هلاو شلونكم
#بارت١٠
ﻟﺠﻴﻦ،،ﻓﺘﺤﺖ ﻋﻴﻮﻧﻲ ﺑﺜﮕﻞ ﻟﮕﻴﺘﻬﻢ ﻛﻠﻬﻢ ﺩﺍﻳﺮ ﻣﺪﺍﻳﺮﻱ ﻭﺍﻧﻲ ﻧﺎﻳﻤﻪ ﺑﻔﺮﺍﺷﻲ ﻭﺍﻡ ﺣﺴﻴﻦ ﻻﺯﻣﻪ ﺍﻳﺪﻱ ﻭﮔﺎﻋﺪﺓ ﻭﻧﺴﺮﻳﻦ ﻳﻤﻬﺎ ﻭﻋﻠﻲ ﻭﺍﮔﻒ ﺑﻌﻴﺪ ﻋﻨﻲ ﻣﻜﺘﻒ ﺍﺩﻱ
ﺍﻡ ﺣﺴﻴﻦ،،ﻫﺎ ﻳﻴﻤﻪ ﺍﺷﻠﻮﻥ ﺻﺮﺗﻲ ﻫﺴﻪ ﻭﺍﻟﻠﻪ ﻭﮔﻌﺘﻲ ﮔﻠﺒﻲ ﻋﻠﻴﺞ
ﻧﺴﺮﻳﻦ، ،ﺍﺷﻠﻮﻥ ﺻﺮﺗﻲ ﻟﺠﻮﻧﻪ ﺑﻌﺪﺝ ﺩﺍﻳﺨﻪ ??
ﻋﻠﻲ،،ﺍﻡ ﻛﻮﺛﺮ ﺳﻮﻳﻠﻬﺎ ﺷﻲ ﺗﺎﻛﻠﻪ ﺍﻧﻲ ﻃﺎﻟﻊ ﺍﺫﺍ ﺻﺎﺭ ﺷﻲ ﺍﺗﺼﻠﻮ ﺑﻴﻪ
ﻟﺠﻴﻦ،،ﺍﺣﺲ ﻧﻔﺴﻲ ﻓﺎﺻﻠﻪ ﻋﻨﻬﻢ ﻣﺎﺑﻴﻪ ﺍﺟﺎﻭﺑﻬﻢ
ﺩﺭﺕ ﻭﺟﻬﻲ ﻟﻠﺤﺎﻳﻂ ﻭﻏﻤﻀﺖ
ﻧﺴﺮﻳﻦ ﺟﺎﺑﺖ ﺭﻳﻮﮒ ﺷﮕﺪ ﺣﺎﻭﻟﺖ ﻧﺴﺮﻳﻦ ﻭﻳﺎﻱ ﺑﺲ ﻣﺎﺍﻛﻠﺖ ﺷﻲ
ﺑﻘﻴﺖ ﺍﺳﺒﻮﻉ ﻋﻠﺊ ﻫﺎﻱ ﺍﻟﺤﺎﻟﻪ ﺍﺫﺍ ﺍﻡ ﺣﺴﻴﻦ ﺗﺤﻠﻔﻨﻲ ﺑﺮﻭﺡ ﺍﻫﻠﻲ ﺍﻛﻞ ﻟﻜﻤﺘﻴﻦ ﻣﻮ ﺍﻛﺜﺮ
ﺟﺴﻤﻲ ﺿﻌﻒ ﻭﺟﻬﻲ ﺻﺎﺭ ﺷﺎﺣﺐ
ﻣﻦ ﺍﮔﻮﻡ ﻟﻠﺤﻤﺎﻡ ﺍﺩﻭﺥ ﻭﺍﺣﺲ ﺍﻟﮕﺎﻉ ﺗﻔﺘﺮ ﺑﻴﻪ ﺍﺭﻳﺪ ﺍﻭﮔﻊ
ﻧﺴﺮﻳﻦ ﮔﺎﻟﺖ ﺍﺭﺟﻌﻲ ﺍﻟﺪﻭﺍﻣﺞ ﺣﺘﺊ ﻧﻔﺴﻴﺘﺞ ﺗﺘﺤﺴﻦ
ﺑﺲ ﺑﻴﺎ ﺭﻭﺡ ﺍﺭﻭﺡ ﻟﻠﺪﻭﺍﻡ ﻭﺍﻧﻲ ﺍﺫﺍ ﻳﺠﻲ ﺍﻟﻠﻴﻞ ﺫﻛﺮﻳﺎﺕ ﺍﻫﻠﻲ ﻛﻠﻬﺎ ﺗﻬﺠﻢ ﻋﻠﻴﻪ ﻣﺮﺓ ﻭﺣﺪﺓ
ﻛﻨﺖ ﻣﺪﺩﺓ ﺑﻔﺮﺍﺷﻲ ﻭﻣﺴﺎﻓﺮﺓ ﻭﻳﻪ ﺫﻛﺮﻳﺎﺗﻲ ﺳﻤﻌﺖ ﺻﻮﺕ ﻋﻠﻲ ﺑﺎﻟﺒﺎﺏ ﻳﺤﺠﻲ ﺑﺼﻮﺕ ﻋﺎﻟﻲ ﻭﺍﻣﻪ ﺗﻬﺪﻱ ﺑﻲ
ﻣﺎﻛﻨﺖ ﻣﺮﻛﺰﺓ ﺑﺎﻟﺼﻮﺕ ﻓﺠﺄﺓ ﺍﻧﻔﺘﺢ ﺍﻟﺒﺎﺏ ﻭﺩﺧﻞ ﻋﻠﻲ ﺍﺗﻘﺪﻡ ﺑﺎﺍﺗﺠﺎﻫﻲ ﺑﺴﺮﻋﻪ
ﺳﺤﺒﻨﻲ ﻣﻦ ﺍﻳﺪﻱ ﻭﮔﺎﻝ
ﻋﻠﻲ،،ﺷﻮﻭ ﮔﻮﻭﻭﻣﻲ ﻟﺸﻮﻭﻭﻑ
ﻟﺠﻴﻦ،،ﺍﺳﺘﻐﺮﺑﺖ ﺗﺼﺮﻓﻪ ﺭﺩﺕ ﺍﻭﮔﻒ ﺩﺧﺖ ﻭﺭﺟﻌﺖ ﮔﻌﺪﺕ ﮔﺘﻠﻪ ﻋﻤﻮ ﻭﺍﻟﻠﻪ ﺩﺍﻳﺨﺨﻪ
ﻋﻠﻲ،،ﻟﺠﻴﻴﻦ ﻟﺸﻮﻭﻛﺖ ﺗﺒﻘﻴﻴﻦ ﻫﺬﺍﺍ ﺣﺎﻟﺞ ﻋﺎﺍﺯﻟﻪ ﻧﻔﺴﺞ ﻭﻣﻨﻄﻮﻭﻭﻳﻪ ﻭﺣﺪﺝ ﻭﻣﺘﻘﻮﻗﻌﻪ ﻋﻠﺊ ﻧﻔﺴﺞ ﺑﺎﻟﺤﺰﻥ ﻫﺎﺍﺍﺍﺍ
ﻋﺒﺎﺍﺍﺍﻟﺞ ﺑﺴﺲ ﺍﻧﺘﻲ ﺍﻫﻠﺞ ﺭﺍﺍﺍﺣﻮ ??
