جا وقت السفر💔
الوقت النقول فيهو باي بارس باي مامي وبابي
باي وائل و ريما ورامي
وهلو سودان💔💔💔
وقت الوداع دا مؤلم جدا لما تودع ناس م عارف حتلاقيهم تاني او لا💔
احتمال فجأه يختفو.. يتبخروا. او يموتوا💔💔
صحتنا مامي قمت بكسل وزعلانه لبست هدومي وشلت شنطتي قفلت الاوضه وعاينت ليها نظره وداع قفلت الانوار وطلعت قفلت الباب💔
نزلت دخلنا الشنط فالعربيه وركبنا
انا م كنت قادره اتكلم بس مكتفيه بالرقاد فوائل وضامه علي ريما ورامي
ونزلت مني دمعه حاره كان عنوانها الفراق💔
وصلنا المطار ويا ريت م وصلنا💔ي ريت لو كان ممكن اقعد معاهم شويه بس اوريهم اني قد شنو بحبهم بس خلاص وقت الرحيل اان💔
ودعنا بعض وانا كالعاده ببكي وامي وريما ببكو معاي😭💔ورامي مليان دموع ووائل مقبل مننا😢💔
اعلنوا عن رحلتنا واتودعنا😭😭💔💔💔
بابي وقفني ع جنب
بابي : امل هاك دي مصاريفك حبيبه ولو احتجتي لحاجه قولي لي ونسيت اكلمك انكم حتنزلوا السنه دي مع ناس خالتو سحر ما عند ناس عمك عشان ترتاحي اكتر اوك❤️
انا : حضنتو... تسلم يبابي يلا باي😔
صرخ لي وائل : املللللللل
انا : اي يا وائل
وائل : خلي بالك من نفسك😢❤️
انا : اوك وانتو كمان😭❤️
مشينا ركبنا الطياره وانا وامجد ومازن جنب بعض كلنا ركبت وبقيت سرحانه بالشباك لغايت اقلعت الطياره😭
وداعا بارس
وداعا مامي
وداعا بابي
وداعا رامي
وداعا ريما
وداعا وائل😔💔
انا الرحله كلها نايمه فأمجد صحيت لقيت ديل صاحين دردشنا شويه ورقدت تاني في رجولو
امجد : وجعتي لي رجولي يا سمينه😹💔
انا : انا سمينه يرمه يعواليق😒😑💔
مازن : عاين بدلني عاوز اختي اشتقت ليها😔❤️
امجد : اي احسن ارتاح شويه من البقره دي😹💔
انا : نن غياظ😑💔
جا مازن قعد جنبي وبقينا نتونس وحضرنا فيلم رعب وتاني فيلم اكشن وخلاص وصلنا
نزلنا لاقانا ود خالتي سحر
كسره :؛ &
خالتي سحر عندها اربعه اولاد وبت
واحد شغال اسمو مهند وهو اصلا شغال فألمانيا دكتور وجا السودان إجازه
وواحد فالجامعه اخر سنه ليهو اسمو رياض
وواحد فسادسه اساس اسمو معاذ
وواحد فأولى اساس اسمو محمد
والبت قدري اسمها رؤى
القابلنا رياض سلم علينا وشالو الشنط ودوها العربيه وركبنا والطريق كلو نتونس لغايت وصلنا
سلمو علينا وقعدنا جات رؤى انا وهي نصررخ سااااي 😹❤️لصلا نحنا بنحب بعض شديد وبنحكي لبعض اي حاجه
بعداك جا مهند من شكلو؛ظاهر عليهو مفتري وانا اصلا م بعرفو ولا شفتو قبل كدا اخر مره شفتو كنت فتامن لانو اصلا هو قرا جامعه هناك
المهم سلم بمساخه كدا بعداك جات خالتو سحر
خالتي : اها يأمل عرفتي الولد دا
انا : ابدا والله م عرفتو
خالتي : دا ياهو مهند ولدي الكبير
انا : اها بالله دا هو م عرفتو😹💔
خالتي : اي كنت صغيره لما هو سافر عشان كدا
وطبعا هو ولا شغال بينا ماسك فونو وخالف رجلو ولابس ردا زاتو😑💔
كانو قاعد معانا اداء واجب بس
بس اخوانو التانيين ظريفيين شديد ياخ ويشيلو ويتونسوا معانا
اكلنا رؤى ورتني غرفتي ختيت شنطتي واخدت. شاور وجيت اتخمدت نمت
اصلا الجامعه بعد قريب اسبوع وجينا بدري عشان ارتاح فالإسبوع دا
صحيت المغرب قمت صليت الفاتني ونزلت تحت المطبخ عاوزه اشرب مويه شلت الكبايه عاوزه اطلع قابلني مهند واتكشحت فيهو بالغلط بس بقى يكورك
مهند : انتي عميانه يا بت ولا حوصا؟؟؟ بنضاراتك دي م بتشوفي اسى انا اطلع بالقميص دا كيف😑💔
انا : سوري م شفتك اوك كنت مستعجله+م حوصا بس كنت م منتبهه تمام + عادي غير القميص يعمري م فرقت
وشوتت مشيت والله اصلا م كنت ناقصه هباله مشيت لرؤى اتونسنا وضربنا للبنات اتكلمنا ودردشنا وقطعنا😹💔
والعشاء نزلنا تحت نشرب الشاي وعملو لينا كيكه وبسبوسه ❤️والله عزونا عزه اتونسنا ويادوب راجل خالتي جا من الشغل مشيت سلمت عليهو وقعد شويه معانا واستأذن وانا زاتي استأذنت ومشيت نمت
الايام عدت كدا ماف جديد بس ونسه َوانا علاقتي مع زفت مهند دا ماشي متزفته اكتر خصوصا انو هو مفتري وشايف نفسو ع الفاضي ( اوصف ليكم مهند طويل جسمو رياضي شعرو متسلسل ناعم حلبي عندو غمازه حواجبو غزيره جنو يلبس شورتات معاها اسبورتات وضحكتو تسيحك شوكلاته عندو سكسوكه❤️والمهم حاجه كدا منتهى الوبعلي💜💜)
فموقف حصل لينا تاني انو انا كنت بنضف فالبيت وبضاير وكدا نضفت الغرف دخلت غرفتو م قايلاها حقتو وم اشتغلت بالموضوع كتير نضفتها وضايرت الحاجات الفيها بس قام جا بقى يكورك دا منو الدخل اوضتي انا مش قلت ليكم ماف زول يقرب اوضتي بتصرف فيها برراي دا منَو الدخلها وبصرخ بأعلى صوت قلت ليهو دي انا قالي يبت انتي هبله ولا بتتهابلي اوضتي م عندك فيها شغله م تخشيها م تنضفيها م عندك فيها شغله تمام م تعملي لي فيها البت الشريفه بس هنا امجد ادخل قال ليهو يأصلي هي م كانت عارفه وبتساعد بس م تتعدى حدودك فالنهايه دي اختي تمام انا قلت ليهو شوف يا اسمك انا ضايرت الاوض كلها تمام م عشان خاطر عيونك يعني حبيت اوضتك بس😒وبعدين انت فاير مالك اسي بمشي ارجعها زي كانت اوك م تقد لي اضنيني😒🤚وشووتك مشيت
تاني بقيت لو يشوفو م بسلم عليهو ولا بتكلم معاهو ومتجاوزاهو طبعا دا كلو والجامعه لسه م فتحت اجلوها تاني
الايام عدت لغايت فيوم جات الصدمه
البارتات الجايه تشويق كلها صوتو💃💃💃
