺎﻟﺘﻨﻲ ﻟﻴﺶ ﻋﻴﻮﻧﺞ ﻭﺭﺍﻣﻪ ﮔﺘﻠﻬﺎ ﺍﺷﺘﺎﻗﻴﺖ ﻟﻬﻠﻲ ﻭﺑﺠﻴﺖ ﺍﻟﺒﺎﺭﺣﻪ
ﻫﻲ ﺗﺪﺭﻱ ﺍﻫﻠﻲ ﻣﺎﺗﻮ ﻣﻘﺘﻮﻟﻴﻦ ﺑﺲ ﻣﺎﮔﻠﺘﻠﻬﺎ ﺍﺧﻮﻱ ﺍﻟﻘﺎﺗﻞ
ﻛﻞ ﺍﺧﺖ ﺑﻄﺒﻌﻬﺎ ﺗﺘﺒﺎﻫﺎ ﻭﺗﺘﻨﻮﻣﺲ ﺑﺨﻮﻫﺎ ﺍﻟﻪ ﺍﻧﻲ ﺻﺮﺕ ﺍﺣﺴﻪ ﻭﺻﻤﺔ ﻋﺎﺭ ﺍﺧﺠﻞ ﻣﻨﻪ
ﻣﺎﺻﺪﻛﺖ ﻳﻨﺘﻬﻲ ﺍﻟﺪﻭﺍﻡ ﻭﺍﺭﺟﻊ ﻟﻠﺒﻴﺖ
ﺍﻭﻝ ﻣﺎﻧﺰﻟﺖ ﻣﻦ ﺍﻟﺨﻂ ﺍﻧﺘﺒﻬﺖ ﺍﻛﻮ ﺳﻴﺎﺭﺓ ﺑﺎﻟﺒﺎﺏ ﻭﺍﻛﻔﻬﻪ ﺍﻋﺮﻓﻬﺎ ﻫﺎﻱ ﺍﻟﺴﻴﺎﺭﺓ ﺍﻟﻤﻨﻮ ﻟﺬﺍﻟﻚ
ﺍﺣﺲ ﮔﻠﺒﻲ ﺻﺎﺭ ﻳﺮﻛﺾ ﻉ ﺍﻟﺴﺮﻳﻊ
ﻧﺰﻟﺖ ﺑﺴﺮﻋﻪ ﻓﺘﺤﺖ ﺑﺎﺏ ﺍﻟﺒﻴﺖ ﻭﺩﺧﻠﺖ ﻭﺍﻧﻲ ﻣﻠﻬﻬﻮﻓﻪ
ﻭﺭﺣﺖ ﺑﻮﺟﻬﻲ ﺍﺭﻛﺾ ﻟﻼﺳﺘﺒﻘﺎﻝ ﻭﺑﺪﻭﻥ ﻣﺎﺍﺩﮒ ﺍﻟﺒﺎﺏ
ﻓﺘﺤﺘﻪ ﻭﺩﺧﻠﺖ
ﺍﺩﻭﺭ ﻋﻠﺊ ﺻﺎﺣﺒﻬﺎ ﺟﺴﻤﻲ ﻛﻠﻪ ﻳﺮﺟﻒ ﺭﻛﻀﺖ ﻋﻠﻲ ﺣﻀﻨﺘﻪ ﻭﺍﻧﻲ ﺍﺑﺠﻲ
ﺧﺎﺍﺍﺍﻟﻮﻭﻭ ﻟﻴﺶ ﻫﻴﺞ ﻟﻴﻴﻴﺶ ﻣﺎﺍﺟﻴﺖ ﺗﺴﺄﻝ ﻋﻨﻴﻴﻲ
ﺟﻨﺖ ﺣﺎﺿﻨﻪ ﺧﺎﻟﻲ ﻭﺍﺛﻨﻴﻨﻪ ﻧﺒﺠﻲ ﺣﺘﺊ ﺣﺴﻴﻦ ﺍﻟﺠﺎﻥ ﻛﺎﻋﺪ ﻋﺎﻓﻨﻪ ﻭﻃﻠﻊ
ﺑﺎﺱ ﺭﺍﺳﻲ ﻭﻛﻌﺪﻧﻲ ﻳﻤﻪ ﻳﺴﺎﻟﻨﻲ ﺍﺷﻠﻮﻧﻲ ??
ﻭﻣﺮﺗﺎﺣﻪ ﻟﻮ ﻻ ﻳﻤﻬﻢ
ﻛﺘﻠﻪ ﻣﺮﺗﺎﺣﻪ ﺧﺎﻟﻮ ﺍﻟﻠﻪ ﻳﻨﻄﻴﻬﻢ ﺧﻮﺵ ﺍﻭﺍﺩﻡ
ﺍﺑﻮ ﺻﺎﺑﺮﻳﻦ،،ﺍﻟﻠﻪ ﻳﺤﻔﻀﻬﻢ ﻣﻌﺪﻟﻴﻦ ﺑﻬﺬﺍ ﺯﻣﺎﻧﻪ ﻭﻳﻦ ﻧﻠﮕﻪ ﻧﺎﺱ ﻣﺜﻠﻬﻢ ﻳﺴﻮﻭﻥ ﺍﻟﺴﻮﻭ ﻫﻤﻪ
ﻟﺠﻴﻦ،،ﺟﻨﻪ ﻧﺤﺠﻲ ﻭﺩﺧﻞ ﻋﻠﻲ ﺑﻌﺪﺓ ﺑﻤﻼﺑﺲ ﺍﻟﺪﻭﺍﻡ
ﺳﻠﻢ ﻋﻠﺊ ﺧﺎﻟﻲ ﻭﮔﻌﺪ ﺑﺲ ﺍﺑﺪ ﻣﺎﺑﺎﻭﻋﺖ ﻋﻠﻲ ﻃﻮﻝ ﻣﺎﺍﻧﻲ ﻛﺎﻋﺪﺓ ﺍﺣﺠﻲ ﻭﻳﻪ ﺧﺎﻟﻲ ﻭﺑﺲﺧﺎﻟﻲ ﻳﺘﺸﻜﺮ ﻣﻨﻪ ﻭﺍﻟﻀﺎﻫﺮ ﻋﻨﺪﺓ ﻋﻠﻢ ﺏ ﺍﻻﺗﻔﺎﻕ ﻛﺎﻝ ﺑﺲ ﻳﺼﻴﺮ ﻋﻤﺮﺝ 18 ﺍﺧﺬﺝ ﺗﻌﻴﺸﻴﻦ ﻳﻤﻲ ﺣﺘﺊ ﺑﻴﺘﻲ ﺍﺑﻴﻌﻪ ﻭﺍﺷﻴﻞ ﺍﻟﻐﻴﺮ ﻣﺤﺎﻓﻀﻪ ﺣﺘﺊ ﻧﺘﭽﻔﻪ ﺷﺮ ﻋﻤﺎﻣﺞ
ﻛﺘﻠﻪ ﺧﺎﻟﻮ ﻟﻴﺶ ﻛﻞ ﻫﺎﻱ ﺍﻟﻔﺘﺮﺓ ﻣﺎﺳﺎﻟﺖ ﻋﻨﻲ ﻭﻻﺣﺘﺊ ﺍﺗﺼﻠﺖ
ﺍﺑﻮ ﺻﺎﺑﺮﻳﻦ،،ﻻ ﻳﺎﺧﺎﻟﻲ ﺍﻧﺘﻲ ﺍﻟﺒﻘﻴﺘﻲ ﻣﻦ ﺭﻳﺤﻪ ﺍﻟﻌﺰﻳﺰﺓ ﺍﺧﺘﻲ ﺍﺷﻠﻮﻥ ﻣﺎﺍﺳﺄﻝ ﻋﻨﺞ ?