ﺍﺍﺍﻧﻲ ﻋﻤﺮﺭﻱ ﺳﻨﺘﻴﻦ ﻭﺧﺴﺮﺕ ﺍﺑﻮﻱ ﻭﻟﻬﺬﺍﺍ ﻳﻮﻣﻤﻲ ﺍﺗﺤﺼﺮ ﻋﻠﺊ ﺭﻳﺤﺘﻪ ﻭﺍﻧﻲ ﺯﺯﺯﻟﻤﻪ ﻣﺸﻮﺭﺏ
ﻭﻟﻠﺞ ﻟﻮﻭ ﺗﮕﻌﺪﻳﻴﻦ ﻳﻮﻭﻡ ﻭﺍﺣﺪ ﻳﻤﻴﻲ ﺑﺎﻟﻤﻜﺘﺐ ﻭﺗﺸﻮﻓﻴﻴﻦ ﺍﻟﻤﺼﺎﻳﻴﺐ ﻣﺎﻝ ﺍﻟﻌﺎﻟﻢ ﺍﻧﻲ ﻣﺘﺎﻛﺪ ﺭﺍﺍﺡ ﺗﻬﻮﻥ ﻋﻠﻴﺞ ﻣﺼﻴﺒﺘﺞﺗﺪﺭﻳﻦ ﻗﺒﻞ ﭼﻢ ﻳﻮﻡ ﺍﺑﻦ ﻗﺘﻞ ﺍﻫﻠﻪ ﻭﻋﻤﺎﻣﻪ ﻋﺎﻳﺸﻴﻦ ﻭﻳﺎﻫﻢ
30 ﻧﻔﺮ ﺳﻜﺘﻬﻢ ﺑﻠﺤﻀﻪ ﻭﺣﺪﺓ
ﻭﺑﻌﺪ ﻭﺑﻌﺪ ﻭﻫﻮﻭﻭﺍﻱ ﻏﻴﺮﻫﻢ ﻣﺼﺎﻳﺐ ﻣﺎﻳﺸﻴﻠﻬﺎ ﺍﻟﻌﻘﻞ
ﻭﻟﺞ ﺑﺎﺑﺎ ﻛﺎﻓﻲ ﺍﺻﺤﻲ ﻋﺎﺩ ﻣﻮﻭ ﺷﻠﻴﺘﻲ ﺣﺎﺍﺍﻟﻲ
ﻟﺠﻴﻦ،،ﺟﺎﻥ ﻳﺤﺠﻲ ﺑﺤﺮﮔﻪ ﻭﺍﻣﻪ ﻭﺍﻛﻔﻪ ﺑﺎﻟﺒﺎﺏ ﺗﺒﺠﻲ ﻭﺗﻤﺴﺢ ﺩﻣﻮﻋﻬﺎ ﺑﺸﻴﻠﺘﻬﺎ
ﻛﻞ ﻣﺎﺍﺣﺎﻭﻝ ﺍﻭﮔﻒ ﻳﺨﺘﻞ ﺗﻮﺍﺯﻧﻲ ﻭﺍﺭﺟﻊ ﺍﻛﻌﺪ
ﻋﻠﻲ، ،ﺣﺠﻴﻪ ﺟﻬﺰﻳﻬﺎ ﺍﺧﺬﻫﺎ ﺍﻟﺪﻛﺘﻮﺭ ﺍﺧﺘﺎﺹ
ﻣﺒﻴﻦ ﻋﺪﻫﺎ ﻓﻘﺮ ﺩﻡ ﻻﻥ ﻣﺎﺗﺎﻛﻞ
ﻟﺠﻴﻦ، ﺍﺟﺖ ﺍﻡ ﺣﺴﻴﻦ ﻭﻧﺴﺮﻳﻦ ﮔﺎﺩﻧﻲ ﻟﻠﺤﻤﺎﻡ ﻭﻧﺴﺮﻳﻦ ﺳﺒﺤﺘﻨﻲ ﺍﺳﺘﺤﻴﺖ ﻣﻨﻬﺎ ﺑﺲ ﻣﺎﻟﻲ ﺭﻭﺡ ﺍﻋﺎﺭﺽ ﻫﻮ ﺍﻧﻲ ﮔﻮﺓ ﺣﺎﻣﻠﻪ ﻧﻔﺴﻲ
ﻛﻤﻠﺖ ﻭﻃﻠﻌﺘﻨﻲ ﻛﻌﺪﺗﻨﻲ ﻉ ﺍﻟﺴﺮﻳﺮ ﻭﻣﺸﻄﺖ ﺷﻌﺮﻱ ﺳﻮﺗﻪ ﺿﻔﻴﺮﺓ..بيج قصص عراقيه حقيقيه من واقعنا.روعه الطائي
ﻟﺒﺴﺘﻨﻲ ﻋﺎﺑﺎﻳﻪ ﺍﺳﻼﻣﻴﻪ ﻭﺣﺠﺎﺏ ﻭﺻﺎﺣﺖ ﻝ ﺍﻡ ﺣﺴﻴﻦ ﺗﻨﻄﻲ ﺧﺒﺮ ﺍﻝ ﻋﻠﻲ ﺍﺗﮕﻠﻪ ﺍﺣﻨﻪ ﺟﺎﻫﺰﻳﻦ
ﺍﺧﺬﻧﻲ ﻫﻮ ﻭﺍﻣﻪ ﺍﻟﺪﻛﺘﻮﺭ ﺍﻭﻝ ﻣﺎﺷﺎﻓﻨﻲ ﮔﺎﻝ ﻣﺒﻴﻦ ﻓﻘﺮ ﺩﻡ ﻭﻻﺯﻡ ﺗﺴﻮﻱ ﺗﺤﺎﻟﻴﻞ ﻛﺎﻣﻠﻪ
