هلوووو حبايب شلونكم شخباركم يله خلونه نبدي البارت
#البارت الثاني عشر الجزء الأول
@فصيله والقدر
الكاتبه _#حياة الموسوي
• أخــسر ماشئــت لڪن
• إيــاك أن تخـــسر قــلباً
• يحاول أن يفعـــل الڪثــير ليسعدك
• فهــناك قلـــوب لا تعــوض أبــداً ،
تبارك صعدت على غرفتي اول مافتحت الباب اجت شريط ذكرياتي كله جدامي حسيت مابقى بيا حيل اوكف كعدت بلكاع واحس نفسي من صدك جسد بلاروح احس روحي ميتا تذكرت كلشي بحياتي بلحضه وحده من جنت اروح للمدرسه ومن جنت ويااخويه ياسر اضحك ومن رحت فصيله ومن اطلكت وحبي لشهاب واطفالي
اندك باب غرفتي ودخلت امي شافتني منهارى اجتي يمي وحجت
ام تبارك.......يمه شبيج يله كومي بدلي لنروح
تبارك.......مااكدر يمه مااكدر اكوم بعد يمه انهد حيلي يمه اطفالي وشهاب شلون اتركهم واروح
ام تبارك......يمه لاتبقين هيج حاصره الدمعه ابجي وارتاحي
تبارك.......دموع مابقى يايمه يمه انزلي هسه اجي وراج
ام تبارك......لاتتاخرين تره الطياره تروح علينا
تبارك.......لالا هسه اجي
تبارك طلعت امي من غرفتي رحت للكنتور وطلعتلي بنطرون كابوي اسود وبلوزه بنفسي وجنطه يد لون بنفسجي وجاكيت طويل لون اسود لان الجوء شتاء وبارد وبوت اسود وحجاب واخذت الجنطه مالت ملابسي وباوعت لغرفتي نضره اخيره ونزلت
تبارك نزلت وشفت امي كاعده وتبجي وبيتنا مليان كرايب جايين يودعونه شفت صديقاتي جايات ودعناهم بدموع وطلعنا من البيت
صعدنا بسيارة بابا وعمامي وخوالي اجوء ويانا بعضهم بسيارتهم وخالي ويانا باوعلي وحجه بصوت همس لان جان كاعد يمي
خال تبارك امير.........بنتي ليش حزينه ها تره ماكو شي يسواء الحزن والقهر لان الدنيا ماباقيا لااحد فااخذي نصيحتي عيشي حياتج بفرح واستمتعي بكل لحضه بعمرج ربي يحفظهم لااطفالج بس همه عند ابوهم واكيد مراح يتاذون
تبارك باوعت لخالي وابتسمت حجيت ويا بهمس
تبارك.........خالو ممكن طلب
امير........انتي تامرين موبس تتطلبين تفضلي يروح خالج
تبارك ........خالو اريد اكتب رساله وانطيها الك بس اريد منك تنطيها لااسد من يكبر فدوه خالو والله مراح اكتبلو انه حور موامه
