كنت راجع بعد يوم متعب من الشغل، كنت مرهق جدا، لقيت تلفوني بيرن، كان خالد صديقي.. بقالو زمن ماتصلش بيا!! .. وانا كمان قطعت عنه؟.. انا ما كنتش عايز اعرفه تاني بس رديت.....
--ايوة يا خالد عايز ايه....
--عمرو.. عمرو ممكن تسمعنيالمرة دي ما تقفلش السكة!! .. ارجوك ما تقفلش السكة، انا خايف!! ..
انتهدت تنهيدة كبيرة وقلتله
--ها.. عايز ايه يا خالد ...
--فاكر البنت الي قتلناها بالغلط؟
--اسمها قتلتها.. ن الجمع متتحطش يا خالد عشان عليا النعمة هبلغ عنك.!!
-ياغبي.... ياغبي اسمعني بقى لو مرة! انا يعني حابب الي انا بقوله دا .. دا كلامها كلا......
--متخرس بقى... متخرس يا خالد، انت لسة يلا هااا.. لسه متعلجتش من ال بتقوله دا!! القصة دي ميعرفهاش غير انا وانت وابوك.... ولما قولت لابوك انك كنت سايق سكران، قال بلاش الفضيحة، واداني ٢مليون تمن سُكاتي، قال انه هيعالجك.... وقلتله ابنك مايكلمنيش تاني بسبب التخاريف دي... ،انا ضميري بيأنبني علي الست ال انت دهستها وانا قاعد جنبك... بحاول انسى، مع ذلك بتفكرنب...! بتفكرني ليه يا خالد عايزني ابلغ البوليس عليك ...
كان بيضحك بشكل هستيري... بيضحك بس كأنه بيستفزني ...
--هقفل السكة ياااخالد
-هاهاهاها
-بقولك هقفل السكة لو ما بطلتش ضحك!!
--براحتك... براحتك!! اقفل السكة، بس ما تلومش غير نفسك وانا حذرتك......
-ايه يعني هتعمل ايه يا خالد
--مش انا الي هعمل يا عمرو.. هما ال هيعملو!! ..
-مش فاهمك ..
قلتها وانا سامع صرخة في بيت خالد
--هحكيلك... مدام شكلك سمعت الصرخة دي
بدا خال يحكي وقال ....
بص يا عمرو... انا قافل باب اوضتي علياا... ووالدي تحت بيتعذب، معرفش من مين!! بس انا الدور عليا انا واثق، خليني احكيلك في الاول انت فايتك كتير اوي... بعد الحادثةوالدي جالي وهو مبصوط وقالي...
--الست ال ماتت دي كانت مكروها في قريتها.... بيقولو انها بتاعت اعمال وسحر، وملهاش اهل، بس انت من دلوقتي مش هتسوق لوحدك كلمتلك (عطا) السواق لو رايح اي مكان كلمه، وعايز اقولك نقي صحابك.... وعمرو ال انت بتقولي صاحبك وكان معاك في العربية كان عايز يبلغ عنك.... بس باعك ٢مليون جنيه.... مش عارف، مش عارف انا عملت ايه في دنيتي عشان يجيلي عيل زيك......