ﺍﻣﺸﻲ ﻭﺳﺎﻧﺪﺓ ﺭﺍﺳﻲ ﻋﻠﺊ ﺧﺎﻟﻪ ﺍﻡ ﺣﺴﻴﻦ ﻭﻋﻠﻲ ﻳﻤﺸﻲ ﻛﺪﺍﻣﻨﻪ ﻛﻞ ﺷﻮﻳﻪ ﻳﻠﺘﻔﺖ ﻋﻠﻴﻨﻪ
ﻛﻤﻠﻨﻪ ﺗﺤﻠﻴﻞ ﻭﺳﺤﺒﻮ ﻣﻨﻲ ﺩﻡ ﺑﻌﺪ ﻧﺺ ﺳﺎﻋﻪ ﻃﻠﻌﺖ
ﻭﻓﻌﻼ ﻛﺎﻥ ﻓﻘﺮ ﺩﻡ ﺣﺎﺩ
ﺍﻧﻄﺎﻧﻲ ﺍﺑﺮ ﺷﺮﺍﺏ ﻭﻧﺼﺤﻨﻲ ﺍﻛﻞ ﺍﻛﻼﺕ ﺗﺰﻭﺩ ﺍﻟﺪﻡ ﻣﺜﻞ ﻛﺮﻓﺲ ﻭﺯﺑﻴﺐ ﻭﺭﻣﺎﻥ ﻭﻛﺒﺪﺓ
ﻃﻠﻌﻨﻪ ﻣﻦ ﺍﻟﺪﻛﺘﻮﺭ ﻭﺻﻠﻨﻪ ﻳﻢ ﺍﻟﺴﻮﻙ ﻧﺰﻝ ﻋﻠﻲ ﻣﺎﺍﻋﺮﻑ ﻭﻳﻦ ﺩﻗﺎﻳﻖ ﻭﺭﺟﻊ ﺑﻴﺪﺓ ﻋﻼﻛﻪ
ﻭﺻﻠﻨﻪ ﻟﻠﺒﻴﺖ ﺍﻧﻄﻪ ﺍﻟﻌﻼﮔﻪ ﺍﻟﻨﺴﺮﻳﻦ ﻭﮔﺎﻟﻬﺎ ﻫﺎﻱ ﻛﺒﺪﺓ ﺍﺷﻮﻳﻬﺎ ﺍﻟﻬﺎ ﻭﺍﺗﺠﺒﺮﻳﻬﺎ ﺗﺎﻛﻠﻬﺎ
ﻭﻓﻌﻼ ﺷﻮﺗﻬﺎ ﻧﺴﺮﻳﻦ ﻭﺟﺎﺑﺘﻬﺎ ﺍﻧﻲ ﺗﻠﻌﺐ ﻧﻔﺴﻲ ﻣﻦ ﺍﻻﻛﺒﺎﺩ ﺍﻭﻝ ﻣﺎﺷﻔﺘﻬﺎ ﺩﺭﺕ ﻭﺟﻬﻲ
ﻧﺴﺮﻳﻦ،،ﺍﺍﻧﺘﻲ ﻣﻮﻣﺎﻝ ﻋﻴﻨﻲ ﻭﺍﻏﺎﺗﻲ
ﺧﻞ ﺍﺭﻭﺡ ﺍﺻﻴﺢ ﻋﻠﻲ ﻳﺪﻣﻐﺞ ﻳﻠﻠﻪ ﺗﺎﻛﻠﻴﻦ
ﻟﺠﻴﻦ، ﺍﺑﺘﺴﻤﺖ ﻭﺑﺎﻭﻋﺘﻠﻬﺎ ﺻﻔﺢ ﺻﺎﺭﺕ ﺗﺴﻮﻳﻠﻲ ﻟﮕﻢ ﺻﻐﺎﺭ ﻭﺗﻨﻄﻴﻨﻲ ﻭﺍﻧﻲ ﮔﻮﺓ ﺍﺑﻠﻊ ﺍﻟﻠﮕﻤﻪ ﻭﺍﺷﺮﺏ ﻭﺭﺍﻫﺎ ﮔﻼﺹ ﻋﺼﻴﺮ ﻛﺎﻣﻞ ﺣﺘﺊ ﻳﺮﻭﺡ ﻃﻌﻤﻬﺎ
ﺑﻌﺪ ﻳﻮﻣﻴﻦ ﺣﺴﻴﺖ ﻧﻔﺴﻲ ﺻﺮﺕ ﺍﺣﺴﻦ ﻭﻧﺴﺮﻳﻦ ﮔﺎﻟﺖ ﺣﺮﺍﻣﺎﺕ ﺻﺎﺭﻟﺞ 10 ﺍﻳﺎﻡ ﻣﺎﻣﺪﺍﻭﻣﻪ ﺭﺍﺣﺖ . ﻋﻠﻴﺞ ﻫﻮﺍﻱ ﺩﺭﻭﺱ ﺑﺲ ﻣﻴﺨﺎﻟﻒ ﺍﻧﻲ ﺍﺷﺮﺣﻬﻦ ﺍﻟﺞ
ﺑﺲ ﺑﺎﺟﺮ ﻻﺯﻡ ﺍﺩﺍﻭﻣﻴﻦ ﻻ ﺍﻧﻮﺏ ﻳﻔﺼﻠﻮﺝ
ﺛﺎﻧﻲ ﻳﻮﻡ ﺟﻬﺰﺕ ﻧﻔﺴﻲ ﻭﻟﺒﺴﺖ ﺯﻱ ﺍﻟﻤﺪﺭﺳﻪ ﺍﺟﺖ ﻋﻤﺘﻲ ﮔﺎﻟﺖ ﻋﻠﻲ ﺣﻴﺎﺧﺬﺝ ﻟﻠﻤﺪﺭﺳﻪ ﺣﺘﺊ ﺑﺎﺟﺮ ﻳﺮﺟﻊ ﺍﻟﺨﻂ ﻳﺎﺧﺬﺝ