ﻳﻮﻣﻴﻪ ﺍﺗﺼﻞ ﺑﺎﻟﻨﻘﻴﺐ ﻋﻠﻲ ﺣﺘﺊ ﺍﻃﻤﻦ ﻋﻠﻴﺞ
ﻭﻛﻞ ﻣﺮﺓ ﺍﺳﺄﻟﻪ ﺷﻤﺤﺘﺎﺟﻪ ﻭﻫﻮ ﻳﮕﻮﻝ ﻣﺎﻣﻘﺼﺮﻳﻦ ﻋﻨﻬﺎ
ﻭﺍﻧﻲ ﻣﺘﺎﻛﺪ ﻣﺎﻣﻘﺼﺮﻳﻦ ﻋﻨﺞ
ﻟﺠﻴﻦ،،ﺍﻟﺘﻔﺘﺖ ﺑﺴﺮﻋﻪ ﺑﺎﻭﻋﺘﻠﻪ ﻛﺎﻥ ﻣﺪﻧﮓ ﻳﺸﺮﺏ ﺟﺎﻱ ﺑﻜﻞ ﻫﺪﻭ
ﺭﺟﻌﺖ ﺍﻟﺘﻔﺘﺖ ﺍﻟﺨﺎﻟﻲ ﮔﺘﻠﻪ ﺑﺲ ﻣﺤﺪ ﮔﺎﻟﻲ ﺍﻧﺘﻪ ﺗﺘﺼﻞ ﺗﺴﺎﻝ ﻋﻠﻴﻪ
ﻗﺒﻞ ﻣﻴﺠﺎﻭﺏ ﺧﺎﻟﻲ ﺳﻤﻌﺘﻪ ﺟﻠﺊ ﺻﻮﺗﻪ ﻭﻛﺎﻝ
ﻋﻠﻲ،،ﺍﺑﻮ ﺻﺎﺑﺮﻳﻦ ﺣﺠﻴﺘﻠﻬﺎ ﺑﺎﻟﻤﻮﺿﻮﻉ ﻟﻮ ﺑﻌﺪﻙ ?
ﺍﺑﻮ ﺻﺎﺑﺮﻳﻦ،،ﻻ ﻭﺍﻟﻠﻪ ﺑﻌﺪﻧﻲ ﻟﺴﻪ
ﻟﺠﻴﻦ،،ﻣﺎﺍﻋﺮﻑ ﺑﺴﺮﻋﻪ ﮔﻠﺒﻲ ﺍﻧﻘﺒﺾ ﻛﺘﻠﻪ ﺧﺎﻟﻮ ﺷﺼﺎﻳﺮ ﺍﺣﺠﻲ ??
ﺍﺑﻮ ﺻﺎﺑﺮﻳﻦ،،ﺧﺎﻟﻮ ﺣﺒﻴﺒﺘﻲ ﺍﻟﺤﻜﻢ ﻳﺘﻨﻔﺬ ﺍﻟﺨﻤﻴﺲ
ﻭﺍﺧﻮﺝ ﻃﻠﺐ ﻣﻦ ﺍﻟﻨﻘﻴﺐ ﻳﺸﻮﻓﺞ ﺍﺧﺮ ﻣﺮﺓ
ﻭﻫﺬﺍ ﻃﻠﺐ ﻣﻨﻪ ﻗﺒﻞ ﻣﺎﻳﻨﻌﺪﻡ
ﺍﺫﺍ ﺍﺗﺸﻮﻓﻴﻦ ﻧﻔﺴﺞ ﻣﺴﺘﻌﺪﺓ ﺗﺮﻭﺣﻴﻦ ﻭﻳﺎﻱ ﺗﻮﺍﺟﻬﻲ ﺣﺘﺊ ﺍﺧﺬﺝ ﺍﻧﻲ ﻭﺳﻴﺎﺩﺓ ﺍﻟﻨﻘﻴﺐ ﻭﻟﺘﺨﺎﻓﻴﻦ ﻣﻦ ﺷﻲ ﺍﺣﻨﻪ ﻳﻤﺞ ﻣﺎﻧﻌﻮﻓﺞ
ﻟﺠﻴﻦ، ،ﺍﺭﺗﻌﺪ ﮔﻠﺒﻲ ﺻﺮﺕ ﻣﺎﺍﺷﻮﻑ ﺍﺧﻮﻱ ﻛﺮﺍﺭ ﺍﻟﺠﻨﺖ ﺍﻟﻌﺐ ﻭﻳﺎﻩ ﻭﺣﻨﻪ ﺍﻃﻔﺎﻝ
ﻻ ﺻﺮﺕ ﻣﺎﺍﺫﻛﺮ ﻣﻨﻪ ﻏﻴﺮ ﻭﻫﻮ ﻻﺯﻡ ﺍﻟﺴﻼﺡ ﻭﻛﺎﻋﺪ ﮔﺪﺍﻡ ﺟﺜﺚ ﺍﻫﻠﻲ
ﺟﺎﻭﺑﺘﻪ ﺑﺼﻮﺕ ﻣﺨﻨﻮﮒ ﮔﺘﻠﻪ ﻻ ﺧﺎﻟﻲ ﺍﻧﻲ ﺍﺭﻳﺪ ﺍﺭﻭﺡ ﺍﺷﻮﻓﻪ
ﺍﺑﻮ ﺻﺎﺑﺮﻳﻦ،،ﻫﺬﺍ ﻫﻮ ﺑﻌﺪ ﺧﺎﻟﺞ ﺑﺎﺟﺮ ﺍﻟﻀﻬﺮ ﻧﺎﺧﺬﺝ ﺣﺘﺊ ﺗﺸﻮﻓﻲ
ﻟﺠﻴﻦ،،ﺧﺎﻟﻲ ﺍﺗﺮﺧﺺ ﻳﺮﻳﺪ ﻳﺮﻭﺡ ﻭﺣﺴﻴﻦ ﻭﻋﻠﻲ ﻣﺎﻗﺒﻠﻮ ﻋﺰﻣﻮ ﻉ ﺍﻟﻐﺪﺓ ﺑﺲ ﺭﻓﺾ ﻭﺭﺍﺡ
ﺍﻧﻲ ﺩﺧﻠﺖ ﺍﻟﻐﺮﻓﺘﻲ ﻣﺪﺩﺕ ﻋﻠﺊ ﻓﺮﺍﺷﻲ ﺑﻤﻼﺑﺲ ﺍﻟﻤﺪﺭﺳﻪ ﺍﺷﻠﻮﻥ ﺑﻴﻪ ﺑﺎﺟﺮ ﺍﺫﺍ ﺍﺭﻭﺡ ﻭﺍﺷﻮﻓﻪ ?
