انا م كنت قادره اتكلم القصه اثرت فيني شديد بس بقيت ببكي نسيت همي وبكيت ع قصتو الحزينه💔💔على حبو الضاع منو بعد قرب منو شديد💔💔
عادل : الحمد لله على كل حال الحياه م واقفه ع زول يا أمل ولا على موقف م مجرد انو في زول قاليك انا بكرهك حتوقفي حياتك وتقولي علشان الباشا قال بكرهني حوقف حياتي وكل حاجه فيها ليهه بس الدنيا أكبر والناس أكتر وصدقيني يا أمل ربنا يمهل ولا يهمل👌❤️ربنا م بضيع حقك ولا بنساهو بس بأخرو عارفه ليه؟؟ اول حاجه عشان يعرف صبر عبدو ليهو وتاني حاجه عشان يعرف إيمانو وتمسكو بيهو قوي او لا بس م علينا فالدنيا دي إلا الصبر وزي م قلت ليك م تشتغلي بكلام زول بحاول يدخل في حياتك سلبيات من عقلو هو حتي لو كنتي بتحبي الزول دا شديد بس من يدخل عليك سلبيات وتبقى حياتك تتعكر بسببو انسيهو ايوه عاادي انسيهو بلكيهو من قاموس حياتك👌❣️والله اوعدك انك حتلاقي احسن منو وزي م قلت ليك الدنيا اكبر والناس اكتر👌❤️واسأل مجرب ولا تسأل حكيم
انا بعد وفاه رشا والظروف الصعبه المريت بيها رجعت احسن من زمان واجتهدت ونلت الحمد لله واسي بزوجتي وعيالي وانا استحاله انساها فيوم إستحاله لانو بدونها انا م كان يأست و لقيت صاحب بجد زي مهند دا ولا كان بقي اعز صديق واخو لي بجد والله فعز ضعفك بنزل ليك ناس تداوي المك عشان كدا م تيأسي من حلم ولا تندمي ع حاجه فاتت واهم حاجه اعملي الإنتي بس مقتنعه بيهو ما الغيرك هو الشايفو صح او غلط ارسمي طريقك بذات نفسك💜👌
انا جيت بس احكي ليك قصتي وان شاء الله تتعلمي منها وتطلعي من الجو العايشاهو دا انا عارف صعب وعشت الوضع دا بس قدرت عليهو وانتي كمان قويه وحتقدري عليهو بمساعدات كل الحوليك الما حيخلوك وحيقيفوا معاك❤️
ويلا مع السلامه وبالسلامه ان شاء الله ولو احتجت استشاره اضربي لي وفضفضي تمام
ابتسمت ليهو وحركت ليهو راسي بمعنى تمام وطلع
مهند : يلا يا امل ارتاحي انا ماشي اقدم الدكتور عاوزه انادي ليك زول؟؟ ولا تقعدي براك
انا : م عاوزه زول خلوني براي
مهند : اوك لو عاوزه حاجه اندهي لي
وطلع الدكتور طمن العيله انو ماف حاجه خطيره وهي بس مصدومه شويه وانو انا متجاوبه معاهو ولو واصلت كدا حتحسن وارجع عاديه
صحيت المغرب قمت دخلت الحمام وصليت وتاني رقدت فالسرير لقيت نفسي بفكر فكلام الدكتور
راقده قريب الساعه لما زهجت قلت اطلع الحديقه اشم هوا معاوزه اتكلم مع زول
طلعت الحديقه وطبعا كلهم شافوني بس خلوني براحتي وانا طالعه ووصلت حمام السباحه لقيت مهند قاعد هناك عاوزه ارجع قام ناداني قالي تعالي مشيت قالي اقعدي قعدنا فحافه المسبح قالي اعملي زيي دخل رجولو جو المويه عملت ليهو براسي بمعنى لا م عاوزه قالي لا جربي والله حلو طلع لي الشبشب ودخل لي رجولي فالمويه اول م دخلها رجفت قالي عارف بارده صح بس دا الحلو فيها💜
مهند : امل نحنا عاوزنك ترجعي لينا زي زمان لما كنتي بتردي علي ببرود لما اعصب عليك ولما تبقي مجنونه بس حلوه شديد نحنا عاوزنك امل الزمان من بقيتي كدا بقى ماف زول بضحك ماف زول فرحان انتي كنتي دوا للفرحه💜كنتي شمعه البيت فبليزز حاولي ترجعي زي زمان وانا اعتبريني صحبك واحكي لي كل الفي قلبك لما تكوني زهجانه اتزهجي فيني ولو زعلانه ابكي فيني ولما تنفسني نفسني بي معاك وانا حاكون معاك والله❤️اوعدك بس ثقي فيني واعتبريني صاحبك اوك.
.
ابتسمت ليهو وحركت راسي بمعنى اوك
مهند : اوك يلا ع جوا علشان البرد م كويس معاك ومواعيد الدرب جات
لما قال درب بقيت بعاين ليهو نظرت زعل وبكى💔قالي م تزعلي حنعدي الفتره دي وخلاص قربتي استحملي شويه بس 💔ومسك يدي وقالي انا معاك❣️
دخلنا الاوضه وركب لي الدرب وانا لما بدا كلي كنت برجف ووجعني فالأول😢💔بس مسك يدي وقالي م تخافي انا معاك❤️
حرفيا كدا اطمنت بوجود💜
مهند كان اكتر زول داعمني ففتره العلاج نفسياََ ومعنويا كان بضحكني وبأكلني وبحنسني وشويه شويه انا بقيت بتحسن لغايت رجعت زي اول واحسن🖤🖤
كومنت وتصويت