ﻛﻤﻠﺖ ﻭﻃﻠﻌﺖ ﻟﻜﻴﺘﻪ ﻛﺎﻋﺪ ﺑﺎﻟﺴﻴﺎﺭﺓ ﻻﺑﺲ ﺍﻟﺰﻱ ﺍﻟﻌﺴﻜﺮﻱ ﻭﺍﻟﻨﻀﺎﺭﺍﺕ ﻋﻠﺊ ﻋﻴﻮﻧﻪ
ﺻﻌﺪﺕ ﻳﻤﻪ ﻭﺳﺪﻳﺖ ﺍﻟﺒﺎﺏ ﺑﺪﻭﻥ ﻛﻼﻡ
ﻋﻠﻲ،،ﻳﺎﺍﻫﻼ ﺑﺴﺖ ﻟﺠﻴﻦ
ﻟﺠﻴﻦ،،ﺣﺠﺎﻫﺎ ﺑﺎﻭﻋﻠﻲ ﻭﺭﺟﻊ ﻳﺒﺎﻭﻉ ﺍﻟﻄﺮﻳﻘﻪ ﺍﻧﻲ ﻫﻢ ﻣﺎﺣﺠﻴﺖ ﺿﻠﻴﺖ ﺳﺎﻛﺘﻪ
ﻋﻠﻲ،،ﺍﺗﺮﻳﮕﺘﻲ ?
ﻟﺠﻴﻦ،،ﻫﺰﻳﺖ ﺭﺍﺳﻲ ﺑﺎﻟﻨﻔﻲ ﻃﻠﻌﺖ ﻣﺴﺘﻌﺠﻠﻪ
ﻋﻠﻲ،،ﺷﻔﺘﻪ ﺭﻛﻦ ﺍﻟﺴﻴﺎﺭﺓ ﻳﻢ ﺳﻮﺑﺮ ﻣﺎﺭﻛﺖ ﺷﻮﻳﻪ ﻭﺭﺟﻊ ﻓﺘﺢ ﺍﻟﺒﺎﺏ ﻭﺣﻂ ﺍﻟﻌﻼﻛﻪ ﺑﺤﻀﻨﻲ
ﻛﺎﻥ ﺟﺎﻳﺐ ﻧﺴﺎﺗﻞ ﻭﻋﺼﺎﻳﺮ
ﮔﺘﻠﻪ ﻋﻤﻮ ﻫﻮﺍﻱ ﺫﻧﻲ ﺷﺴﻮﻱ ﺑﻴﻬﻦ ?
ﻋﻠﻲ،،ﻣﺸﻜﻠﺘﺞ ﻫﺎﻱ ﺍﻟﻌﻼﮔﻪ ﻛﻠﻬﺎ ﺗﺎﻛﻠﻴﻬﺎ ﺣﺘﺊ ﻣﺮﺓ ﺛﺎﻧﻴﻪ ﻣﺘﻄﻠﻌﻴﻦ ﺑﺪﻭﻥ ﺭﻳﻮﮒ
ﻭﺻﻠﻨﻪ ﻟﻠﻤﺪﺭﺳﻪ ﻧﺰﻟﺖ ﻭﻫﻮ ﺭﺍﺡ ﺑﻌﺪ ﻣﺎﺍﺗﺎﻛﺪ ﻣﻦ ﺩﺧﻮﻟﻲ ﺍﻟﻤﺪﺭﺳﺘﻲ
ﺷﺎﻓﺘﻨﻲ ﻭﺩﻕ ﺍﺟﺖ ﺗﺮﻛﺾ ﺣﻀﻨﺘﻨﻲ
ﻭﺩﻕ،،ﻟﺠﻮﻭﻭﻧﻪ ﻣﺸﺘﺎﻗﺘﻠﺞ ﻭﺍﻟﻠﻪ ﺍﻟﺤﻤﺪﺍﻟﻠﻪ ﻋﻠﺊ ﺳﻼﻣﺘﺞ ﻳﺎﻋﻤﺮﻱ ﻭﺍﻟﻠﻪ ﺑﺎﻟﻲ ﻳﻤﺞ ﻭﺣﺘﺊ ﻣﺎﻋﻨﺪﺝ ﻣﻮﺑﺎﻳﻞ ﺣﺘﺊ ﺍﻃﻤﻦ ﻋﻠﻴﺞﻟﺠﻴﻦ،،ﻛﺘﻠﻬﺎ ﺍﻧﻲ ﺯﻳﻨﻪ ﻫﻠﻜﺪﺍﻣﺞ ﻛﻠﺸﻲ ﻣﺎﺑﻴﻪ
ﺩﺧﻠﻨﻪ ﻟﻠﺸﻌﺒﻪ ﻭﺍﻟﺒﻨﺎﺕ ﺳﻠﻤﻦ ﻋﻠﻴﻪ ﺑﺪﺕ ﻭﺩﻕ ﺗﻨﻄﻴﻨﻲ ﺍﻟﺪﺭﻭﺱ ﺍﻟﻔﺎﺗﺖ ﺣﺘﺊ ﺑﺎﺟﻲ ﻧﺴﺮﻳﻦ ﻣﻦ ﺍﺭﺟﻊ ﺗﺸﺮﺣﻬﻦ ﺍﻟﻲ
ﺩﺧﻠﺖ ﻣﺪﺭﺳﻪ ﺍﻟﻤﺎﺩﺓ ﻭﺍﺟﺖ ﻳﻤﻲ ﻛﺎﻟﺖ ﺍﻟﺤﻤﺪﺍﻟﻠﻪ ﻋﻠﺊ ﺳﻼﻣﺘﺞ ﻣﺎﻣﺎ ﺍﺷﻠﻮﻥ ﺻﺮﺗﻲ