ﻣﻦ ﻫﺴﻪ ﺍﺣﺲ ﮔﻠﺒﻲ ﺍﻧﻘﺒﺾ
ﮔﻤﺖ ﺑﻌﺪ ﻣﺪﺓ ﻣﻦ ﺍﻟﻮﻗﺖ ﺑﺲ ﺍﺣﺲ ﻧﻔﺴﻲ ﺗﻌﺒﺎﻧﻪ ﻭﺟﺴﻤﻲ ﺛﮕﻼﻥ ﻛﻮﺓ ﺑﺪﻟﺖ ﻣﻼﺑﺴﻲ ﺻﺎﺣﺘﻠﻲ ﻧﺴﺮﻳﻦ ﻉ ﺍﻟﻐﺪﺓ ﮔﺘﻠﻬﺎ ﻣﺎﺍﺷﺘﻬﻲ ﻋﻮﺩ ﻣﻦ ﺍﺟﻮﻉ ﺍﻛﻞ
ﺑﻠﻴﻞ ﻛﺎﻋﺪﻳﻦ ﻉ ﺍﻟﻌﺸﻪ ﻛﻨﺖ ﺑﺲ ﺍﺑﺎﻭﻉ ﺏ ﺍﻻﻛﻞ ﻭﻫﺎﻱ ﺣﺎﻟﺘﻲ ﻣﻦ ﺍﺿﻮﺝ ﻧﻔﺴﻲ ﺗﻨﺴﺪ ﺟﺒﺮﺕ ﺭﻭﺣﻲ ﻛﻠﺖ ﻟﻜﻤﺘﻴﻦ ﻭﮔﻤﺖ ﺣﺘﺊ ﻣﺎﺑﻴﻪ ﺣﻴﻞ ﺍﺳﺎﻋﺪ ﻧﺴﺮﻳﻦ ﺑﺸﻲ
ﺭﺟﻌﺖ ﺍﻟﻐﺮﻓﺘﻲ ﻣﺎﮔﻌﺪﺕ ﻳﻤﻬﻢ ﺍﺭﻳﺪ ﺷﻲ ﻳﻠﻬﻴﻨﻲ ﻣﺎﻛﻮ ﺷﺎﻳﻠﻪ ﻫﻢ ﻟﻠﻤﻮﺍﺟﻬﻪ ﺑﻴﻨﻲ ﻭﺑﻴﻦ ﻛﺮﺍﺭ ﺑﺎﺟﺮ ﺍﺷﻠﻮﻥ ﺑﻴﻪ
ﺛﺎﻧﻲ ﻳﻮﻡ ﺍﻟﺼﺒﺢ ﺩﺍﻭﻣﺖ ﺑﺲ ﻭﺟﻬﻲ ﺗﻌﺒﺎﻥ ﻭﻋﻴﻮﻧﻲ ﺟﻮﺍﻫﻦ ﺻﺎﻳﺮ ﺳﻮﺍﺩ ﻣﺒﻴﻦ ﻋﻠﻴﻪ ﺍﻟﺘﻌﺐ ﻭﺍﻻﺭﻕ
ﺻﺎﺭﺕ ﺳﺎﻋﻪ 10 ﺍﻟﺼﺒﺢ ﺏ ﺍﺛﻨﺎﺀ ﺍﻟﺪﺭﺱ ﺩﺧﻠﺖ ﺍﻟﻤﺪﺭﺳﻪ
ﻭﮔﺎﻟﺖ ﻟﺠﻴﻦ ﻋﻤﺎﺩ ﻃﺎﻟﺒﻴﺞ ﺏ ﺍﻻﺩﺍﺭﺓ ﺟﻴﺒﻲ ﺟﻨﻄﺘﺞ ﻭﺗﻌﺎﻱ
ﻟﻤﻴﺖ ﻛﺘﺒﻲ ﺧﻠﻴﺘﻬﻦ ﺑﺎﻟﺠﻨﻄﻪ ﻭﻃﻠﻌﺖ ﺭﺣﺖ ﻟﻼﺩﺍﺭﺓ ﻣﻦ ﺩﺧﻠﺖ ﻟﮕﻴﺖ ﻧﻘﻴﺐ ﻋﻠﻲ ﮔﺎﻋﺪ ﺑﺎﻟﺰﻱ ﺍﻟﻌﺴﻜﺮﻱ ﻭﺍﻟﻤﺪﻳﺮﺓ ﺍﻟﻀﺤﻜﻪ ﻣﻦ ﺍﻻﺫﻥ ﻟﻼﺫﻥﺍﺗﺮﺧﺺ ﻣﻨﻬﺎ ﻭﻃﻠﻊ ﻛﺪﺍﻣﻲ ﻭﺍﻧﻲ ﺻﺮﺕ ﺍﻣﺸﻲ ﻭﺭﺍﻩ
ﺻﻌﺪﻧﻪ ﺑﺎﻟﺴﻴﺎﺭﺓ ﻭﻫﻮ ﺑﺪﺓ ﻳﺴﻮﻕ ﻛﺘﻠﻪ ﻋﻤﻮ ﭼﺎ ﺧﺎﻟﻲ ﻭﻳﻦ ??
ﻋﻠﻲ،،ﺭﺍﺡ ﮔﺪﺍﻣﻨﻪ
ﻟﺠﻴﻦ،،ﻃﻮﻝ ﺍﻟﻄﺮﻳﻖ ﻭﺍﻧﻲ ﻻﺯﻣﻪ ﮔﻠﺒﻲ
ﻧﺰﻝ ﻭﻧﺰﻟﺖ
ﻧﺰﻝ ﻭﻧﺰﻟﺖ ﻭﺭﺍﻩ ﺍﻟﺸﺮﻃﻪ ﺍﺧﺬﺗﻠﻪ ﺗﺤﻴﻪ ﻭﺻﻠﻨﻪ ﺍﻟﻐﺮﻓﻪ
ﻭﺍﻟﺸﺮﻃﻲ ﺍﻟﺒﻠﺒﺎﺏ ﺩﺧﻞ ﻭﺩﺧﻠﻨﻪ ﻭﺭﺍﻩ
ﺷﻔﺖ ﺷﺨﺺ ﺑﺎﻟﺰﻱ ﺍﻟﻌﺴﻜﺮﻱ ﻛﺎﻋﺪ ﻭﺭﺓ ﺍﻟﻤﻜﺘﺐ ﻭﺧﺎﻟﻲ ﮔﺎﻋﺪ ﺑﺎﻟﻜﺮﺳﻲ ﺍﻟﻤﻘﺎﺑﻴﻠﻪ
ﻋﻠﻲ ﻫﻢ ﻛﻌﺪ ﻳﻤﻬﻢ ﻭﺍﻧﻲ ﮔﻌﺪﺕ ﻉ ﺍﻟﻘﻨﻔﻪ ﺍﻟﻤﻮﺟﻮﺩﺓ ﻗﺮﻳﺐ ﻋﻠﻴﻬﻢ
ﺍﺗﺒﺎﺩﻟﻮ ﺍﻟﺤﺪﻳﺚ ﻭﺍﻟﻌﺮﻓﺘﻪ ﻣﻦ ﺧﻼﻝ ﻛﻼﻣﻬﻢ ﺍﻧﻮ ﻫﺬﺍ ﺍﻟﺸﺨﺺ ﺭﺍﺋﺪ ﺍﻋﻠﺊ ﺭﺗﺒﻪ ﻣﻦ ﻋﻠﻲ ﻭﺍﺳﻤﻪ ﻃﺎﺭﻕ
