صحيت لقيت نفسي فالمستشفى
انا : انا وين
مامي : فالمستشفى حبيبتي تعبتي شويه وجبناك هنا م تخافي اسي وارتاحي
انا : عندي شنو؟
بابي : الدكتور قال هبوط بس وقال ممكن نخرجك
خرجوني من المستشفى بس الدكتور قال ليهم لو تعبت جيبوها لي ووصاهم انو يتابعوا حالتي وكدا وقالوا ليهو معانا دكتور فالبيت حتى اتطمن
وصلنا البيت دخلوني الغرفه رقدت قلت ليهم اطلعوا عاوزه انوم طلعوا خلوني اصلا انا نفسيتي كان واطه💔💔.
نمت م صحيت إلا بمهند بركب لي فدرب
انا : دا شنو😭😭😭😭
مهند : دا درب م تخافي م بعمل حاجه
انا : طلعوا مني م عاوزاهو😭😭😭💔
مهند : امل اهدي دا عشان مصلحتك ولصحتك بعدين هو م بحرق..
انا : قلت ليك م عاوزاهو انت م بتفهم😭😭😭طلعوا مني😭😭😭
بقيت بصرخ بأعلى صوت وديل كلهم اتلموا
وائل : فشنو يا مهند الحاصل شنو؟؟؟
مهند : والله جيت اركب ليها الدرب بقت تصرخ فيني فجأه وتقول لي طلعوا مني
مامي : استغفر الله يرب 💔الله يجازيكم يا وليه وعمر ع العملتوهو في بتي
بابي : اسي نعمل شنو انا م قادر افكر زاتو
امجد : عاينوا تعالوا برا دايركم
طلعوا وخلو معاي رؤى وانا بس ببكي م بتكلم نهاائي
برا :
امجد : عاينو نحنا نجيب ليها دكتور نفسي يطلعها من الحاله الهي فيها دي عشان تستجيب للعلاج
مازن : فكره حلوه بس تقتنع كيف؟؟
مهند : انا عندي فكره مثلا نفهمها انو هو دكتور عاادي جاي يفحص ليها وكدا بعداك هو وشطارتو
كلهم اقتنعوا بالفكره وايدوها ومهند بمعارفو قدر يلقى دكتور شاطر واتفقوا معاهو من بكره
انا بقيت جسد بلا روح م بتكلم مع زول
نمت صحيت تاني يوم الضهر💔قمت دخلت الحمام وصليت وانا قاعده فكرسي💔ورقدت تاني محلي بس جات رؤى لقتني صاحيه دردشت معاي وانا اصلا م برد ليها بس بحرك ليها راصي قالت لي قومي نشرب الشاي م رديت ليها حاولت تقومني ابيت اقوم فهمت اني م عاوزه طلعت برا قالت ليهم امل صحت وابت تطلع تشرب الشاي. امي قالت ليها خليها انا بجرب معاها
امي دخلت لي
مامي : امل يبتي مالك عاوزه توجعي قلبي يبتي انا لو فقدتك تاني اليحميني الموت شنو؟؟؟ والله يبتي وجعتي لي قلبي عليك الله اسمعي الكلام واتعالجي عشان تبقي كويسه وترجعي لينا زي زمان💔