ﺟﺎﻭﺑﺘﻬﺎ ﺯﻳﻨﻪ ﮔﺎﻟﺖ ﺍﺟﻪ ﺳﻴﺎﺩﺓ ﺍﻟﻨﻘﻴﺐ ﻭﻃﻠﺒﻠﺞ ﺍﺟﺎﺯﺓ ﺑﺴﺒﺐ ﻣﺮﺽ ﺍﻟﺘﻴﻔﻮ ﻣﻌﺎﻓﺎﻳﻪ ﺍﻧﺸﺎﺀﺍﻟﻠﻪ
ﺍﺗﻔﺎﺟﺌﺖ ﻳﻌﻨﻲ ﻋﻠﻲ ﮔﺎﻳﻠﻠﻬﻢ ﺑﻴﻪ ﺗﻴﻔﻮ ﻭﻫﻮ ﺍﻟﺠﺎﻱ ﻃﺎﻟﺒﻠﻲ ﺍﺟﺎﺯﺓ
ﺍﻧﺘﻬﺎ ﺍﻟﺪﻭﺍﻡ ﻭﻃﻠﻌﻨﻪ ﻧﻨﺘﻀﺮ ﺑﺮﺓ
ﻃﺒﮕﺖ ﺳﻴﺎﺭﺓ ﻳﻤﻨﻪ ﻧﺰﻝ ﻣﻨﻬﺎ ﺷﺎﺏ ﻳﺠﻲ ﻋﻤﺮﺓ 20 ﺳﻨﻪ ﻃﻮﻳﻞ ﻭﺍﺳﻤﺮﺍﻧﻲ ﻣﺮﺓ ﻭﺣﺪﺓ ﺷﻔﺘﻪ ﻗﺒﻞ ﺑﺲ ﻣﺎﻛﻨﺖ ﻣﻨﺘﺒﻬﺎ
ﻭﺩﻕ ﻣﻦ ﺷﺎﻓﺘﻪ ﮔﺎﻟﺖ ﺍﺟﻪ ﺍﺧﻮﻱ ﺣﻤﺰﺓ
ﺍﻟﻮﻟﺪ ﺍﺟﻪ ﻳﺘﻘﺪﻡ ﺏ ﺍﺗﺠﺎﻫﻨﺎ
ﺣﻤﺰﺓ . ﺍﻟﺴﻼﻡ ﻋﻠﻴﻜﻢ
ﻟﺠﻴﻦ،،ﺭﺩﻳﺖ ﺍﻟﺴﻼﻡ ﺑﺪﻭﻥ ﻣﺎﺍﺑﺎﻭﻉ ﻋﻠﻲ
ﻭﺩﻕ،،ﺣﻤﺰﺍﻭﻱ ﻫﺎﻱ ﺻﺪﻳﻘﺘﻲ ﻟﺠﻮﻧﻪ ﺍﻟﺤﺠﻴﺘﻠﻜﻢ ﻋﻨﻬﺎ
ﻟﺠﻴﻦ،،ﮔﺎﻝ ﺍﻫﻼ ﻭﺳﻬﻼ ﺑﻴﻬﺎ ﻭﻃﻠﺐ ﻣﻦ ﺍﺧﺘﻪ ﺗﺼﻌﺪ ﺑﺎﻟﺴﻴﺎﺭﺓ ﻭﻛﺎﻟﻬﺎ ﺷﻮﻓﻲ ﺻﺪﻳﻘﺘﺞ ﺍﺫﺍ ﺗﺮﻭﺡ ﺣﺘﺊ ﺍﻭﺻﻠﻬﺎ ﺑﻄﺮﻳﻘﻲ
ﺑﺲ ﺍﻧﻲ ﺷﺎﻭﺭﺗﻬﺎ ﻛﺘﻠﻬﺎ ﻣﺸﻜﻮﺭﻳﻦ ﻫﺴﻪ ﻳﺠﻲ ﺍﻟﺨﻂ
ﻋﺎﻓﺘﻨﻲ ﻭﺭﺍﺣﺖ ﺻﻌﺪﺕ ﻭﻳﻪ ﺍﺧﻮﻫﺎ ﻭﺍﻧﻲ ﺷﻮﻳﻪ ﻭﺍﺟﺎﻧﻲ ﺍﺑﻮ ﺍﻟﺨﻂ ﺭﺟﻌﻨﻲ ﻟﻠﺒﻴﺖ
ﺩﺧﻠﺖ ﻟﻠﻤﻄﺒﺦ ﺷﻔﺖ ﺍﻡ ﺣﺴﻴﻦ ﻣﺴﻮﻳﻪ ﺟﺪﺭ ﺩﻭﻟﻤﻪ ﺟﺒﻴﺮ ﺟﺎﻱ ﺗﻠﻒ ﺑﻲ
ﺳﻠﻤﺖ ﻋﻠﻴﻬﺎ ﻭﺳﺎﻟﺘﻬﺎ ﺍﻛﻮ ﺧﻄﺎﺭ ﻣﺒﻴﻦ ﻋﺪﻧﻪ ﻻﻥ ﻣﺴﻮﻳﻪ ﻫﻮﺍﻱ
ﺍﻡ ﺣﺴﻴﻦ،،ﺍﻱ ﻭﺍﻟﻠﻪ ﻳﻴﻤﻪ ﺍﻟﻴﻮﻡ ﺑﻨﻴﺎﺗﻲ ﺍﺛﻨﻴﻨﻬﻦ ﻳﺠﻦ
ﺻﺎﺭﻟﻬﻦ 5 ﺍﺷﻬﺮ ﻣﺎﺟﺎﻳﺎﺕ ﻻﻥ ﺩﺭﺑﻬﻦ ﺑﻌﻴﺪ ﻭﺍﻃﻔﺎﻟﻬﻦ ﺍﻟﺒﻠﺮﻭﺿﻪ ﻭﺍﻟﻲ ﺑﺎﻟﻤﺪﺭﺳﻪ ﻣﺎﻳﮕﺪﺭﻥ ﻳﺠﻦ
ﻭﻣﻦ ﻳﺠﻦ ﻳﻀﻠﻦ ﻳﻮﻣﻴﻦ ﻭﻳﺮﺩﻥ ﻟﺒﻴﻮﺗﻬﻦ