ﺍﻟﺮﺍﺋﺪ ﺍﺳﺘﺄﺫﻥ ﻭﻃﻠﻊ ﺷﻮﻳﻪ ﻭﺍﻧﻔﺘﺢ ﺍﻟﺒﺎﺏ ﻭﻛﺎﻧﻮ ﺍﺛﻨﻴﻦ ﺷﺮﻃﻪ ﻻﺯﻣﻴﻦ ﻛﺮﺍﺭ ﻛﻞ ﻭﺍﺣﺪ ﻣﻦ ﺟﻬﺎ ﻭﺑﺎﺩﻱ ﺍﻟﻜﻠﺒﺸﺎﺕ ﻭﻻﺑﺲ ﺑﺪﻟﻪ ﺣﻤﺮﺓ
ﻣﺴﺘﺘﺘﺤﻴﻞ ﻳﻜﻮﻥ ﻫﺬﺍ ﻧﻔﺴﻪ ﻛﺮﺍﺭ ﺍﺧﻮﻳﻪ ﺍﺑﺪ ﻣﺎﺍﻋﺮﻓﺘﻪ
ﻭﺟﻬﺎ ﻋﺒﺎﺭﺓ ﻋﻦ ﻋﻀﻢ ﻭﺟﻠﺪ ﺟﺴﻤﻪ ﻋﻮﺩﺓ ﻣﻦ ﺍﻟﻀﻌﻒ
ﻟﺤﻴﺘﻪ ﻭﺷﻌﺮﺓ ﻋﺎﻟﻲ
ﺟﺴﻤﻲ ﻛﻠﻪ ﺭﺟﻒ ﻣﻦ ﻣﻨﻀﺮﺓ ﺩﮔﺎﺕ ﮔﻠﺒﻲ ﺻﺎﺭﺕ ﺳﺮﻳﻌﻪ ﻭﺍﻟﻨﻔﺲ ﮔﻮﺓ ﺍﺟﺮﺓ
ﻋﻠﻲ،،ﺍﻧﻲ ﻭﺍﺑﻮ ﺻﺎﺑﺮﻳﻦ ﺭﺍﺡ ﻧﻄﻠﻊ ﻧﻨﺘﻀﺮﺝ ﺑﺮﺓ
ﻟﺠﻴﻦ،،ﺍﻭﻝ ﻣﺮﺓ ﺍﺧﺎﻑ ﺍﺑﻘﻪ ﻭﻳﻪ ﺍﺧﻮﻱ ﺑﻤﻜﺎﻥ ﻭﺍﺣﺪ
ﺧﺎﻟﻲ ﺑﺎﺳﻨﻲ ﺑﺮﺍﺳﻲ ﻭﻛﺎﻝ ﺍﺣﻨﻪ ﻳﻤﺞ ﺑﺎﻟﺒﺎﺏ ﻟﺘﺨﺎﻓﻴﻦ
ﻋﺎﻓﻮﻧﻲ ﻳﻤﻪ ﻭﻃﻠﻌﻮ ﺍﻭﻝ ﻣﺎﻃﻠﻌﻮ ﻫﻮ ﻭﻛﻒ ﻋﻠﺊ ﺣﻴﻠﻪ ﻭﻓﺘﺢ ﺍﺩﻱ ﻳﺮﻳﺪ ﻳﺤﻀﻨﻲ ﺍﻧﻲ ﺑﺪﻭﻥ ﻭﻋﻲ ﺍﺭﺗﺪﻳﺖ ﻟﻠﺨﻠﻒ ﻭﺭﻓﻌﺖ ﺍﻳﺪﻱ ﺍﻣﻨﻌﻪ ﮔﺘﻠﻪ ﺍﺍﺍﺍﺑﻘﻪ ﺑﻤﻜﺎﻧﻚ ﺗﺮﺭﺓ ﺍﻃﻠﻊ..بيج قصص عراقيه حقيقيه من واقعنا.روعه الطائي
ﻛﺮﺍﺭ،،ﺻﺎﺭ ﺗﺪﻟﻠﻴﻦ ﺑﺲ ﺍﻫﺪﻱ ﺭﺍﺡ ﺍﻛﻌﺪ ﺑﺲ ﺍﺣﺠﻲ ﻭﻳﺎﺝ ﻭﺍﻃﻠﻌﻲ
ﻟﺠﻴﻦ،،ﺭﺟﻊ ﻛﻌﺪ ﺑﻤﻜﺎﻧﻪ ﺑﺲ ﺍﻟﺪﻣﻌﻪ ﻭﺍﻛﻔﻪ ﺑﻄﺮﻑ ﻋﻴﻨﻪ ﻭﺻﻮﺗﻪ ﻳﺮﺟﻒ ﻣﺨﻨﻮﮒ
ﻛﺮﺍﺭ،،ﻡ ﻣﻮ ﺍﻧﻲ ﻡ ﻣﻮ ﺍﻧﻲ ﻭﺍﻟﻠﻪ ﻳﺎﻟﺠﻴﻦ ﻣﻮﺍﻧﻲ ﻗﺘﻠﺘﻬﻢ
ﻭﺣﺘﺊ ﻟﻮ ﺍﻧﻲ ﻣﺎﺍﺫﻛﺮ ﻫﺬﺍ ﺍﻟﺸﻲ ﺍﺑﺪ ﻭﻟﺞ ﻭﺍﻟﻠﻪ ﻣﺎﺻﺤﻴﺖ ﻏﻴﺮ ﻭﺍﻧﻲ ﻫﻨﺎ ﺟﻨﺖ ﻣﻮﺑﻮﻋﻴﻲ
ﻟﺠﻴﻦ،،ﺟﺎﻭﺑﺘﻪ ﻭﺍﻧﻲ ﺣﺎﻟﻲ ﻣﻦ ﺣﺎﻟﻪ ﻛﻮﺓ ﻛﺎﺗﻤﻪ ﻋﺒﺮﺗﻲ
ﮔﺘﻠﻪ ﻛﺘﻠﺘﻬﻢ ﺑﻌﺪ ﻛﻼﻣﻚ ﻻﻳﻘﺪﻡ ﻭﻻﻳﺎﺧﺮ
ﺍﻧﺘﻪ ﺿﻴﻌﺖ ﺍﻫﻠﻲ ﻭﺿﻴﻌﺘﻨﻲ ﻭﺿﻴﻌﺖ ﻧﻔﺴﻚ
ﻛﺮﺍﺭ،،ﺍﻧﻲ ﺍﺑﻦ ﻋﺎﺍﻕ ﻭﺍﻟﻠﻪ ﺍﺩﺭﻱ ﺑﺮﻭﺣﻲ ﻭﻋﺒﺎﻟﺞ ﺍﻧﻲ ﺧﺎﻳﻒ ﻣﻦ ﺍﻟﻤﻮﺕ ?
