هنا جان عدنه متحان عربي باجر وكعدت اقره ومنا علما خلصت نمت كعدت لصبح رحت للمدرسة ومتحنه وطلعت من لمتحان لكيت زهراء متانيتني بره لقاعه وجم بنية من لشله وحلينه الاسئلة وردنه ننتضر حوراء بس ندري بيهة هاي تنام على لورقة لو جان لمتحان فنية هم تبطي لمهم رحنه ناكل وتجمعنه نسولف شوي واجت حوراء وكلعادة كالت
حوراء... بنات شلون حليتن الاسئلة صعبه
روان... زينه الاسئلة مو كلش صعبه
زهراء... اصلن الاسئلة سهلة شبيج انتي دومج تبجين بوجه الله
غفران... يي جانت الاسئلة نص ونص
روان... هسة باجر عدنه حاسوب خل نسولف خاف باجر ننصمط صمط🙂💔
زهراء... يب بس خل نسئل شنو وشنو داخل بلمتحان
غفران... رحت للمدرسة كلتلي داخل لقريناه كله
روان... اهوووو،،،،امشن امشن نكعد ورة لقاعه نسولف
كعدنه نسولف وكذا اجة سايق حوراء وراحت نوب غفران وبقينه بس اني وزهراء شوي واجت نبا كعدت تسولف ويانه وكذا
ابرار... روان زهراء اجة لسايق
*ابرار تصير اقارب زهراء ويانه بلخط*
زهراء&روان... اجينه لحضة
ورجعنه للبيت وكبل كعدت اقرة
امي... شعجب تقرين اول ما رجعتي ما نمتي مثل كل يوم
روان... اريد اخلص من لقراية حته اروح لبيت جدي
امي... شسوين رايحة
روان... شني نسيتي اليوم مسوين عزيمه على لعشة وكلهة ح تروح عمامي بس احنه منروح😒
امي... الله كريم
كملت دراستي وصارت ب٥
روان... يمه فدوة خل نروح
امي... لا اخوج عده متحان وبس ترحين انتي هوة يلزك
روان... ضليت اتوسل مقبلت اخر شي
ترن ترن📱
روان... الوو
عمتي... هلا روان عمه شلونج
روان... هلا عمه زينه انتي شلونج
عمتي... الحمدلله شني شو تاخرتو يمته تجون
روان... ها عمة تعرفين عدنه متحانات وما نكدر نجي
ضلت تحجي وي امي وما اقتنعت امي قافلة
روان... عمه منو ومنو جاي للعشة
عمتي... اجو بيت عمج ابو شهد كلهم
روان... حته نونه وتبارك😢
عمتي... يي واجت عمتج من لبصرة هية واسراء
*اسراء بت عمتي الي بلبصرة*
واجو هم خالات ابوي وعدهم بنية بكدي تصير صديقتي
روان... اني متت قهر كلهن لبنات هسة كاعدات يسولفن واني هنا وعلي ضليت ابجي ومقبلت امي
دك لفون
امي... هلو رغد شلونج
رغد... هلا عمه الحمدالله ونتم
امي... لحمدلله بخير
رغد... عمه ليش متجون للبيت جدي
*ملاحضة رغد بت عمي تصير ومتزوجة*
امي... انتي هم رحتي وياهم
رغد... يي،،، عمه خلي روان تجي فدوة
امي... جا منو يجيبهة ابوهة بغداد
رغد... راح نجي اني ومحمد
*محمد عمي لصغير ما متزوج🙂*
الي تريد نخطبهة عاتي😂😂كاغي نرجع للقصة
امي... خوش يلة باي
اجت امي... يلة حضري نفسج راح تجي رغد ومحمد ياخذوج
روان... مو اكلج بس رغد تكدر تغير رئيج
امي... ساعة واودي عليج
روان... نشوف😜
رحت بدلت طبعن بيبيتي ماتت قبل٥ اشهر فلهاذة اني ذبيت الاسود بس خوات بيبي ما يدرن ذابته ف لبست ملابس سود خوفا من لمشاكل🙂
اجة عمي ورغد
وسلمو وكملو
محمد... يلة خل نروح تاخرنه
رغد&روان... يلة،،،صعدنه بلسيارة نسولف
روان... يي شعجب حسين*رجل رغد* خلاج تجين
رغد... لا عادي يقبل
روان... يي رجلج حباب مو مثل رجل اختج
رغد... وين شايفته
روان... شبيج تخبلتي اني حته فاتحة وياه كامره😒😒 وشفته بفاتحة بيبي وبلاربعينيه
رغد... ها صدك
وصلنه لئن جان بيت جدو قريب على بيتنه كلش دخلت سلمت وسئلت على لبنات كالو فوك