ﺭﺣﺖ ﻟﻠﻐﺮﻓﻪ ﻧﺰﻋﺖ ﻣﻼﺑﺴﻲ ﻭﻟﺒﺴﺖ ﺍﺗﺮﺍﻙ ﻭﻣﺸﻄﺖ ﺷﻌﺮﻱ ﻭﺭﺟﻌﺖ ﺿﻔﺮﺗﻪ
ﻃﻠﻌﺖ ﻳﻤﻬﺎ ﺑﺪﻳﺖ ﺍﺳﺎﻋﺪﻫﺎ ﺷﺘﻄﻠﺐ ﻣﻨﻲ ﺍﺟﻴﺒﻪ ﺍﻫﻠﻬﺎ
ﻣﺮﺓ ﺟﺒﻴﺮﺓ ﻣﺎﺗﮕﺪﺭ ﻛﻞ ﺷﻮﻳﻪ ﺍﺗﮕﻮﻡ
ﺩﺧﻠﺖ ﻧﺴﺮﻳﻦ ﻭﺍﻃﻔﺎﻟﻬﺎ
ﻧﺴﺮﻳﻦ . ﻳﻤﻤﻤﻤﻪ ﻓﺪﻳﺖ ﺍﻟﺒﻨﺎﺕ ﺍﻟﻨﺎﺩﺭﺍﺕ ﺍﻟﻴﻮﻡ ﻟﺠﻮﻧﻪ ﻭﺍﻛﻔﻪ ﺑﺎﻟﻤﻄﺒﺦ
ﻟﺠﻴﻦ،،ﺍﺑﺘﺴﻤﺖ ﺍﻟﻬﺎ ﮔﺘﻠﻬﺎ ﺑﺎﺟﻲ ﺗﺮﺓ ﻭﺭﺍﺝ ﻫﻮﺍﻱ ﺷﺮﺡ ﻟﺘﻔﺮﺣﻴﻦ
ﻧﺴﺮﻳﻦ،ﻫﻬﻬﻬﻬﻬﻬﻪ ﺩﺧﻞ ﺍﺭﺗﺎﺡ ﺑﻌﺪﻧﻲ ﻣﺎﺩﺧﻠﺖ ﺍﺗﻠﮕﻴﺘﻴﻨﻲ ﺧﻞ ﺷﻮﻳﻪ ﺭﺍﺳﻲ ﻳﺒﺮﺩ ﻣﻦ ﺩﻭﺧﺖ ﺻﻒ ﺍﻭﻝ ﺍﺑﺘﺪﺍﺋﻲ
ﺷﻨﻮ ﺑﻌﺪﻫﻢ ﺍﻟﺒﻨﺎﺕ ﻣﺎﻭﺻﻠﻮ ??
ﺍﻡ ﺣﺴﻴﻦ،،ﺍﺗﺼﻠﺖ ﺑﻴﻬﻦ ﻭﻛﺎﻟﻦ ﻣﺎﺿﻞ ﺷﻲ ﻭﻧﻮﺻﻞ
ﻳﻠﻪ ﻳﻤﻪ ﺑﺪﻟﻲ ﻭﺗﻌﺎﻱ ﺳﺎﻋﺪﻳﻨﻲ ﺗﺮﺓ ﺯﻟﻤﻬﻦ ﻭﻳﺎﻫﻦ ﻳﺘﻐﺪﻭﻥ ﻭﻳﺮﺟﻌﻮﻥ
ﻟﺠﻴﻦ، ﻭﺭﺓ ﺭﺑﻊ ﺳﺎﻋﻪ ﺳﻤﻌﻨﻪ ﻫﻮﺭﻥ ﺭﺍﺡ ﻣﺤﻤﺪ ﻳﺮﻛﺾ ﻓﺘﺢ ﺍﻟﺒﺎﺏ
ﻛﻨﺖ ﻭﺍﮔﻔﻪ ﺑﺎﻟﻤﻄﺒﺦ ﺍﺑﺎﻭﻉ ﻣﻦ ﺍﻟﺠﺎﻣﻪ
ﺩﺧﻠﻦ ﺍﺛﻨﻴﻦ ﻧﺴﻮﺍﻥ ﻭﻳﺎﻫﻦ ﺍﻃﻔﺎﻝ ﻭﺯﻟﻢ ﺍﺛﻨﻴﻦ ﺩﺧﻠﻮ ﻟﻼﺳﺘﻘﺒﺎﻝ
ﻭﻫﻨﻪ ﺍﺟﻦ ﺩﺧﻠﻦ ﻣﻦ ﺑﺎﺏ ﺍﻟﻤﻄﺒﺦ
ﺍﻡ ﺣﺴﻴﻦ ﮔﺎﻣﺖ ﺣﻀﻨﺘﻬﻦ ﻭﻫﻨﻪ ﻫﻢ ﺣﺎﺿﻨﺎﺗﻬﺎ ﻭﻳﺒﻮﺳﻦ ﺑﺮﺍﺳﻬﺎﺍﻧﻮﺏ ﺳﻠﻤﻦ ﻋﻠﺊ ﻧﺴﺮﻳﻦ ﻭﺍﻡ ﺣﺴﻴﻦ ﻧﺰﻟﺖ ﺍﺗﺒﻮﺱ ﺍﻟﺠﻬﺎﻝ
ﻛﺎﻧﻦ ﻃﻮﺍﻝ ﻭﺧﺸﻨﺎﺕ ﻣﻮ ﻧﺎﻋﻤﺎﺕ ﺑﺲ ﻭﺣﺪﺓ ﺑﺸﺮﺗﻬﺎ ﺑﻴﻀﻪ ﻭﺍﻟﺜﺎﻧﻴﻪ ﺣﻨﻄﻴﻪ
ﺍﺟﺖ ﻭﺣﺪﺓ ﻣﻨﻬﻦ ﺳﻠﻤﺖ ﻋﻠﻴﻪ ﻭﺍﻟﺘﻔﺘﺖ ﻟﻤﻬﺎ ﻣﺎﺗﻌﺮﻓﻨﻲ ﻣﻨﻮ
