سلسلة قضايا مجتمع
القصة الثانية " حب ظالم "
البارت الثاني
//
//
وانا نازله تحت لقيت ماما مقعمزة
ماما >> وين ؟؟
جود >> ريان جاي بيحكي معايا
ماما >> ربي يهديك
جود >> ماما صكرنا عالموضوع من لما لبست الدبله
ماما >> انتي حره
طلعت علي دقة الباب فتحته وكان ريو مصبي ، خشيت و صكرت الباب ومشيت شور الصالون
انا >> هضا كله وماتبينيش نجي ؟
جود >> كيف
انا >> اللبسه والحركات
جود >> علي فكرة كنت طالعه
انا >> وين
جود >> ما لكش دعوة
انا >> و باهي
" كنت خاطري ريان يغار عليا او يحسسني اني نحبه ! كنت خاطري نحس ب الاهتمام و السؤال عليا وين طالعه ووين ماشيه ، ماكنتش طالعه المكان بس لو كان قالي وين ماشيه ولازم تقوليلي قبل ما تطلعي وحسسني انه هو يخاف عليا كنت ح ننبسط ! "
//
//
"ريان "
انا >> مش تبيني نتغير ؟
جود بحتت فيا ومش فاهمه
انا>> ح نتغير
جود >> التغير مش معناها انك كل شويه تجيني ؟؟
التغيير يا ريان معاناها تبطل القرف اللي انت عايش فيه ! انت يومك فيه ٤ ساعات بس اللي واعي فيهن و ٢٠ ساعة طافي ومش فاطن !
لا شغل ولا قرايه ولا اي حاجه ! انسان فاشل هكي وخلاص
صبا ريو من مكانه و قعد مقابلني >> وعليش تحبي انسان فاشل زيي ؟؟ ليش قاعده معايا و مش مخليه امي في حالي!
جود >> مليون مره نقولك كل يوم ندعي ربي ينزع حبك من قلبي ونبطل نحبك ! ربي مازال ما استجاب يا ريان ! بعد يستجاب ربي صدقني ح تلقاني مختفيه من حياتك نهائيا
انا >> انا كنت جاي ونبي نبدا معاك صفحة جديده ، بس اذكري انك انتي اللي ما تبيش!!
جود >> اثبتلي باه ! حا تسيب اللبز ح تسيب كل حاجه ؟ ح ترد عليا لما نرن ح ادورني بدون ما انا ندورك ؟ ح تشتغل و تعيش انسان طبيعي !
انا >> ح ندير هضا كله ... وحتي الشغل ح نحاول فيه
جود مصدومه >> ريو تحكي من جدك ؟؟
انا >> انا قتلك حاب نتغير
صبت قدامي و مدت يدها
انا >> شنو ؟؟
جود >> التلفون
انا >> كيف ؟؟
جود >> التغيير يبدا من التلفون ! ح تمسح ارقام التافهات و الصور و اللبز اللي فالتلفون
مديتلها التلفون >> كان قدرتي تفتحي الرمز
جود >> ريـو ، انا نعرف كم مره تنفست فاليوم مش ح نعرف باسوورد تلفونك ؟
أنت تقرأ
قضايا مجتمع 🔮 ( روايات ليبية )
Romanceللكاتبة : أية صاحبة رواية #المستشفي كل 3 حلقات في الرواية موضوع جديد و مختلف علي الاخر . قصص تلخص قضايا العشاق ❤️
