هلاو طبعا ما نزلتلكم بارت صالي فترة صح لان مصار شي مميز بحياتي حته انزل بارت بس هسة قررت انزللكم خطبه بت عمتي هاذ لحجي كله قبل سنه لان جان احلا اسبوع بحياتي صارت مواقف تخبل يلا تتعرفون ع لاشخاص حته تفهمون
بيت عمي ابو مسلم
رغد عمرهة٢٣ مخطوبه
مسلم ٢١
حيدر ١٩
هدى ١٨
تبارك ١٦
نور ١٤
رقية ٩
وعمو ومرته
بيت عمي احمد
عمو احمد ومرته
وحسين عمره ٤ سنوات
ومؤمل ١٢ سنه
بيت عمتي ام سيف
سيف ٢٦
دعاء ٢٤
عبدالله ٢٢
ليث ١٧
غدير١٦
عمتي ام زهراء
زهراء عمرهة ٩
ابو لحسن ٥
حيدر ٣
وبس ذول ادري هواي🤦🏻♀️😂
المهم
العودة للماضي
اليوم يجونه بيت عمتي ام سيف من بغداد
روان... كعدت من لصبح نزلت اركض
بيبي بيبي
الحجيه... هاا بيبي شبيج تركضين
روان... اجو بيت عمتي لا
الحجيه... استوهم طلعو من بغداد
روان... اهوو يعني انتضر ٥ او ٤ ساعات
الحجيه... اني راح اروح للسوك ترحين وياي
روان... يي هسة ابدل واجي
بدلت ورحنه للسوك جان اشوف حجي بس ابد ما رتاحيت لنضراته ضل يفتر ورانه
روان... بيبي تعبت شوكت نرجع
الحجيه... امشي نروح لذاك لمحل مال لملابس
روان... بيبي تردين تكشخين جي راح يجون خطار 😉😂
الحجيه... مو صوجج عود كلت تعبتج خل اشتريلج ملابس
روان... يي عفية خل اشتري الي ولغدير
الحجيه... يلة امشي
اشتريت ملابس ورجعنه ولحجي بعده يفتر ورانه خزرته ما فاد صعدنه بلتكسي وباوعت عليه غمزلي شوف حضي غمزلي رجال رجله بلكبر ولسوك متروس شباب🤦🏻♀️
رجعنه ب١١ لضهر لكيت زينب مرت عمي احمد كبالي
زينب... وين جنتي
روان... افتر بلمنصور😒
زينب... احترمي اني مرت عمج
روان... يي متشوفين جنت وي بيبي
زينب... يي وين جنتو
روان بهمس... اجيب سم بطنج
زينب... شكلتي
روان... ماكلت شي هسة خلص التحقيق ادخل للبيت لو لا😒✋
زينب... دخلي واني اكل لمج ع هاذ اسلوبج
روان... عود خوش
بكلبي *شنو هاي شوكت اخلص منهة*
طبعا بيت عمي احمد بصف بيتنه يعني يوميه اصبح بوجهة
واحنه عايشين وي بيت جدي لان محد بلبيت بس احنه وجدو وبيبي وعمو لصغير ما متزوج
روان... صعدت بدلت وكعدت ع لنقال نص ساعه ونزلت
شنو ليوم ماكو غدة متنه جوع
امي... هسة يجون بيت عمتج ونصب لغدة مو كلساع نص
روان... يااا نسيت
شوي وسمعت صوت لجهال صاحو اجوو
كمزت من مكاني مدري ليش لمهم طلعت اسلم
اني طبعا ما البس حجاب كدام ولد عمتي
سلمت ع لبنات وعفت لولد وجاي ادخل
عبدالله... يي بت خالي كبرانه صايرة ثولة تسلم ع صاحباتهة وتعوف لبقية🤦🏻♀️
روان... خرب هسة اله تفشلني جان غلست
عبدالله... عيب اغلس😂
روان... زين شون اسلم على لولد لبنات باوستهن ونتم سلام بلرجلين😂
عبدالله... هم اعلمج هاي شون
سيف... روحي بابا اعتبر سلامج وصل😂
روان... يي عفية بس انته تفتهم😂
دخلو وتغدو ولمهم بليل كعدنه نسولف
روان... ليوم رحت وي بيبي للسوك واكو حجي ضل يفتر ورانه وين ما نروح الكاه كبالي اخر شي صعدت بلسيارة باوعت عليه غمزلي وراح شوفن حضي
ليث... لجكمه محد يباوعلهة بس لشياب
روان... وبكل فخر اشبهك
دعاء... هسة احسلك😂
نوب سهرنه ل٢ ونمنه
كعدنه روتين عادي لعصر يجون بيت عمي ميثم ابو مسلم
دعاء... روان وين امج
روان... فوك شتردين
دعاء... راح نروح لسوك اني وياهة شوفيهة ما خلصت تبديل
روان&غدير... خل نروح وياجن
دعاء... لا نجبن راح يجن بنات خالو ميثم خو مو يبقن بحدهن انتن ابقن وياهن
غدير... اهوو خوب كولي ما تردينه نروح بدال هل تمسلت
دعاء... نجب اوي زعاطيط
روان... خوش انواريج لزعاطيط شيسوون
راحن امي ودعاء للسوك وصارت ب٥ اجو بيت عمو ميثم سلمنه عليهم وسون لكبار لعشة واحنه نسولف انوب صارت ب١١ كالو راح يرحون