روان... يي لمسعدات كاعدات يسولفن
صعدت ها خاينات تسولفن
تبارك... انورت واشرقت
اسراء... هلا بلقردة
نور... هلوز
روان... عابت هاذ هم سلام😒
زهراء*بت خالت ابوي بس بكدي*...هلو شلونج واجت باوستني
روان... يبعد عمري،،، اتعلمن منهة عابت
تبارك... هوة انتي منو يسلم عليج مو زين سلمنه
زهراء... اني اسلم عليهة اذا انتن متسلمن
روان... بعد عمري وحياتي 😘
نور... جنج نسيتيني
روان... انتي لكبد ما انساج😏❣️
ونوب صاحونه نتعشة وتعشينه وجان نكعد سوة لاكن كومو نور من يمنه عمود لمكان ميكفي
لمهم لعشة كضيناه تصنيف على بنات خالت ابوي
روان... لج هاي مو ذاك ليوم اجت عيونهة خضر شو هسة زرك
تبارك... يي هاي عيونهة من الله هيج كل ما تطلع يتغير لونهن😂😂😂
اسراء... لا يسمعنجن ولجن😂
رغد... هسة يكومن يسحلنجن ويكنسن بيجن لبيت
البنات...😂😂😂
وكضيناهة تصنيف حته ما اكلنه
تبارك... ان راح اكوم
روان... اني هم
اسراء... جا اني المن باقية اكوم وياجن
كمنه سوة حسبالك لازكات وحدة بلثانية ونور شافتنه وكامت هم
وطلعنه نسولف برة ونوب تمطر كمنه نكمز جوة لمطر حسبالك جهال وجان يطب ابن عمي🤦🏻♀️
ابد مو وكتك
حيدر... هاي شجاي تسون
احنه كلنه لبدنه ورة تبارك
حيدر... دطلعن شنو مشفتجن
من فشلتنه طلعنه
حيدر... شسون هنا
زهراء... جاي نسولف ومطرت سوينه شي غلط
اسراء بهمس... لسانج
*معلومة زهراء لسانهة كلش طويل ولهاذة ولد عمي يكرهونهة لئن ترادد ويكولون هية مو مثلجن تحترمن*
حيدر... لا ما مسويه شي غلط بس متشوفن لجيران احنه جم مرة كنالجن ذولة بس يشوفون بنات يكابلونهن ويكعدون
زهراء... ونته شنو تغار على وحدة😉
تبارك&نور... عزة بعينج شهل حجي
روان بهمس لزهراء... ولج خرة لولد ميحبون وحدة هيج تكللهم
حيدر... لا ليش اغار غير انت من عرضي تبارك ونور خواتي واسراء بت عمتي وروان بت عمي وانتي اعتبرج بت عمي
رغد... حيدر معليك لا تصير مشكلة عوفهة،،ونتن دخلن جوة يلة
لبنات عدا زهراء... حاضر
زهراء... شنو محد يطلع برة واذا شافونه ولد لجيران راح ياكلونه
رغد... زهراء لمي لسانج
تبارك... عوفيهة
روان... طبعن اني ونور اخذتهة وطلعنه نسولف بلسطح لىن نور اقرب وحدة الي
واسراء وتبارك راحن يسولفن وحدهن وزهراء راحت كعدت يم بنات خالتهة تسولف
ونوب كعدت اقرة حاسوب لئن اخذت كتابي وياي ونور هم جايبة كتابهة عدهة متحان نكليزي وكعدنه نقرة ونوب كلمن راحت لبيتهم
ورجعت اقرة لحد ل١ بليل وجان اكمل وانام
وكعدت الساعة ب٨ ونص الصبح
روان... يمـــــــــــه لحكي راح علية لمتحان صخام لصخمني وكمت ابجي
امي... لا ولج اليوم اطوهة عطلة
روان... عطلة ماليش؟؟
امي... مال كورونا
روان... كلللوش👻💃🏻💃🏻💃🏻
لا خرب راحت قراية لبارحة شكد قريت😭😭
امي... ساعة تهلهلين ساعة تبجين تخبلتي
روان... هسة عوفي هاذ لموضوع بس لمشكلة انو البارحة بلمطر كعدت ادعي انجح بلحاسوب نوب اتمرضت من لمطر وهسة عطلة خرب حضي😭
امي... هسة شرايدة عود ميضيع دعائج
روان... دطلعليلي مبايل مو صارت عطلة
امي... وك
لهنآ وصـلنه لنهآية لبــآرت آتمـنآ عج ـبــكم
عدد آلكلمـآت ١٠٠٧
شـكرآ ج ـزيلآ على قرآئتكمـ للقصـة
صـوتو ح ـته آنزللكمـ🙂❣️
ويآكمـ روآن وصـديقتي لخ ـبــلة زهرآء
