[ Uni ]
"ကလင်ကလင်~~"
စက်ဘီးသံနှင့်အတူသတင်းစာတစ်စောင်အိမ်ရှေ့ရောက်လာသည့် "ဘုတ်" ဆိုသည့်အသံပြီးမကြာမီ
သူအိမ်တံခါးဖွင့်ကာ သတင်းစာကိုကောက်ယူလိုက်သည်။ မှတ်မှတ်ရရအခန်းထဲကစားပွဲအပုလေးပေါ် လှမ်းကြည့်လိုက်မိတော့ သတင်းစာရှစ်စောင်၊သူဒီမြို့လေးကိုရောက်တာ တစ်လပြည့်ပြီဖြစ်သော်လည်း
တစ်ပတ်တစ်ခါပို့သည့်သတင်းစာအတွက် ရှေ့ကလေးစောင်မှာ အရင်အိမ်ရှင်ချန်ခဲ့ခြင်းဖြစ်မည်။
ရှောင်းကျန့်ဆိုတဲ့သူဟာ တစ်ကိုယ်တည်းသမားဖြစ်ပြီးနောက်ပိုင်း တရုတ်ပြည်မှထွက်ခွာလာခဲ့ပြီး
ပြင်သစ်နိုင်ငံ ပါရီမြို့၌ လအတော်ကြာနေခဲ့သည်။
ယခု လော်ရီသို့ပြောင်းလာခဲ့သည်မှာ တစ်လပင်ရှိသေး၏။
ပြင်သစ်ရဲ့ငြိမ်ဆိတ်ရာ လော်ရီက
လူနေမကြပ်တည်းသလို ချစ်စရာလဲကောင်းသည်။
လည်ပတ်စရာကတော့ပန်းခြံနဲ့ဘုရားကျောင်း ပြတိုက်အချို့ရှိသည်။
သည်မြို့ကလေးမှာတော့လအတန်ကြာအောင်နေဖို့
ရှောင်းကျန့်စိတ်ကူးမိသည်။
အတွေးတို့လက်စသတ်ကာ မနက်စာကို ကော်ဖီ
တစ်ခွက် ၊ ဂျုံကြမ်းပေါင်မုန့်တစ်ချပ်နှင့်ပြည့်စုံစေလိိုက်၏။
တစ်ခါတရံတော့ တရုတ်အစားစာများကိုလွမ်းသလိုရှိသည်။ တရုတ်အစားအစာ နှင့် တရုတ်ယဥ်ကျေးမှုတို့က နိုင်ငံတော်တော်များများကိုလွှမ်းမိုးပြီးသားဖြစ်ပေမဲ့ အမေဖြစ်သူချက်ကျွေးတဲ့ စီချွမ်ဖက်ထုပ်ပူပူလေးကတော့ တစ်ကမ္ဘာလုံးမှာ တစ်ပွဲပဲရှိလိမ့်မည်။
ရှောင်းကျန့်တကယ်လွမ်းပါတယ်။
မီးပုံးအနီကလေးတွေချိတ်ဆွဲလေ့ရှိတဲ့အိမ်။
နွေးထွေးတဲ့အိမ်ကလေးကိုလေ...။
အတွေးတို့ကိုလက်စသတ်လိုက်ပြီး
ရှောင်းကျန့် ခြံထဲဆင်းကာ ပတ်ဝန်းကျင်ကို ငေးကြည့်နေမိသည်။
နေသာပြီး ရာသီဥတုအခြေအနေလည်း ကောင်းတာကြောင့် သံချေးညိုရောင် စက်ဘီးလေးကို ခပ်ဖြေးဖြေးစီးကာမြို့ထောင့်နားကဘုရားကျောင်းအသေးလေးဆီထွက်လာခဲ့သည်။
စက်ဘီးခြင်းထဲမှာ ပန်းအချို့နှင့် သူကိုယ်တိုင်ဖုတ်ခဲ့တဲ့ ချောကလက်ကွတ်ကီးမုန့်တွေထည့်ခဲ့ဖို့တော့ မမေ့ခဲ့ပေ။
YOU ARE READING
Secretive Loire Valley
Romance- The Loire Valley where I want to fall in someone's brown eyes - - Le Val de Loire où j'ai envie de tomber dans les yeux marrons de quelqu'un -
