زفرت بضيق ثم قالت : ماشي هحكيلك
ثم نظرت امامها تنظر الي عمق البحر وشمسه التي تحتضن مياه البحر في منظر راىع لغروب الشمس ثم قالت : عارف لما تبقي حواليك ناس كتير اوي بس حاسس انك وحيد عارف لما تبقي ليك صحاب كتير بس مش بترتاح لحد فيهم او بالاصح انت مش قادر تأمنهم علي سرك عارف لما يبقي عندك اخ ومش عارف تترمي في حضنه وتشكيله علشان بيتعامل معاك بجفاف وتعيط وتقول كل اللي جواك عارف لما نبقي خايف تقولهم علي مشكلتك علشان خايف حد يتريق عليك عارف لما تبقي نفسك تترمي في حضن ابوك بس مينفعش تحضنه علشان انت كبرت وكمان هو مش فاضي مينفعش تعيط من غير سبب عارف لما تبقي عايز تحس بحنان امك بس هي مش فاضيه لده علشان مشاكل الحياه مش مخليها تقدر تحلالك مشاكلك عارف لما تبقي مش عارف تشتكي علشان ببساطه مفيش حد تشكيله او تحكيله عارف بقي لما تحس بكل ده وفي الاخر متقدرش غير انك تتكلم وتهزر وتضحك علشان متبينش لحد انك بتتوجع لان محدش هيهتم لانك ببساطه مهما عملت هتفضل وحيد !
تاملها كثيرا من اين تاتي هذه الحوريه بكم هذا العذاب داخلها الان قد فهم معني القوه التي رأيها في عينيها سابقا ثم قال ببسمه تحمل بداخلها وجع وحزن : محدش عارف قدي ثم اضاف ببعض من المرح ; اي يا جدع كل ده وجع
ضحكت بخفوت وقالت ; بس انت كده بتغش ومقولتش ايه اللي جواك
نظر لها مطولا ثم قال بمزاح : علي اخر الزمن هحكي لعيله لو وقفت مش هتيجي نصي
نظرت له ببعض من الغضب المصطنع ثم قالت : انا عيله ولا انت اللي عامل زي الحيطه عموما انا اللي غلطانه اني بتكلم مع واحد قد جدي
تعالت ضحكاته ثم صمت عندما قالت وهي تنظر امامها : متحولش تداري علي حزنك بالضحك عملتها قبلك وتعبت اكتر
نظر لها مطولا ثم قال بنبره يغلبها الحزن : ماشي هحكيلك ......
يتبع .......
كده خلص الفصل التاني اتمني ان اللي يشوفه يقولي رأيه علشان دي اول روايه ليه لو مش حلوه برضو قولوا بلاش الصمت ده
الفصل الجاي جامد جدا هينزل بكره
ملحوظه : الشخصيات هتتعرف يالتدريج يعني شويه وهتعرفوا الابطال وبعد كده هعمل حلقه للشخصيات كلها
باي 🚶🏻♀️
أنت تقرأ
لقاء بلا وعد
Mistério / Suspenseعندما يلتقي شخصين اغراب عن بعضهما ثم يتفرقان ولكن يجمعهم القدر والنصيب وان تدبير القدره الالهيه اقوي من اي شي
