فصليه اخذت زوجي 😞
للكاتبه الاء حسين🥀
البارت الرابع 💁♀️
ياقوت : اني من شفته حلوة اشتعلت بكلبي نار و الف فكرة اجتي ابالي
قيصر : انه ما توقعت الفصليه هيج حلوة بس كل ما افكر بيه و اذكر وجه الحلو ضميري يانبني على ياقوت
ميس : الحجيه رحبت بيه ما توقعته تحبني معقوله حفيده ميت و هيج تحترمني يلا قابل انه شريد
شيخ هشام : بويه قيصر صيح الفصليه اجه الشيخ يعقدلكم ... صار ...
ياقوت : اجه قيصر صاح عالفصليه تدخل الاستقبال علمود العقد و انه بدي اروح اذبحه و احرك البيت من الحركه الي بكلبي شويه و سمعت هلهوله هايه عمتي ام قيصر معقوله تهلهل و حفيده ترابه اخضر الله علظالم .....
ميس : تم العقد و ام قيصر هلهلت الصراحه فاجاتني و فاجات الكل الشيخ هشام صاح بيه .... ولج يا مرة ما تستحين تهلهلين و ابن ابنج ترابه ما نشف .... جا غير فرحانه لوليدي قيصوري اخذله كمر اربعطعش مو ذيج البومه
قيصر: يمه كافي .. عفتهم و طلعت شفت ياقوت و اكفه و ما تتحرك بس الدموع تنزل نكسر كلبي عليه حظنته و كتله وداعه غلاتج تبقى خدامه جوة رجلج انت ام جهالي ما اتقربله ....
ياقوت: من حجه قيصر هيج و وعدني ما يوصله فرحت شويه اطمنت بس بعدة الخوف بكلبي منا هي صغيرة و حلوة و منا عمتي مكيفه الدنيا ما سايعته لان اخذ على راسي مرة ....
ميس بعد العقد صاحتني الحجيه الغرفته و كالت .... يمه بعد انتي تعرفين قيصر اخذج فصليه بس تكدرين تكسبي و تنسي ياقوت و طوايفه .... بس عمه .... لا تبسبسين خايبه انت حليوة و الرجال يحب التجديد البسي و تعطري و انه اعرف شلون اكرب على ذيج و اخليه النهار كله بثوب الشغل و انت يصفالج الجو ....
اقتنعت بكلام الحجيه صدك انه بدال ما اصير مكفخه للرايح و الجاي اصير ام البيت و اذا مو بشهر اخلي يطلكج يا ياقوت فلا اطلع ميس .....
