روآن... كعدت لصـبــح على صـوت لمـنبــه
آهووو هسـة بــيه حـيل آكومـ خـل آسـوي نفسـي مـريضـة ومـآ آدآوم
آمـي... روان كومي ولج كومي تاخرتي اروح وارجع اذا ما لكيتج كايمه يا ويلج
رحت ورجعت وانتي نايمه كلة بسبب لمبايل اكيد ضليتي للصبح عليه خل اخذة شو جيبيه
روان... لا والله راح اكوم هسة ركض
امي... هاي لمبايل ماخذ عقلج
كمت غسلت وبدلت وكعدت اخذ سنابات واجة لسايق ورحت ومريت على زهراء لئن اني وياهة سوة بنفس الخط
زهراء... ها لج خرة اليوم لابسة كمامة شعجب
روان... يي غير احمي نفسي من كورونا😏
زهراء... من شوكت هلحجي وصدك ليش ما كتيلي جان اني هم البس وياج
روان... اني وحويرة اتفقنه البارحة وانتي ما عدج نت
زهراء... يي انكسر لفون
روان... وهسة شون بدون فون تضلين
زهراء... للاسف يي منا لعطلة نص السنه يلة اشتري
روان... يلة هانت صدك قريتي احياء
زهراء... يي قريت بس ما قريت حاسوب
روان... لج اني قريت حاسوب وما قريت احياء
زهراء... عادي انتي غششيني بلحاسوب واغششج بلاحياء
روان... وك يلة ح نوصل
زهراء... يي ونشوف حويرة
وصلنه نزلنه اول ما دخلت لمدرسة عطت
زهراء... شبيج ليش تعيطين
روان... لج ذاك جلب بلمدرسة
زهراء... صدك وينه
روان... هناك ورة لصفوف
زهراء... خل اشوفة واجيج
روان... عزة انتي متخافين ولج امشي كلبي راح يوكف
زهراء... ما اخاف يلة امشي راح تموتين
روان... شوف لحض لصفوف مقفولة هسة وين نولي
زهراء... ذبي جنطتج هنانه وامشي نتمشة نتاني حوراء
روان... وك يلة
رحنه شوي واجت حوراء وسولفنالهة على لجلب وضلت تصرخ😂 المهم فاتن درسين صار الدرس الثالث مادة لعربي
اية... بنات ام لعربي ما جاية ليوم
*اية لمراقبة مال لصف هية وفاطمه*
روان... وك جا بنات خل نطلع يلة
اية... لا لمديرة متقبل
روان... اهووو
فاطمه*المراقبة لثانية*... روان تعالي اكلج
روان... ها فطوش*دلع فاطمه*
فاطمه... شوفي راح اطفر من لدرس اطفرين وياي
روان... يي شلون ما اطفر روحي واجي وراج
فاطمه... وك انتضرج برة
طبعن طفرت فاطمه واني سويت نفسي تلعب واروح للحمام
اية... ماكو طلعه
زهراء... شبيج لبنية راح تموت
اية... خوش روحي بس اني اباوع عليج خاف اطفرين
روان... بس زهراء تجي وياي
حوراء... واني
اية... رايحات زفه محد تروح بس انتي
روان... خوش
طلعت لكيت فاطمه بلباب وسويت روحي متجهة للحمامات لان اية تباوع علينه جاي اوصل للحمامات وطكيناهة ركضة اني وفاطمه واية ركضت ورانة بس للاسف اكو بنية طلعت
من صفهة وفاطمه انضربت بلبنية ونركعت بلحايط على راسهة واني عثرت برجل فاطمه وكعت على وجهي واجت اية تركض علينه
اية... شكو شصار
روان... يمه رجلي اخخخ
اية اجت ساعدتني ما كدرت اكوم
اية... راح اصيح لبنات
روان... وك بس فاطمه مالهة حس شبيهة شوفيهة
اية... فاطمه شبيج صار بيج شي احجي
فاطمه... راسي راح ينفجر لحكولي
اية... هسة اجيجن بس ثواني
راحت اية صاحت شلتنه
حوراء... صخام لصخمني شبيجن
روان... عوفني وشوفن فاطمه مالهة صوت
رقية... لج فاطمه شبيج
فاطمه... صيحن لمديرة راسي راح ينفجر
رقية... عزززززة
اية... اني رايحة للمديرة
زهراء... انتي روان كومي
روان... ولج ما اكدر امشي اخخخ جسمي كلة ياذيني
طبعن بقيت امددة بلكاع اصبعي ما اكدر احركة كوة احجي بقيت تقريبا نص ساعة امددة كمت بس كوة امشي لبنات سانداتني وكعدت بلصف
حوراء... تعالي اغسل ملابسج شصار بيج
زينب... هية لبنية بحال لغسل هسة شو بس تون
روان... طبعن اني كلش تاذيت ضليت بس اون من لوجع وكضيت باقي لدروس برة لصف وكل درس وياي وحدة برة لان ما اكدر اضوج درس كامل لوحدي خلص الدوام ورجعت للبيت
نمت كعدت المغرب ما تعشيت ضليت العب بلفون لحد نص اليل اهلي نايمين طبعن جعت كلش كمت شوي شوي امشي ورحت للمطبخ اخذت اكل ورجعت اكلت ونمت ثاني يوم جمعه روتين ممل دراسة واكل وفون انوب السبت نفس الشي
الاحد داومت بس دراسة سحلونه لئن الاربعاء المتحانات مال لكورس الاول نوب اطونه لجدول وكالو لا تجون بعد منا للاربعاء احنه كيفنه وضلينه سوالف اني ولبنات من اجة لسايق رحنه كلمن لبيتهة
و من رجعت اهلي بلدوام كلهم وضوجة فتحت الانستا لكيت صديقتي فاتحة بث وصديقاتي كلهن لكيتهن بلبث وضلينه سوالف لحد ل ٣
وانوب سديته شوية وضجت رحت راسلت حوراء نوب فتحنه كام اني وياهة ضلينه لحد ل٤
نوب نمت تعبانه وكعدت كضيت الايام كلهة دراسة للمتحانات
وابشركم فاطمه طلع عدهة فطر براسهة ولحد هسة لوجع براسهة صالة شهرين ماكو دكتور ما راحتله وما فاد حته علاج ميفيد خطية بس تبجي كوة تدرس حته كامت ترسب ببعض المواد
انتهة البارد وهاذ جان اسبوع من حياتي
تاريخ الكتابة٢٠٢٠/٣/٢٥
شكرا جزيلا على لقراءة😘🤙
