Өөрчлөгдсөн ертөнц

3-р бүлэг

    Тэд хоолны танхимд ирэхэд хэдийнээ хүн дүүрч суух газаргүй болжээ. Ямар ч байсан хоолоо аваад сул зай хайн булангийн нэг ширээнд суув. Васт Волфигийн хоол руу харч байгаа сонин харцыг нь хараад:

-Ямар нэгэн юм болоо юу? гэж асуув.

-Үгүй ээ, Юу ч биш дээ, зүгээр л танай эндэхийн хоол их сонин юм. Нялцанхай эсвэл хэт түлэгдсэн. гэж хэлээд сэрээгээрээ ногоонуудыг оролдов.

-Аргагүй шүү дээ. Ямар энд олигтой хоол олдох ч биш. Хоол сайн хийдэг хүн ч гэсэн олдохгүй байгаа. Чи ингэхэд өмнө нь ямар хоол иддэг байсан юм? Чамайг хээр талд замаас олсон гэж сонссон юм байна.

-Лаазалсан бүтээгдэхүүн, бэлэн гоймон.

-Вахххх. Лаазалсан бүтээгдэхүүн бэлэн гоймон хоёр аль 3 жилийн өмнө л үйлдвэрлэгдэхээ больсон. Харин хадгалах хугацаа нь хамгийн ихдээ л 2 жил. Бараг 2 жил ч хүрэхгүй байх. Чиний гэдэс чинь өвдөөгүй юу?

-Уул нь эхэндээ ч гайгүй идээд л байсан л даа. Гэвч нэг өдөр идээд хордлогонд ороод замын голд хэвтээд байж байсан нэг сэрсэн чинь нэг хачин газар ирчихсэн байсан шт. Одоо иймэрхүү л байдалтай байна. 

-Эхх. Васт санаа алдаад, дотроо бодов.

Энэ охиныг ийшээ авчирсан нь сайн юм болж, гэхдээ 3 жилийн турш яаж амьд гарч ирсэн юм бол? За за, тиймэрхүү юмыг би мэдээд хэрэггүй байх. 

    Хоолны газарт буй хүмүүсийн бараг тал олонхи нь өөрсөд рүү нь хараад байгааг тэд мэдэрлээ. Гэхдээ хэчнээн аяархан ч байсан гэсэн тэд хажууд байгаа хүмүүсийн тэднийг ярихыг сонсож чадна.

-Арчаагүй хүнд арчаагүй хүн л ирэх юм даа...

-Ёстой л 1 тэрэгний 2 дугуй юм даа...

-Энэ тэгээд нөгөө охин уу? Гэхдээ царай нь хөөрхөн юм гээч...

-Угийн энэ 5-р салаа ч юу хийж чадахав дээ...

    Волфи тэдэн рүү нэг муухай харц шидээд, ширээн дээрээс босов.

-Ямар ч юм идэх хүсэлгүй болчлоо. гэж хэлээд хаалганы зүг явлаа. Магадгүй тэр багийн ахлагч Вастыг араас нь ирнэ гэж бодсон ч гэсэн тэр зөвхөн ширээн дээрээ ганцаараа суун урдаа байгаа бөөлжис шиг хоолондоо л хамаг анхаарлаа хандуулах ажээ.