#متيم انا#
اهيم بشوك وصلك وانثر الروح
وعلة اشفافك ثلج من تنزل اشفافي
واعض اشفاف حسنك واشتعل نار
وكطعهه بصدك ياكلمة الكافي
لمستك **ت بيدي وذوبت الاشواك
الطريق اطويل اكعد تعبت اجتافي
واحس رجفة ابغرامك والكلب عطشان
اريد اشبع وحسن بيك متعافي
واريد بايدي اجتفك تنسجن بحساس
وعلة اوصافك اريد اطبعهه لاوصافي
وبادلني بغرامك خل اهيما بيك
بس اكعد حبيبي وانتة الك صافي
🌹❤🌹❤🌹❤
اوركيد....من شافني عادل ضل فاتح حلكه متعجب بيه اما هوه جان شكله كلش طبيعي طوله عادي وكلامه قليل وهادء ماجانت يتكلم اهوااي مهم اني طلعت من يمهم وهمه اتفقو انو الخطوبه ورة أسبوع
مشت ايام الاسبوع روتين كلش عادي بين شغل وتنضيف ومن هلسوالف اني مرام وامي الحنينه ههه ميله حنان قاسيه عليه وملتهيه بأفراح المدللة صعبه هيج موو بس اني اتعلمت عليه هاي امي من وعيت على الدنيا هيج معاملته اليه ....خلص الاسبوع ورتبنه البيت واجتي مشيه اشكبرهة همه اصلهم من واسط من عمام الولد وخوال واخوة البيت انكلب صار ايغص ويبلع ناس ونسوانهم اني بصراحه مارحت لاااا صالون ولا شي فقط اشتريت فستان اوف وايت ورتبت نفسي وشعري حذاء بلون الفستان فقط اشو ذني ضلن فاتحات احلوكهن عليه كعدت بنص كعدة نسوان لن هنه بلهول واجيت يمهن ضلن صافنات عليه اني كاعدة ومرام يمي سمعت ام حارث اتكول لمرام كسرت نسوان احموينه ومرام تضحك تعرفهن اشون شكلهن.....بعد وقت تمت الخطوبه مالتي يعني هيه مشيه هيه عقد سيد صارت كالو بعد شهرين من اخلص امتحانات اتزوج ....بعد الخطوبه بأيام عادل جابلي موبايل ونتخابر اني ويا كلام عادي يتطمن عليه وجان كلامنه يعني كله عام ماكو لا غزل لا شي مجرد اشونج اشون صحتج لا اكثر مااتعمق معاي بلكلام ابد واني هم التهيت بدوام وامتحانات اخر سنه يعني اتخيلو امي ومرت اخوي ايجهزن واني محد سألني واخذ راي هنه يجيبن وايضمن واني هم مااتدخلت ابد وجنت هم عميانه بلقرايه لحد ما امتحنت وكملن امتحاناتي وكعدت بلبيت ورة عشرة ايام ابويه كال عزمونه على غدة انروح الهم وهناك ايتم العقد محكمه لن همه هيج عاداتهم ومن صار الصبح انطلقنه كبل لواسط اني وامي وابويه ومن وصلنه جان عادل وام حارث منتضرينه اخذ عادل مستمسكاتي وضل يفتر رايح راد بلمحكمه واني صافنه عليه وامي وام حارث التهن بلسوالف واني صفنت ومااحس لن واحد واكف فوك روسنه وسلم
ابو محمد،،السلام عليكم
،،،،ردو الكل ،وعليكم السلام
ام حارث، ،،اوركيد اكيد ماعرفتي
اوركيد.....لاااا خاله منووو
ام حارث....امج اتعرفه هذا حماج ابو محمد واسمه عماد خل اكللجياهم بلسرة(( علي الجبير ،ومن بعدة فارس ،سرى،عماد ،زهراء،مرتضى ،حارث ،عادل ،روز،منتضر،فاطمه)) هذا تسلسلهم