ﺍﻡ ﺣﺴﻴﻦ ﮔﺎﻟﺘﻠﻬﻦ ﻫﺴﻪ ﺍﮔﻌﺪﻥ ﻭﺑﻌﺪﻳﻦ ﺗﻌﺮﻓﻨﻬﺎ ﻣﻨﻮ
ﻋﺮﻓﺖ ﺍﻟﻤﺮﺓ ﺍﻟﺒﻴﻀﻪ ﺗﺼﻴﺮ ﺑﻴﺪﺍﺀ ﺑﻨﺖ ﺍﻡ ﺣﺴﺴﻴﻦ
ﻭﺍﻟﺤﻨﻄﻴﻪ ﻫﻨﺎﺀ ﺑﺘﻬﺎ ﺍﻟﺜﺎﻧﻴﻪ
ﺑﺲ ﻫﻨﺎ ﺣﺘﺊ ﻣﺎﺳﻠﻤﺖ ﻭﻻ ﻋﺒﺎﻟﻚ ﺗﺸﻮﻓﻨﻲ ﮔﺪﺍﻣﻬﺎ ﺳﻠﻤﺖ ﻋﻠﺊ ﺍﻣﻬﺎ ﻭﻧﺴﺮﻳﻦ ﻭﺍﻧﻲ ﻋﺒﺮﺗﻨﻲ ﺭﻏﻢ ﻛﻨﺖ ﻭﺍﮔﻔﻪ ﺍﺭﻳﺪ ﺍﺳﻠﻢ ﻋﻠﻴﻬﺎ
ﺍﻡ ﺣﺴﻴﻦ،،ﻳﻠﻪ ﻧﺴﻮﺭﺓ ﺟﻬﺰﻥ ﻏﺪﺍﺟﻦ ﺣﺘﺊ ﻣﺎ ﻧﺎﺧﺮﻫﻢ ﺧﻄﻴﻪ ﻭﺭﺍﻫﻢ ﻃﺮﻳﻖ
ﻟﺠﻴﻦ،،ﺷﻮﻳﻪ ﻭﺩﺧﻞ ﺣﺴﻴﻦ ﻭﻋﻠﻲ ﺩﺧﻞ ﻭﺭﺍﻩ ﻣﻦ ﺷﺎﻓﻨﻬﻢ ﺭﺍﺣﻦ ﺳﻠﻤﻦ ﻋﻠﻴﻬﻢ ﻭﺣﻀﻨﻦ ﺍﺧﻮﺗﻬﻦ
ﻋﻠﻲ ﺷﺎﻝ ﺍﺑﻦ ﻫﻨﺎﺀ ﻳﺒﻮﺱ ﺑﻲ ﻭﺣﺴﻴﻦ ﺍﻟﺠﻬﺎﻝ ﺍﻟﺘﻤﺖ ﻋﻠﻲ ﻻﻥ ﺣﺴﻴﻦ ﻃﺒﻌﻪ ﻣﺮﺡ ﻣﻮ ﻣﺜﻞ ﻋﻠﻲ ﻃﺒﻌﻪ ﺟﺪﻱ ﻭﻧﺎﺩﺭﺁ ﻧﺸﻮﻓﻪ ﻳﻀﺤﻚ
ﺻﺒﻴﻨﻪ ﻏﺪﺓ ﺍﻟﻬﻢ ﻛﻠﻬﻢ ﺍﻧﺠﻤﻌﻮ ﺑﻐﺮﻓﺖ ﺍﻡ ﺣﺴﻴﻦ
ﺑﻌﺪﻫﺎ ﺷﺮﺑﻮ ﺟﺎﻱ ﻭﺍﺗﺮﺧﺼﻮ ﺣﺘﺊ ﻳﺮﺟﻌﻮﻥ
ﻻﻥ ﻃﺮﻳﻖ ﻃﻮﻳﻞ
ﺭﺍﺣﻮ ﺍﺯﻭﺍﺟﻬﻦ ﻭﺑﻘﻮ ﺑﺲ ﺍﺧﻮﺗﻬﻦ ﻛﺎﻋﺪﻳﻦ ﻳﺴﺎﻟﻮﻫﻦ ﻋﻦ ﺍﺣﻮﺍﻟﻬﻦ ﻭﻟﻴﺶ ﻫﻠﮕﺪ ﻳﺘﺎﺧﺮﻥ ﻭﻫﻨﻪ ﻳﺘﻌﺬﺭﻥ ﺑﺎﺍﻃﻔﺎﻟﻬﻦ ﻣﺪﺍﺭﺱ ﻭﻓﻮﮒ ﻫﺬﺍ ﻣﻴﺘﺤﻤﻠﻮﻥ ﺍﻟﻄﺮﻳﻖ ﺍﻟﻄﻮﻳﻞ
ﺑﻌﺪ ﻣﺪﺓ ﻣﻦ ﺍﻟﺰﻣﻦ ﺣﺴﻴﻦ ﻭﻋﻠﻲ ﻃﻠﻌﻮ ﻭﻛﺎﻟﻮ ﻟﻄﺒﺨﻦ ﺷﻲ ﺭﺍﺡ ﻧﺠﻴﺐ ﻋﺸﻪ ﺟﺎﻫﺰ
ﺑﻌﺪ ﻣﺎﺭﺍﺣﻮ ﻛﻌﺪﻧﻪ ﻛﻠﻨﻪ ﺳﻮﺓ ﻭﻫﻨﺎ ﺑﻌﺪ ﻣﺎﮔﺪﺭﺕ ﺗﺘﺤﻤﻞ ﺍﻛﺜﺮ ﺍﻟﺘﻔﺘﺖ ﻋﻠﻴﻪ ﻭﺳﺎﻟﺖ ﺍﻣﻬﺎ ﻣﻨﻮ ﻫﺎﻱ ??
