فصليه اخذت زوجي
للكاتبه الاء حسين
البارت الثاني
الدكتورة / انت زوجه ..... اي انه زوجه .... مبروك مرتك حامل ...شننو صدك دكتورة متاكدة .... اهدء اي متاكدة ... اهدء اخذه لاي عيادة سونار و تاكد .... اي حالا ...
قيصر / ياقوت حبيبتي شلون صرتي .... الحمد لله شويه احسن انه شجابني لهنا .... حبي انه جبتج لكيتج مغمى عليج بالغرفه .... من القهر و حركه كلبي فدوة قيصر لا تتزوج ..... عيون قيصر اهتمي بنفسج و ابني الي بطنج ... شنو قيصر انه انه حامل .... اي يروحي هسه يخلص المغذي و نروح للعيادة انسوي سونار ..... صدك حياتي ....
ياقوت/ ما صدكت قيصر من كال حامل طلع بالتحاليل و انه ما ادري بروحي عبالي خربطه هرمونات الحمد لله ما يكطع باحد رحنه انه و قيصر و هو لازم ايدي و مبتسم كنت بلحظته اسعد انسانه بالدنيا وصلنه العيادة كان رجال ياخذ سونار و دخل قيصر ويايه نمت عالسديه و قيصر واكف يمي و لازم ايدي
الدكتور/ حامل ٥ اشهر .... شنو دكتور خمس اشهر معقوله .... ليش ما حاسبه ..... لا .... اي بس الطفل صغير و يحتاجلج فيتامينات و مغذيات .... اي دكتور بس ممكن ادزنه على دكتورة زينه .... دكتورة منى بالعيادة الفوكانه .... اها الطفل نبضه زين و الاغلب ولد ..... يا الله الخمد و الشكر الك
ياقوت / الدكتور من كال الاغلببه ولد و صحته زينه قيصر بسرعه سجد لرب العالمين طلعنه و صعدنه للدكتورة كتبتلنه فيتامينات و كالت الحاله النفسيه اهم شي ..... قيصر لا تتزوج ..... و الله لو اهر يوم يعمري ما اكسر كلبج ام عباس ..... ههههه عباس ....اي اسمي عباس
قيصر/ كنت سعيد و شكرت رب العالمين على النعمه بس خطيه ياقوت كل ساع تكول لا تتزوج و انه ما اريد اكسر كلبه خصوصا الدكتورة كالت الحاله النفسيه تاثر عالطفل اذا اتزوج احتمال اخسر الطفل هو انه متزوج علمود الطفل ... رجعنه للبيت و كانو اهلي كاعدين يتعشون السلام عليكم ....
الكل و عليكم السلام
ام قيصر / وين جنت تونسه حتى ما تنقهر ....
قيصر / ههه يمه ياقوت حامل خمس اشهر ....
الكل / الف مبروك يتربى بعزك
ام قيصر / اي جا من البدايه لو من خطب صرتي شاطرة
قيصر / يمه خابري العالم و كليلهم ماكو نصيب
ام قيصر/ شني تريد تفشلني مو كلنه موافقين
قيصر / و انه بطلت
ياقوت/ اشدت المناقشات بين قيصر و امه هي مو حبا بالطفل تريد تزوجه بس تريد تحرك كلبي بس الحمد لله بالاخير مشه كلام قيصر مرت اربع اشهر و نص تقريبا و انه عايشه مع قيصر ملكه جبت ابني عباس و ما سايعتنه الفرحه و عالاربعين صار حمل و جبت ابني نمر و بعده غسق بزر الكعدة مرت ايام اشهر سنين كبروا جهالي عباس خامس ابتدائي و نمر رابع اما غسق اول حبيبه ابوه بس الوضع ما يبقى كما هو الدنيا ما تضحكلي عبث بيوم كاعدين و جان الباب يندك حيل طلع الشيخ هشام ابو زوجي جان يكلوله حفيدك ابن مهند ضاربه ولد بحجارة و ميت الضربه براسه كلنه كمنه نتصارخ عبالك عزة و امه خطيه عنده قلب ما تحملت وكعت و اخذناه للمستشفى اما احنه بعدنه بانتظار اهل الولد اخذوا من عمي عطوة ثلاث ايام و بهاي الثلاث ايام ما شفنه غير الضيم ولدي نحرموا من المدرسه نخاف عليهم و حته احنه النسوان ما نطلع و البيت مكلوب فاتحه و خبصه صار يوم الكعدة و قرروا ياخذون فصليه بس المن الكل يسال
شيخ هشام/ الفصليه المهند تخلفله ولد مكان ابنه
مهند / بويه انه ما اريده اذا اتزوج اخسر مرتي هي عده قلب ما تكلولي شتتحمل موت ابنه لو ضرة
ام قيصر / عيل قيصر ياخذه
ياقوت / ٠ انه سمعته هيج حجت و انه جن واحد ضربني سجينه بنص كلبي
قيصر / لا يمه انه ما اريد ه
شيخ هشام / شني ولكم ياهو الاكله يكول ما اريده شيخ هشام يضيع دم حفيدة و ما ياخذ فصليه
ياقوت/ صار نقاش حاد و علمود مهند و حاله زوجته الصحيه و النفسيه ما تتحمل ضرة لازم انه اتحمله و اجه اليوم الي تجي بي الفصليه و تتغير حياتي ... يتبع