ﻳﺸﻬﺪ ﺍﻟﻠﻪ ﻣﺎﺧﺎﻳﻒ ﻻﻥ ﺍﻻﺑﻦ ﺍﻟﻌﺎﺭ ﻣﺜﻠﻲ ﻳﺴﺘﺎﻫﻞ ﻫﺎﻱ ﺍﻟﻤﻮﺗﻪ
ﺗﺪﺭﻳﻦ ﻋﻤﺞ ﻋﺪﻧﺎﻥ ﺷﮕﺪ ﻟﺢ ﻋﻠﻴﻪ ﺑﺲ ﻛﺘﻠﻪ ﻣﺴﺘﺤﻴﻞ ﺍﺳﻮﻱ ﻫﻠﺸﻲ ﺫﻭﻟﻪ ﺍﻫﻠﻲ ﺍﺷﻠﻮﻥ ﺍﻟﻲ ﮔﻠﺐ ﺍﻣﻮﺗﻬﻢ ﺑﻴﺪﻱ
ﺑﺲ ﺍﻧﻲ ﺑﻮﻛﺘﻬﺎ ﺟﻨﺖ ﻣﺪﻣﻦ ﻉ ﺍﻟﺤﺒﻮﺏ ﺑﺴﺒﺒﻪ ﻫﻮ ﺍﻟﺨﻼﻧﻲ ﺍﺗﻌﻠﻢ ﻋﻠﻴﻬﻢ ﺑﺎﻟﺒﺪﺍﻳﻪ ﺭﺩﺕ ﺍﺟﺮﺏ ﻫﻠﺸﻲ
ﺑﻌﺪﻳﻦ ﺣﺒﻴﺖ ﺍﻟﺸﻌﻮﺭ ﻭﺍﺧﺮ ﺷﻲ ﻣﺎﻟﮕﻴﺖ ﺭﻭﺣﻲ ﻏﻴﺮ ﻣﺪﻣﻦ ﻋﻠﻴﻬﻦ
ﻭﺍﻟﻠﻪ ﻭﺭﻭﺡ ﺭﻫﻒ ﻣﺎﺍﺫﻛﺮ ﻭﻻ ﺍﻱ ﺷﻲ ﻣﻦ ﺫﺍﻙ ﺍﻟﻴﻮﻡ ﺍﻟﻤﺸﺆﺅﻡ
ﻟﺠﻴﻦ،،ﺧﻠﻪ ﺭﺍﺳﻪ ﺑﻴﻦ ﺍﺩﻱ ﻭﺻﺎﺭ ﻳﺒﺠﻲ ﻭﻳﺤﺠﻲ ﺑﺼﻮﺕ ﻋﺎﻟﻲﻛﺮﺍﺭ،،ﺍﺭﺭﻳﺪ ﺍﺭﺗﺎﺡ ﻟﺠﻴﻦ ﺻﺎﺭ 4 ﺍﺷﻬﺮ ﻣﺎﻧﺎﻳﻢ ﻭﺍﻟﻠﻪ ﻛﻞ ﻣﺎﺍﻏﻤﺾ ﺍﻣﻲ ﻭﺍﺑﻮﻱ ﻭﺭﻫﻮﻓﻪ ﻳﺼﻴﺮﻭﻥ ﻛﺪﺍﻣﻲ ﻭﺍﻓﺰ ﻣﺮﻋﻮﺏ
ﺧﻠﻴﻬﻢ ﻳﻌﺪﻣﻮﻧﻲ ﺣﺘﺊ ﺍﺭﺗﺎﺡ ﻭﺍﻧﺎﻡ ﻣﺎﺍﮔﻌﺪ ﺑﻌﺪ
ﻟﺠﻴﻦ،،ﻫﻮ ﻳﺒﺠﻲ ﻭﺍﻧﻲ ﺍﺑﺠﻲ ﻭﻳﺎﻩ ﻭﺑﺪﻭﻥ ﺷﻌﻮﺭ ﻛﻤﺖ ﺣﻀﻨﺘﻪ ﻭﺍﺑﺠﻲ
ﺭﻓﻊ ﻭﺟﻬﻲ ﺑﺎﺍﺻﺎﺑﻌﻪ ﻭﺻﺎﺭ ﻳﺤﺠﻲ ﻭﻫﻮ ﻣﺒﺘﺴﻢ ﺍﺑﺘﺴﺎﻣﺔ ﻣﻤﺰﻭﺟﻪ ﺑﺎﻟﺪﻣﻮﻉ ﻭﺍﻻﻟﻢ
ﻛﺮﺍﺭ،،ﺗﺬﻛﺮﻳﻦ ﻗﺒﻞ ﻣﻦ ﺟﻨﺖ ﺍﻋﻴﺐ ﻋﻠﺊ ﻋﻴﻮﻧﺞ ﻭﺍﻧﺘﻲ ﺗﻀﻮﺟﻴﻦ ﻭﺗﻨﻘﻬﺮﻳﻦ ?
ﻟﺠﻴﻦ،،ﺍﺑﺘﺴﻤﺖ ﻭﺍﻛﺘﻠﻪ ﺍﻱ ﺍﺫﻛﺮ
ﻛﺮﺍﺭ،،ﺟﻨﺖ ﺍﺣﺐ ﺍﻗﻬﺮﺝ ﺍﺣﺐ ﺍﺷﻮﻓﺞ ﺗﻀﻮﺟﻴﻦ ﻭﺗﺘﻌﺎﺭﻛﻴﻦ ﻭﻳﺎﻱ ﻣﻨﻀﺮﺝ ﻳﻀﺤﻚ ﻣﻦ ﺗﻨﻘﻬﺮﻳﻦ
ﻟﺠﻴﻦ،،ﻫﻬﻪ ﺗﺬﻛﺮ ﻣﻦ ﺍﺑﻮﻱ ﺟﺎﺏ ﺩﺭﺍﺟﻪ ﻣﺎﻝ ﺍﺑﻦ ﺻﺪﻳﻘﻪ ﻣﺴﻮﻱ ﺣﺎﺩﺙ ﻭﺧﻼﻫﺎ ﻳﻤﻨﻪ
ﺑﻮﻗﺘﻬﺎ ﺍﻧﺘﻪ ﻓﺼﺨﺘﻬﺎ ﺗﺴﻮﻱ ﻧﻔﺴﻚ ﻣﺼﻠﺢ ﻭﻣﻦ ﺍﺟﻪ ﺍﻟﺮﺟﺎﻝ ﻟﻜﻬﺎ ﻛﻞ ﻗﻄﻌﻪ ﺑﻜﺘﺮ ﻫﻬﻬﻪ
ﺻﺮﻧﻪ ﻧﺴﺘﺮﺟﻊ ﺫﻛﺮﻳﺎﺗﻨﻪ ﺳﻮﺓ ﻭﻧﻀﺤﻚ ﺑﻘﻬﺮ ﻭﺩﻣﻮﻉ
ﺍﻧﺘﺒﻬﺖ ﻋﻠﺊ ﺍﺩﻱ ﺑﻴﻬﻦ ﺟﺮﻭﺡ ﺍﺛﺮ ﺍﻟﺘﻌﺬﻳﺐ
ﺻﺮﺕ ﺍﺗﻠﻤﺲ ﺍﻳﺪﺓ ﻭﺍﺑﺎﻭﻉ ﺑﻌﻴﻮﻧﻪ ﺍﻟﺬﺑﻼﻧﺎﺕ
