وما غار الهوى

بارت الثاني

بارت الثاني

حوراء
.كعدت الصبح على صوت ماما وهيه تصيح كومي اكعدي اتأخرتي على المدرسههه كعدت بلكواه سهرانه اني وصديقاتي على الانستا 😂😂المهم كمت غسلت وبدلت ملابس المدرسه ونزلت لكيت بابا صدك بابا اسمه علي وماما نوره لكيتهم كاعدين يتريكون وحسن وحيسين كاعدين
.صباحوووووو
.حسين:هلا خبله البارحه لشوكت سهرانه
.ونته شعليك وطلعت الساني اعيب عليه 😝😝😝
حسن:يله كعدي تريكي خل اوصلج للمدرسه
.يمه فدوا لخويه حسن موو نفس حسين وباوعت صفح لحسين المهم تريكت وحذت مصروفي من بابا وباوست ماما وطلعت وصلني حسن للمدرسه وراح لشغله وني فتت للمدرسه
.
.
.
عشق
كعدت الصبح عل صوت المنبه كمت غسلت وبدلت ملابسي تنوره سوده وقميص ابيض وسويت شعري مرفوع وطلعت لكيت بابا وماما بعدهم نايمين كعدتهم وطلعت للمدرسه قريبه علينه رحت اتمشه والجووو حلو وصلت للمدرسه تلكتني صديقتي نور وفتنه سوه وكملت الدوام ورجعت لكيت بل باب واكف علي يحجي بل جهاز ولونه مخطوف
.علي شبيك شصاير
.لا ماكو شي فوتي بسرعه للبيت
.اوكي..حسيت عل علي مو عل بعضه بي شي بس مرضه يحجي المهم فتت لبيت لكيت ماما بلمطبح تسوي الغده .ماما جوعانه
.روحي بدلي وتعاي ساعدين بل تخضير
.تمام يا احله ماما بل دنيه
.
.
.
ليلان
كعدت عل صوت شهم يدك باب الغرفه كتله يله كايمه كعدت وغسلت لبست ملابسي ونزلت لكيتهم كلهم مجمعين
.صباح الخير
الجد: صباح الخير يروحي تريكي قبل مترحين للمدرسه
.ي جدو بس وجه تعبان كعدت وتريكت وكملت سمعت الباب يندك طلعت لكيت شمس جايتني حته روح للمدرسه صديقتي المقربه والبيست فريند رحنه للمدرسه وكمل يومنه طبيعي رجعت لكيت لبيت مخبوص فتت لكيت عماتي كلهن وعماميي فتت للمطبخ لكتني امي كالت جدج تخربط واخذو خوانج وابوج للمستشفئ نقهرت كلش عل جدوا كلش احبه 💔☹️
رحته للغرفه بدلت ونزل حته اشتغل وياهن نزلت دنحضر الغده وفاتت للمطبخ شهم ركضتله
.شهم:ليلان كليلهن خللي ينصن صوتهن الجماعه بلمضيف
.شهم جدو شلون صار
.الحمدالله زين بس شوفيلي الطريق اريد اصعد للغرفه ابدل
.ي هسه

.شهم : صعدت للغرفه مالتي تعبان من المستشفئ سبحت وبدلن ولبست دشداشه سوده وغتره زيتوني ونزلن سلمت عل عماتي وطلعت للمضيف للنو اني اليد ليمنه لجدي ومستلم كلشي ويلح عل استلم المشيخه بس اني ماقابل
صبينه غده وخابرت عل محمد لئن بقه بلمستشفئ ويه جدي وابوي هناك هم يمه.
.الوو محمد
محمد: هلا يخوي
.جدي شلون وضعه
.والله يخوي الدكتور يكول وضعه مو زين وصايبته جلطه وتحضرو لكلشي
.يله يله اني جايكم سدالخط طلعت وني مقهور جدي هوه الرباني وني وياه خطوه بخطوه ماتحمل يبعد عندي لا يربيييي وصلت كبل طلعت للمستشفئ وصلت وصعدت للغرفه لكيت محمد بلكاعد وخلي ايده عل عيونه ويبج

__________________________________________________
اتمنى انو الرواية تعجبكم راح يكون التنزيل كل يووم بارت اوو ثنين حسب واكيد راح تكون حلوة وتعجبكم احبكم مووت
اني شمس