نورهان ولظل المظلم

#نورهان_والظل_المظلم

#بارت3

سلطان .. كتله شوف حازم .. جاييك بشغلة بس ماريد اي مخلوق يعرف عنها حتى لو اقرب انسان عليك ...اترجاك رجاء اخوي ...اعتبره سر بيني وبينك

حازم ... تدلل افه عليك صدك جذب انت اخوية وسرنه واحد للموت يندفن ويايه لتخاف ... احجي امرني كول

سلطان .. بعد روحي والله انت نعم الاخو .
شوف ... جيتك بخصوص الشيخ مادري السيد الي كدر يعالج ابوك من المس الي صار بي ذيج الايام من حجيتلي عنه ..

حازم .. اي اي صحيح شبي والمن تريده

سلطان .. عندي بنية گرابتي صاير بيها حالة نفس والدك بعد ماعرف اريد ايشوفها هل سيد بلكت الله عنده علاج الها ....
لان خطية بعدها صغيرة وحالتها حالة حتى النوم مكاعد اتشوفه ... متبهذلة بسبب هل شي

حازم ... اي تدلل بس لازم اروحله اول اخذلك منه موعد حتى انروحله ماعندي مشكلة ....شوفوا انتوا شوكت تريدون اني حاظر ...

سلطان ... بعد اخوك بأسرع وقت لان الوضع مو من صالحنه يتأخر .... علوا باجر تاخذ الموعد منه وعگبة نروحله الصبح ....

حازم .. هاي هيه خويه اعتبره تم ان شاءالله .
سلطان.. فدوة لعمرك هذا فضلك مانساه الك للموت
حازم .. لا ع بختك لتكول هيج احنه اخوه يمعود تدلل

سلطان... شربت الجاي واترخصت منه وطلعت خابرت عبير كتلها ها كملتوا ... كالت اي تعال يله ...
مريت عليهن شفتها شويه ردت روحها من طلعت حسيت بيها فرحانه من الملابس والغراض الي اشترتهن الها عبير .. كتلهم امشوا اوكلكم موطه من مثلجات ( ... )
عبير .. اي والله عفية باخوية اريد ام القوقعه ..
سلطان.. صار تلدللون ...وصلنه للمحل وكعدنه جبتلهم موطه ام القوقعه كعدنه اكلنه وبقن البنات يسولفن ويضحكن شفت نورهان فرحانه كوولش ارتاحيت الحمدلله كدرت تطلع من جو الخوف البداخلها والله مصيبة الي ديصير بيها خطية ... الجو جان حلو صافي لا باردة ولا حارة وجان ع غفلة ينكلب الجو ياستار ياربي غيمت وصار رعيد وبرق العالم كلها طفرت احنه هم كمنه صعدنه بالسيارة ورجعنه
وصلنه للبيت طبينه جوه والبنات راحن للغرفة يقيسن الملابس ...
نورهان ... جنت طايره من الفرح لان طلعت واشتريت ملابس ومكياج واكسسوارات حبيتهن كوولش 😁 اتشكرت عبير كثير وباستني وكلتلي عليج بالعافية حبيبتي ...

صار وكت العشه اتعشينه كملنه غسلنه المواعين اني وعبير سولفنه وضحكنه واجه سلطان سولفناله ع الطلعه وشنو شفنه غراض ....
وراها صعدنه كلمن لغرفته .... هل فقرة الي اكرها من اكون وحدي بالغرفة احسها تاكلني 😟😟 ....
اريد اكلها لعبير تقبلين انام يمج بس اخاف متقبل يجوز تحب تاخذ راحتها وحدها بالغرفة ..... بس شسوي الغرفة البيها اني صارت مثل القبر بالنسبة الي كمت اكرها 😭 ...
تالي غطيت جسمي وراسي ونمت ..