ﻛﺮﺍﺭ،،ﻣﺎﻳﻮﺟﻌﻨﻲ ﺑﻜﺜﺮ ﻫﺬﺍ
ﻟﺠﻴﻦ،،ﺍﺷﺮ ﻋﻠﺊ ﮔﻠﺒﻪ ﻭﺭﺟﻊ ﺣﻀﻨﻲ
ﻛﺮﺍﺭ،،ﺷﻴﺠﻴﺐ ﺑﺎﺟﺮ ﻭﺍﺷﺒﻊ ﻧﻮﻡ
ﻟﺠﻴﻦ، ،ﺑﺎﺟﺮ ﺗﻨﻔﻴﺬ ﺍﻟﺤﻜﻢ ﺣﻀﻨﺘﻪ ﻗﻮﻱ ﻣﺎﺍﺭﻳﺪ ﻳﺼﻴﺮ ﺑﻲ ﺷﻲ ﻣﺎﺭﻳﺪ ﻳﺮﻭﺡ ﻭﻳﻌﻮﻓﻨﻲ ﻣﺠﺮﺩ ﺍﺳﻢ ﺍﺧﻮﻱ ﻋﺎﻳﺶ ﻳﺨﻠﻴﻨﻲ ﺍﻃﻤﺌﻦ ﻋﻨﺪﻱ ﺍﺍﺣﺪ ﻣﻦ ﺍﻫﻠﻲ ﻋﺎﻳﺶ
ﻟﺤﺪ ﻳﻜﻮﻝ ﻣﺠﺮﻡ ﻭﻳﺴﺘﺎﻫﻞ ﻻﻥ ﻛﺘﻞ ﺍﻫﻠﻪ
ﻣﺤﺪ ﻳﺤﺲ ﺑﻬﺬﺍ ﺍﻻﺣﺴﺎﺱ ﻏﻴﺮ ﺍﻟﻤﺠﺮﺑﻪ
ﺍﻧﻲ ﻣﺘﺎﻛﺪﺓ ﻫﻮ ﻣﻮﺑﻮﻋﻴﻪ ﻭﻟﻮ ﺻﺎﺣﻲ ﻣﺴﺘﺤﻴﻞ ﻳﻘﺘﻠﻬﻢ
ﻫﻮ ﺍﺧﻮﻱ ﻭﺍﻻﺿﻔﺮ ﻣﺎﻳﻄﻠﻊ ﻣﻦ ﺍﻟﻠﺤﻢ ﺍﻟﺪﻡ ﻳﺤﻦ ﻣﻬﻤﺎ ﻳﻜﻮﻥ ﻣﺴﻮﻱ ﺟﺮﻳﻤﻪ ﺩﻣﻚ ﻳﺤﻦ
ﻗﺎﻃﻌﻨﻪ ﺻﻮﺕ ﺩﺧﻮﻝ ﺍﻟﺮﺍﺋﺪ ﻭﮔﺎﻝ ﺍﻧﺘﻬﺖ ﺍﻟﺰﻳﺎﺭﺓ
ﺍﻧﻲ ﺑﻌﺪﻧﻲ ﺣﺎﺿﻨﺘﻪ ﻣﺎﺍﺭﻳﺪ ﺍﺑﻌﺪ ﻋﻨﻪ ﺩﺧﻞ ﺧﺎﻟﻲ ﻭﺍﻟﻨﻘﻴﺐ ﻋﻠﻲ
ﻭﻫﻨﺎ ﻣﻦ ﺻﺎﺭ ﺍﻟﺤﺠﻲ ﺻﺪﮒ ﺍﻧﻲ ﻭﻳﺎﻩ ﻭﺍﺣﺪ ﺣﻀﻦ ﺍﻟﺜﺎﻧﻲ ﺣﻴﻞ
ﻋﻠﻲ ﺍﺟﻪ ﻳﺮﻳﺪ ﻳﺴﺤﺒﻨﻲ ﺑﺲ ﺿﻠﻴﺖ ﺣﺎﺿﻨﻪ ﺍﺧﻮﻱ ﻣﺎﺍﺭﻳﺪ ﺍﺭﻭﺡ ﻭﻳﺎﻫﻢ
ﮔﺘﻠﻬﻢ ﺑﺼﻮﺕ ﻣﺨﻨﻮﻙ
ﻋﻮﻭﻭﻓﻮﻧﻴﻲ ﺍﻋﺪﻣﻮﻭﻧﻲ ﻭﻳﺎﺍﻩ ﺑﺴﺲ ﻫﻮﻭ ﺑﺒﺒﻘﻪ ﻣﻦ ﺍﻫﻠﻲ ﺷﻠﻠﻠﻲ ﺑﺤﻴﺎﺗﻲ ﺍﺫﺍ ﺣﺘﺊ ﻫﻮﻭ ﻳﻤﻮﻭﺕ
ﺩﺧﻠﻮ ﺍﻟﺸﺮﻃﻪ ﺳﺤﺒﻮ ﻛﺮﺍﺭ ﺑﻌﺪ ﻣﺎﺑﺎﺳﻨﻲ ﺑﺮﺍﺳﻲ ﻭﺭﺍﺡ ﻭﺭﺍﺣﺖ ﺭﻭﺣﻲ ﻭﻳﺎﻩ
ﻭﻋﻠﻲ ﺳﺤﺒﻨﻲ ﻣﻦ ﺍﻳﺪﻱ ﺣﻴﻞ ﻭﻃﻠﻌﻨﻪ ﻣﻦ ﺍﻟﺴﺠﻦ ﻛﻠﻪ
ﺧﺎﻟﻲ ﺭﺍﺡ ﺍﻟﺴﻴﺎﺭﺗﻪ ﺷﻐﻠﻬﺎ ﻭﺭﺍﺡ ﻛﻮﺓ ﻳﻤﺸﻲ ﺣﺘﺊ ﻫﻮ . ﻣﻮﻫﻴﻨﻪ ﻋﻠﻲ ﻳﺸﻮﻑ ﺑﻴﺖ ﺍﺧﺘﻪ ﺍﻧﻄﻔﻪ ﻣﻦ ﻛﻞ ﺍﻟﻌﺎﺋﻠﻪ
ﻃﻮﻝ ﺍﻟﻄﺮﻳﻖ ﺍﻧﻲ ﺍﻧﺎﺷﻎ ﻣﺨﻠﻴﻪ ﺭﺍﺳﻲ ﻉ ﺍﻟﺠﺎﻣﻪ ﻭﺍﺑﺎﻭﻉ ﻟﻠﻄﺮﻳﻖ ﻭﺩﻣﻮﻋﻲ ﻋﺸﺮﺓ ﻋﺸﺮﺓ
ﺭﺟﻌﻨﻪ ﻟﻠﺒﻴﺖ ﺍﻭﻝ ﻣﺎﺩﺧﻠﻨﻪ ﺍﺗﮕﻠﺘﻨﻲ ﺍﻡ ﺣﺴﻴﻦ ﻭﻧﺴﺮﻳﻦ
ﻭﻣﺒﻴﻦ ﺍﻟﺤﺰﻥ ﻋﻠﺊ ﻭﺟﻮﻫﻦ ﺑﺴﺒﺐ ﺣﺎﻟﺘﻲ
ﺟﺮﺗﻨﻲ ﺍﻡ ﺣﺴﻴﻦ ﺑﺎﺳﺘﻨﻲ ﻭﻣﺴﺤﺖ ﻋﻠﺊ ﺭﺍﺳﻲ
