نورهان ولظل المظلم

#نورهان_ولضل_ المضلم

#نوهان_والظل

#بارت7

#

سلطان .. شنووو ؟!!
نورهان يمج ... كلت ويه نفسي لعد هاي الجوه منو جانت يالله 😱

عبير .. ههههه اي نورهان يمي ليش مستغرب

سلطان .. لالا ماكو شي هيج ارجعي للغرفة مكتلها الي صار ويايه حتى لتخاف ..
نزلت عسريع جوه اريد اعرف شنو الفلم ومنو هاي الي جوه .....دورت بالصالة ماكو احد رحت للمطبخ هم ماكو احد ...تالي رحت للحمام ردت افتح الباب وجان تنفتح من كيفها سترك ربي 😳
طبيت بحذر خطواتي جانت ثكيلة علكت الضوه وجان اشوف كائن اسود امدد بالكاع 😣 منظرة مخيف متروس شعر وطويل شفته مكدرت اتحرك عبالك لزم رجلي .....وجان يكوم ع حيله ولزم رگبتي بقوة واختنكت حسيت روحي طلعت ... جان يحجي بصوت مرعب ... كال انت لازم تموت لان اي واحد يتقرب ع حبيبتي اقتله وانت اتقربت اكثر من اللازم ونهايتك قربت يا ابن ادم ..... اني انجنيت ردت افك ايده مكدرت جانت قوته فضيعه محكم ع رگبتي بهل لحظة انتبهت ع ايده جان لابس نفس المحبس الي لابسته نورهان محبس فضي لامع بي نقوش جماجم وحياية وبي حجر احمر مثل الدم لا يالله شنو الربط بين المحبسين راح انجن ... شكد حاولت افك قبضة ايدة بكل قوتي مكدرت تالي كمت اردد ايات قرآنيه بصوت عالي وادعي الله يوكفلي ويفكني من قبضة هذا الشيطان ..... وجان يصرخ صرخه زرفت اذاني وجان تتكسر مرآية الحمام وصار الكزاز كله بوجهي اتجرحت ....
مو مهم خلي انجرح بس اله اطيح حظك معبالك اني عامر لو غيره ياكلب يامسخ ياشيطان يارجيم ... ملعون الى يوم الدين .....
اراويك سلطان منو .. جنيت ع نفسك كمت غسلت وجهي وصعدت ...
سمعت ضحكات اختي ونورهان ..... ارتاحيت الحمدلله مابيهم شي ...
دكيت الباب فتحت عبير ... كتلها وين نورهان صيحيلها اريدها شوية
عبير .. اي صار . تعالي نورهان وينج سلطان يريدج ..
نورهان .. اي جايه .. هلا سلطان خير خما اكو شي
سلطان .. تعالي داحجي وياج .. وين المحبس الي بأيدج انطينيا بعد لتلبسي
نورهان .. ليش خوفتني شبي تره مجرد محبس عادي
سلطان .. لا موعادي نورهان هل محبس بي مصايب وحتما مرت خالج الها ايد بالموضوع كمت اشك بيها نزعي وانطينيا خلي اتلفه واذبه
نورهان .. نزعت المحبس ونطيته لسلطان جنت كولش خايفه ياربي الوضع ديتأزم يوم عن يوم جان گلبي يرجف ع سلطان يوميه ادعيله ربي يحفظه ويقوي ع المصير الي راح يقابلنه
سلطان .. يله رجعي نامي ولتنسين تحظرين جنطتج باجر الظهر طيارتنه
نورهان .. محظرتها ماعندي شي
سلطان .. خووش ديله تصبحين ع خيير
طبيت لغرفتي فتحت القرآن وقريت شوية وبعدين سديته وبقيت اگلب بالمحبس بيدي وباوع عليه وكمت اركز ع النقوش البي جان محبس مرعب اتعوذت من الشيطان وشمرته ع الكومدي الي بصفي واتمددت ونمت وره ساعة بل2 بالليل حسيت برطوبة حارة جوايه ع فراشي مثل مي حار او شي لزج ثخين فزيت من نومي وجان اشوف فراشي متغطي بالدم اتخبلت كمت اباوع ع نفسي كلت شنو اني مذبوح ودانزف ومحاس ع نفسي باوعت ع ايدي مابيها شي باوعت ع رجلي هم مابيها شي ع جسمي باوعت ماكو اي اثر لجرح .. لعد هل دم منين .. درت وجهي وجان اشوف الدم دينزل من المحبس اصخام الصخمك ياشيطان اخذت المحبس وجان يكوم يضوي بصورة قوية لزمته وكسرت الحجر مالته جان يصدر صوت قوي كام يدوي بالغرفة وبهل لحظة اختفه الدم بس طلعت حشرات كثيرة ترست الغرفة ركضت جبت قاتل حشرات وكمت ارش ع الحشرات لحد ما اختفن طبيت للحمام غسلت الدم الباقي عليه ونزعت ملابسي وذبيتهن بكيس بالزبل .. نزلت للحديقه خليت المحبس بتنكه وحطيت بي بانزين وشعلته بنار واحترك وصعدت فوك اتمددت ومحسيت ع نفسي من التعب خررب عشيرتج نورهان لحد ما احضى بيها اني نص عمر باقي بيه 😪😪 ...نمت
صار الصبح كعدت طبيت للحمام غسلت وطلعت رحت للمطبخ شفت امي كاعدة تسوي الجاي ومحظرة الريوك ع الميز ....وراها نزلت نورهان صبحت علينه كعدنه ع الميز عبير وسجاد جانوا بدواماتهم وابوية طالع لشغلة .....
اتريكنه وكملنه ..امي جانت دتطبخ للغدة ونورهان كامت شالت الصينية وغسلت المواعين .....
اني رحت للحديقه كعدت و ورثت جكارتي بقيت ادخن بحرقة ....
شوكت اكدر اخذ حبيبتي بأحظاني مثل البشر شوكت اكدر المسها بدون خوف من المجهول شووووكت اوووووف يعني اريد اكولها احبببج تخوني الشجاعه لايصير شي مو بالحسبان وتنهدم الدنيا علينه .....خايف عليها اكثر ماخايف ع نفسي اذا يصير بيها شي امووت والله .. حسبي الله ع كلمن اذاها بعمله الشياطاني هذا بس بحيل الله نهايتهم ع ايدي ماعوفهم لو ع جثتي لو اني لو همه سهله ان شاءالله
سمعت خطوات مشي بأتجاهي دتتقدم .... درت وجهي شفت نورهان شايله استكان جاي بيدها ....
حطته كبالي وكعدت ....
نورهان ... شبيك شو احسك ضايج ... اكو شي
سلطان ... جريت حسرة ونفخت دخان جكارتي بقوة ...
حسيت نار بصدري مشتعلة ....جنت مخنوك ماعرف شلون اصارحها ع الي بداخلي ... والله اخاف لاتتأذه بسبب حبي الها .... اووووف بس لازم تعرف بهل مشاعر الي جوواية ليشوكت ابقه كاتم حبها الي ذبحني ...
كتلها نورهان مارتاح اله اخلصج من الي انتي بي ....
انتي صرتي مسؤوليتي وماسمح يصير عليج شي لو اعرف ادفع الثمن حياتي والله ماتأخر .....
سحبت ايدها وخليتها ع صدري كتلها نور انتي خليتي لحياتي طعم ثاني خليتيني احس بشعور مينوصف .... اني اتعلقت بيج اذا يوم ماشوفج انجن دائما عيني تفقدج واتدورج .. گلبي دائما يريدج بقربه ....نور اني احبببج