ﺍﻡ ﺣﺴﻴﻦ،،ﻟﺠﻮﻧﻪ ﻣﺮﺕ ﻋﻠﻲ
ﻟﺠﻴﻦ،،ﺍﺛﻨﻴﻨﻬﻦ ﻓﺘﺤﻦ ﻋﻴﻮﻧﻬﻦ ﻣﺼﺪﻭﻣﺎﺕ ﺑﺲ ﺑﻴﺪﺍﺀ ﺍﺑﺘﺴﻤﺖ ﻭﺭﺟﻌﺖ ﻣﻦ ﺟﺪﻳﺪ ﺑﺎﺳﺘﻨﻲ . ﻭﻛﺎﻟﺖ
ﺑﻴﺪﺃﺀ،،ﺷﻨﻮ ﺳﺎﻟﻔﻪ ﺍﺧﻮﻱ ﮔﺎﻡ ﻳﺤﺠﺰ ﺍﺛﻨﻴﻦ ﺍﺛﻨﻴﻦ ﻫﻬﻬﻬﻬﻪ
ﻫﻨﺎﺀ،،ﺷﻨﻮ ﺍﻟﺴﺎﻟﻔﻪ ﺣﺠﻴﻪ ﻭﺷﻴﻤﺎﺀ ﻣﻮ ﺧﻄﻴﺒﺘﻪ ﺑﻌﺪ ﺷﻴﺴﻤﻮﻫﺎ ﺧﺎﻃﺐ ﻣﺮﺓ ﺍﻟﺜﺎﻧﻴﻪ
ﺑﻴﺪﺍﺀ،،ﻫﻨﺎ ﺗﺮﺓ ﺍﻧﺘﻲ ﺑﻄﺮﺍﻧﻪ ﺍﻧﻲ ﻣﻦ ﺍﻟﺒﺪﺍﻳﻪ ﻣﺎﺍﺣﺒﻴﺖ ﺷﻴﻤﺎﺀ ﻻﻥ ﺗﺘﻌﻴﻘﻞ ﻭﺷﺎﻳﻔﻪ ﻧﻔﺴﻬﺎ ﻫﻲ ﻭﻻﻋﻨﻬﺎ
ﺩﺷﻮﻓﻲ ﻫﻞ ﻋﺼﻔﻮﺭﺓ ﻫﺎﻱ ﺍﺷﻠﻮﻥ ﺍﺗﺨﺒﻞ ﻭﻫﺎﺩﺋﻪ ﻭﺍﻟﻠﻪ ﺍﺧﻮﻱ ﻃﻠﻊ ﻳﻌﺮﻑ ﻳﺼﺘﺎﺩ
ﻫﻨﺎﺀ،،ﺍﻧﺘﻲ ﻻﻥ ﻣﺘﺤﺒﻴﻦ ﺷﻴﻤﺎﺀ ﻣﺎﺗﺮﻳﺪﻫﺎ ﺗﺮﺓ ﻋﻴﺐ ﺍﺗﻔﻀﻠﻴﻦ ﺍﻟﻐﺮﻳﺒﻪ ﻋﻠﺊ ﺑﻨﺖ ﻋﻤﺞ
ﺍﻡ ﺣﺴﻴﻦ،،ﻫﻨﺎﺀ ﻳﻤﻪ ﻋﻴﺐ ﻫﻠﺤﺠﻲ ﻫﺬﺍ ﻓﺸﻠﻪ ﻣﻦ ﺍﺧﻮﺝ ﺗﻮﺝ ﺍﺟﻴﺘﻲ ﻻﺗﺴﻤﻌﻲ ﺣﺠﺎﻳﻪ ﺍﺗﻐﺜﻪ
ﻭﺍﻧﺘﻲ ﻣﺎﺗﻌﺮﻓﻴﻦ ﻗﺼﻪ ﻫﻠﻤﺴﻜﻴﻨﻪ ﻟﻮ ﺗﻌﺮﻓﻴﻬﺎ ﺟﺎﻥ ﻣﺎﺣﺠﻴﺘﻲ ﻫﻠﺤﺠﻲ
ﻟﺠﻴﻦ،،ﻋﻔﺘﻬﻦ ﻭﻃﻠﻌﺖ ﮔﻌﺪﺕ ﺑﻐﺮﻓﺘﻲ ﺧﻞ ﻳﺎﺧﺬﻥ ﺭﺍﺣﺘﻬﻦ ﻭﻫﻨﺎ ﻣﺒﻴﻨﻪ ﻣﻦ ﺷﻜﻠﻬﺎ ﺻﻌﺒﻪ ﻣﻮ ﻣﺜﻞ ﺍﺧﺘﻬﺎ ﺣﺒﺎﺑﻪ ﻃﺒﻊ ﻫﻨﺎ ﻧﻔﺲ ﻃﺒﻊ ﺷﻴﻤﺎﺀ ﺳﺒﺤﺎﻥ ﺍﻟﻠﻪ ﻳﻤﻜﻦ ﻻﻥ ﺑﻨﺖ ﻋﻤﺘﻬﺎ ﺍﻃﺒﺎﻋﻬﻦ ﺗﺘﺸﺎﺑﻪ
ﺩﺧﻠﺖ ﺍﻡ ﺣﺴﻴﻦ ﻭﻛﺎﻟﺖ ﺷﻜﻮ ﺧﺘﻠﺘﻲ ﻫﻨﺎ ﺗﻌﺎﻱ ﺍﮔﻌﺪﻱ ﻳﻤﻨﻪ ﻭﻟﺘﺰﻋﻠﻴﻦ ﻣﻦ ﻫﻨﺎ ﺗﺮﺓ ﻭﺍﻟﻠﻪ ﻣﺎﺗﻌﺮﻓﻴﻬﺎ ﻫﻲ ﺑﺲ ﺍﻟﺴﺎﻥ ﻭﻻﻥ ﻣﺎﺗﻌﺮﻓﺞ ﻫﻴﺞ