ﻭﻧﺴﺮﻳﻦ ﺍﺩﮒ ﻋﻠﺊ ﻣﺘﻨﻲ ﺗﻮﺍﺳﻴﻨﻲ ﻭﺍﺗﮕﻠﻲ ﺍﺣﻨﻪ ﺍﻫﻠﺞ ﻭﺍﻟﻠﻪ
ﻋﻔﺘﻬﻢ ﻭﺭﺣﺖ ﻟﻠﻐﺮﻓﻪ ﺍﺣﺴﻬﺎ ﺻﺎﺭﺕ ﺑﻴﺖ ﺍﺣﺰﺍﻧﻲ
ﻭﻫﻤﻪ ﻫﻢ ﻣﺤﺪ ﺍﺟﻪ ﻳﻤﻲ ﻋﺎﻓﻮﻧﻲ ﺑﺮﺍﺣﺘﻲ
ﻟﻠﻴﻞ ﻣﺎﺑﻴﻪ ﺣﻴﻞ ﺣﺘﺊ ﺍﮔﻮﻡ ﺍﺻﻠﻲ ﺿﻠﻴﺖ ﺑﻔﺮﺍﺷﻲ
ﺻﺎﺭ ﻭﻗﺖ ﺍﻟﻌﺸﻪ ﺩﺧﻠﺖ ﻧﺴﺮﻳﻦ ﺑﻴﺪﻫﺎ ﺻﻴﻨﻴﻪ ﺑﻴﻬﺎ ﺍﻛﻞ
ﻧﺴﺮﻳﻦ،،ﻛﺎﻓﻲ ﺑﻨﻴﺘﻲ ﺷﻮﻓﻲ ﻋﻴﻮﻧﺞ ﺍﺷﻠﻮﻥ ﺻﺎﺭﻥ ﻣﻦ ﺍﻟﺒﺠﻲﻛﻠﻨﻪ ﻧﺪﺭﻱ ﺍﻧﻮ ﻫﺎﻱ ﻧﻬﺎﻳﻪ ﺍﺧﻮﺝ ﻻﻥ ﻻﺯﻡ ﻳﺎﺧﺬ ﻧﺼﻴﺒﻪ ﺑﻌﺪ ﻣﺎﺩﻣﺮ ﻋﺎﺋﻠﺘﻪ ﻭﺩﻣﺮ ﻧﻔﺴﻪ ﺑﻴﺪﺓ
ﺻﻴﺮﻱ ﺳﺒﺎﻋﻴﻪ ﻳﺮﻭﺣﻲ ﺗﺮﺓ ﻳﺸﻬﺪ ﺍﻟﻠﻪ ﺍﺣﻨﻪ ﻣﻌﺘﺒﺮﻳﺞ ﺣﺎﻟﺞ ﺣﺎﻝ ﻛﻮﺛﺮ ﻭﺍﻡ ﺣﺴﻴﻦ ﺣﺎﺳﺒﺘﺞ ﺣﺴﺒﺖ ﺑﻨﺎﺗﻬﺎ
ﻭﺍﻟﻠﻪ ﻟﻮﺍﻋﺮﻑ ﻛﻼﻡ ﻳﻮﺍﺳﻴﺞ ﺟﺎﻥ ﻣﺎﻗﺼﺮﺕ
ﺑﺲ ﺫﻭﻟﻪ ﺍﻫﻠﺞ ﻭﻫﺬﺍ ﺍﺧﻮﺝ ﻭﻣﺎﺍﻋﺮﻑ ﺑﻌﺪ ﺷﮕﻠﺞ
ﻟﺠﻴﻦ،،ﺻﺪﮒ ﺻﻌﺒﻪ ﻟﻮﻏﺮﻳﺐ ﺍﻟﻜﺎﺗﻠﻬﻢ ﻳﻤﻜﻦ ﻫﺴﻪ ﺍﻧﻲ ﺑﻘﻤﻪ ﺳﻌﺎﺩﺗﻲ ﻣﻦ ﺍﻟﻤﺠﺮﻡ ﻳﺎﺧﺬ ﺟﺰﺍﺋﻪ ﻭﻳﻨﻌﺪﻡ
ﺑﺲ ﻣﺜﻞ ﻣﺎﮔﺎﻟﺖ ﻧﺴﺮﻳﻦ ﺫﻭﻟﻪ ﺍﻫﻠﻲ ﺍﻟﻤﺎﺗﻮ ﻭﻫﺬﺍ ﺍﺧﻮﻱ ﺍﻟﻜﺘﻠﻬﻢ
ﻟﻠﺼﺒﺢ ﻣﺎﻧﻤﺖ ﺍﺗﮕﻠﺐ ﻣﺜﻞ ﺍﻟﺴﻤﭽﻪ ﺍﻟﻤﺘﺰﻭﻫﺮﺓ ﺭﺍﺳﻲ ﺍﺣﺴﻪ ﺍﻧﻔﺦ ﻭﻣﻌﺪﺗﻲ ﺍﺷﺘﻌﻠﺖ ﻧﺎﺭ ﺭﻛﻀﺖ ﺍﺗﻘﻴﻴﺖ ﻭﺑﻌﺪﻧﻲ ﻣﺎﻣﺮﺗﺎﺣﻪ
ﺑﺎﺟﺮ ﺧﻤﻴﺲ ﺣﺘﺊ ﻟﻠﻤﺪﺭﺳﻪ ﻣﺎﺍﺭﻭﺡ
ﺻﺒﺢ ﺍﻟﺼﺒﺢ ﻭﻛﻞ ﺳﺎﻋﻪ ﺗﻤﺮ ﺍﺣﺲ ﺭﻭﺣﻲ ﺗﻄﻠﻊ
ﻭﺍﺑﺪﺍﺧﻠﻲ ﺍﮔﻮﻝ ﺍﺷﻠﻮﻥ ﺑﺤﺎﻝ ﻛﺮﺍﺭ ﻫﺴﻪ ﻭﺑﻴﻨﻪ ﻭﺑﻴﻦ ﺍﻟﻤﻮﺕ ﺷﻌﺮﺓ ﺻﻌﺐ ﻭﺍﺣﺪ ﻳﺮﻭﺡ ﻟﻠﻤﻮﺕ ﺑﺮﺟﻠﻲ..بيج قصص عراقيه حقيقيه من واقعنا.روعه الطائي
ﺿﻠﻴﺖ ﻛﺎﻋﺪﺓ ﺑﻔﺮﺍﺷﻲ ﻭﺍﻟﻮﺏ ﺣﺎﺿﻨﻪ ﺭﺟﻠﻴﻪ ﻭﺍﻫﺘﺰ ﻛﻠﻲ ﺍﺣﺲ ﺭﺍﺡ ﺍﺩﺧﻞ ﺑﻨﻬﻴﺎﺭ ﻋﺼﺒﻲ
ﻋﻤﺮﻱ 15 ﻭﻛﻞ ﻫﻠﻤﺼﺎﻳﺐ ﻣﺮﺕ ﻋﻠﺊ ﺭﺍﺳﻲ
ﭼﺎ ﻣﻦ ﺍﻛﺒﺮ ﺷﺸﻮﻑ ﻣﻦ ﺿﻴﻢ ﺍﻛﺜﺮ ﺑﻌﺪ
