نورهان ولظل المظلم

#نوهان_والظل

#بارت9

سلطان .. رحنه اخذنه قارب وصعدنه بي وشغلت المحرك وانطلقنه بالبحر ....
الرحلة جانت ممتعه ابتعدنه ع الشاطئ هيه وكفت ع المقود مال القارب وبقت تضحك وفرحانه واني وكفت وراها وحظنتها من خصرها بأثنين ايدي وبستها من رگبتها وجان اطلع موبايلي وشغلت اغنية حسام الرسام وهديتها الها وكمت اغني ويا 😍
حبيبتي وام بيتي والغالية حبيبتي
ثم البقية تأتي

الاولى بحياتي انتي وگبل الاحبهم چنتي
انتي البدايه بكل حلو
وثم البقية تأتي

حبيبتي وكل عمري
وگلبي اليدگ بصدري
بالأخره الجنة نعم
وبالدنيا حضنج جنتي

مو وشم اسمچ عالجسم
دگيت اسمچ بالنبض
الشمس انتي بدنيتي
وتفتر حواليچ الإرض

حَبِيبَتَ وَأُمّ بَيْتِيّ وَالغالِيَّة حَبِيبَتَيْ
ثَمَّ البَقِيَّة تَأْتِي

ياراحتي وعافيتي والغالية احبيبتي
ثم البقية تأتي

انتي نهاية دمعي وربي يخليج ادعي
كلش قريبه عالگلب يالصايرة من ضلعي
الصايرة من ضلعي

أميرتي ومملكتي وبيدچ حياتي ملكتي
بسمچ يدگ هذا الگلب شيگول عنچ سمعي ))
وجان تندار عليه وصار وجها بوجهي وحوطت رگبتي بيدها اثنيهن حسيتها سعيده وفرحانه وجها جان مورد 🌺 وعيونها تلمع .....جمالها خطف گلبي بقيت صافن بوجها الي جان يضحك بسعادة حستها طايرة من الفرح ضميتها بين ايدي وبنص صدري
وبقينه حاظنين بعض لفترة خلت راسها ع صدري وجانت تسمع دگات گلبي وجان تبوس صدري ..... كتلها نورهان انتي بنت هل گلب وراح تبقين متربعه بنصه وحكمت عليج بالسجن المؤبد بداخله ما اطلعج منه اله واني متوسد بگبري ...
نورهان ... اسم الله عليك يغالي من عمري ع عمرك ....
بقيت حاظنته بقوة جنت اخاف يجي يوم ونفترق لو نبتعد ... لو يمكن نهايتي تكون ع ايد هل كائن الاسود .... جنت اخاف هل فرحة والسعادة تختفي وتروح من ايدي 😔 ...
شافني حاظنته بقوة كلي شبيج حبيبي لتخافين اني يمج ...
رفعت راسي وكتله عساك دووم يمي ربي يخليك الي ولايحرمني من حظنك ....
سلطان ... امييين يابعدي ويخليج شمعة تضوي حياتي وتزهر مستقبلي .... يا ام جهالي 😘
نورهان ... الله حلوة هل كلمة ام جهالي 😁 ...
سلطان .. ايييي اني اريد اخلف عشيرة ومحضر اسماء هم ههههه

نورهان ... هههههه فديييت ابو جهالي ان شاءالله ربنه يحقق حلمنه ...
اميين يارب العالمين ....
كملنه فرارة بالقارب ولعبنه بالمي مال البحر شوية ورجعنه عزمني ع غدوة بمطعم طلبنه سمك تغدينه وكملنه وكال هسه وين تريدين اوديج 🤔 ...
نورهان ... امشي نروح للسوك نشتري هداية لاهلك لتنسه تره يفضحونه ههههههه
سلطان ... ههههه اي والله صدكتي يله امشي ...
رحنه للسوك واخذت كلاده ذهب لعبير ولامي واخذت عطر وساعة لسجاد واخذت محبس فضة بي حجر عقيق مال صلاة لابوية ادري يعشق المحابس ....
ونورهان عجبها دبدوب باندا كتلت نفسها عليه هههههه اشتريته الها وبقت شابكته الطريق كله ...
كتلها وخري من صدرج اغار تره هسه املخه 😒😒 ..