ﺍﻡ ﺣﺴﻴﻦ ﻣﻦ ﺍﻟﺼﺒﺢ ﺍﺟﺖ ﻳﻤﻲ ﻛﻌﺪﺕ ﺗﻬﺪﻱ ﺑﻴﻪ ﻭﺍﻧﻲ ﻓﺎﺻﻠﻪ ﻋﻨﻬﺎ
ﺳﺎﻋﻪ ﺍﮔﻮﻝ ﻋﺪﻣﻮ ﻫﺴﻪ ﻭﺳﺎﻋﻪ ﺍﮔﻮﻝ ﻻ
ﺻﺎﺭﺕ ﺳﺎﻋﻪ 9 ﺳﻤﻌﻨﻪ ﺑﺎﺏ ﺍﻟﻤﻄﺒﺦ ﺍﻧﻔﺘﺢ ﺭﺍﺣﺖ ﺍﻡ ﺣﺴﻴﻦ ﺗﺸﻮﻑ ﻣﻨﻮ
ﻛﻤﺖ ﺍﺭﻳﺪ ﺍﻃﻠﻊ ﺍﺣﺲ ﺍﻟﺒﻴﺖ ﺑﻜﺒﺮﺓ ﺧﺎﻧﮕﻨﻲ ﺍﺭﻳﺪ ﺍﻫﺞ
ﺩﻣﺎﻏﻲ ﺑﻌﺪ ﻣﻮ ﺣﻤﺎ ﻣﺼﻴﺒﻪ ﺻﺮﺕ ﺍﺣﻤﻞ ﺍﻛﺜﺮ ﻣﻦ ﻃﺎﻗﺘﻲ
ﻭﺻﻠﺖ ﺍﻟﺒﺎﺏ ﺍﻟﻤﻄﺒﺦ ﺷﻬﮕﺖ ﻣﻦ ﺍﻟﻜﻼﻡ ﺍﻟﺴﻤﻌﺘﻪ ﻭﺧﻠﻴﺖ ﺍﻳﺪﻱ ﻋﻠﺊ ﺣﻠﮕﻲ ﻭﺍﻫﺰ ﺑﺮﺍﺳﻲ ﺍﺣﺲ ﻋﻘﻠﻲ ﺷﺨﻂ
ﺳﻤﻌﺖ ﺍﻡ ﺣﺴﻴﻦ ﺳﺎﻟﺖ ﺍﺑﻨﻬﺎ ﻭﻫﻮ ﺟﺎﻭﺑﻬﺎ ﺍﻧﻮ ﺍﻟﺤﻜﻢ ﺍﺗﻨﻔﺬ ﺳﺎﻋﻪ 6 ﺍﻟﺼﺒﺢ
ﻭﮔﻌﺖ ﺑﻤﻜﺎﻧﻲ ﻭﻫﻨﺎ ﺑﻌﺪ ﻣﺎﮔﺪﺭﺕ ﺍﻛﺘﻢ ﺻﻮﺕ ﻋﺒﺮﺗﻲ ﺍﻛﺜﺮ ﺻﺮﺗﻲ ﺍﺑﺠﻲ ﺑﺪﻭﻥ ﻭﻋﻲ
ﺍﺟﺖ ﺍﻡ ﺣﺴﻴﻦ ﻭﻋﻠﻲ ﻳﺮﻛﻀﻮﻥ ﺧﻄﻴﻪ ﻛﻌﺪﺕ ﻳﻤﻲ ﺣﻀﻨﺘﻨﻲ ﻭﺗﺒﺠﻲ ﻭﻳﺎﻱ
ﮔﻤﺖ ﻭﮔﻔﺖ ﺍﺭﻳﺪ ﺍﻧﻬﺰﻡ ﻣﻦ ﻛﻠﺸﻲ ﻭﺍﻟﻠﻪ ﺍﺗﻤﻨﻴﺖ ﺍﻃﻠﻊ ﺍﺭﻛﺾ ﺑﺎﻟﺸﺎﺭﻉ
ﺍﻡ ﺣﺴﻴﻦ ﻻﺯﻣﺘﻨﻲ ﻭﺍﻧﻲ ﺍﺟﺮ ﺑﻴﺪﻱ ﺍﺭﻳﺪ ﺍﻃﻠﻊ ﻣﺎﺍﺷﻮﻑ ﺑﻌﻴﻮﻧﻲ ﺑﻌﺪ
ﺻﺮﺕ ﺍﺣﺠﻲ ﻭﺍﺑﺠﻲ ﻛﺘﻠﻬﺎ
ﺧﺎﺍﺍﻟﻪ ﺍﻟﻠﻪ ﻳﺨﻠﻠﻠﻴﺞ ﻋﻮﻭﻓﻴﻨﻲ ﻣﺎﺍﺍﻋﻨﺪﺩﻱ ﺍﻫﻠﻠﻞ ﺭﺍﺍﺍﺣﻮﻭ ﺍﺍﺍﻫﻠﻲ ﻛﻠﻠﻠﻬﻢ ﻻﺍﺍﻋﻨﺪﻱ ﺍﺍﺍﻡ ﻣﻦ ﺍﺗﻤﺮﺭﺽ ﺗﮕﻌﺪ ﻳﻴﻤﻲ ﻭﻻﻋﻨﺪﺩﻱ ﺍﺑﺐ ﻳﺴﺎﺍﻟﻨﻲ ﺷﻤﺤﺘﺘﺎﺟﻪ
ﻭﻻﻋﻨﺪﻳﻲ ﺍﺍﺍﺥ ﻳﻜﻜﻮﻥ ﺳﻨﺪ ﺍﺍﺍﻟﻲ
ﺻﻔﻔﻔﻴﺖ ﺍﺍﺍﻧﻲ ﻭﺍﻟﻤﺎﺍﺍﻛﻮﻭ ﺳﻮﻭﻭﻩ
ﻣﺎﺣﺴﻴﺖ ﻏﻴﺮ ﻋﻠﻲ ﺳﺤﺒﻨﻲ ﻛﻠﻲ ﻭﻟﻤﻨﻲ ﺍﻟﺤﻀﻨﻪ ﺑﻜﻞ ﻗﻮﺗﻪ
ﭼﻨﺖ ﻣﺤﺘﺎﺟﻪ ﺣﻀﻦ ﺍﺑﻮﻱ ﻣﺤﺘﺎﺟﻪ ﺍﻻﻣﺎﺍﻥ ﺍﻟﻔﻘﺪﺗﻪ ﻣﻦ ﺻﻐﺮﻱ
ﺩﻓﻨﺖ ﻭﺟﻬﻲ ﺑﺼﺪﺭﻱ ﻟﺤﺪ ﻣﺎﻋﻴﻮﻧﻲ ﻏﻮﺷﺖ
ﻭﺑﻌﺪ ﻣﺎﺍﺭﻛﺰ ﺑﺸﻲ ﻭﻛﻠﺸﻲ ﺻﺎﺭ ﺍﺳﻮﺩ
ﺍﺣﺲ ﻧﻔﺴﻲ ﻃﺤﺖ ﺑﺤﻔﺮﺓ ﺿﻠﻤﻪ ﻭﺍﻟﻀﻼﻡ ﺻﺎﺭ ﻳﺴﺤﺒﻨﻲ
ﻭﺑﻌﺪﻫﺎ ﻣﺎﺣﺴﻴﺖ ﻋﻠﺊ ﺷﻲ
ﻳﺘﺘﺘﺘﺒﻊ
#
ام جود 😍😘
