فصليه اخذت زوجي
للكاتبه الاء حسين
البارت الثالث
قيصر / انه ما قبلت اخذ الفصليه علمود ياقوت اعرف راح ينكسر كلبه بس شسوي لازم اتزوجه و الا يضيع دم ابن اخوي اليوم لازم تجي الفصليه و انه ما مهتم اله و لا شلون راح تكون مهتم فقط بمشاعر ياقوت
ياقوت / جنت واكفه بالمطبخ احضر الجاي لعمي ابو قيصر يريد جاي و اجه ابني عباس يركض اجت الفصليه اجت الفصلية انه من سمعت هيج حجه احسه يكول اجه عزرائيل ياخذ روحي عمي ما شرب الجاي طلع يستقبل الفصليه ....
ميس / مرحبا اني ميس بت فلاح بسيط عمري ١٧ سنه حلوة عيوني ملونه و رشيقه طويله اخوي كتل حفيد الشيخ هشام انه حلوة و مغرورة بجمالي و احب نفسي بس كانت صدمت عمري من كالو ترحين فصليه بقيت ابجي و اتوسل بابوي بس لا حياة لمن تنادي رحت فصليه و انه الدمعه بخدي كل عمري احلم بفارس احلامي يكون وسيم و غني و ما بيوم دخيلت اصير فصليه وداني ابوي و عمي لبيت الشيخ هشام كان بيت جبير دخلنه استقبلونه رجال جبير و رجال عمرة تقريبا بنهايه الاربعين ....
قيصر / اجتي الفصليه استقبلناهم انه و ابوي اجتي كانت مبوشه ما شفت منه شي .....
شيخ هشام/ ابني قيصر اخذ الابنيه دخله .... حاضر بويه
قيصر/ دخلته من باب المطبخ جانت ياقوت كاعدة عالكرسي من شافتنه كامت بعيونه نظرة عمري ما شايفه خوف خزن توتر غيرة غضب ما اعرف شلون افسر نظرته .....
ياقوت/ كنت كاعدة و انه نار بكلبي دخل قيصر و الفصليه كانت مبوشه اتجهت ناحيتهم و رفعت الخمار منه كانت صدمه عمري جميله بشكل مو طبيعي بيضه و عيون زرك و تبجي صايرة حمرة تخبل رجعت باوعت على قيصر شفته صافن بوجه صرت بركان ...
قيصر / ياقوت شالت الخمار من وجه الفصليه دنكت و ردت اطلع رفعت راسي و اشوف ملاك مو مرة حلوة بمعنى الكلمه بقيت صافن بوجه بعدين انتبهت لروحي و طلعت
فصليه / دخلت شفت بنيه حلوة جماله عادي كاعدة عالكرسي من شافتنه كامت اتجهت النه و شالت الغطه مني حسيته انصدمت و حتى الرجال الدخلني صفن بوجهي ....
ياقوت / كانت صدمه عمري شلون راح اتحمل قيصر يباوعله و اكيد راح يتقربله لان حلوة ما يقاوم هو بالاخير رجال و يمشي ورة غريزته .... دخلي جوة الحجيه تنتظرج ...اي
ميس / دخلت شفت الحجيه بالهول وكفت قريب عليه .... تعالي يمه .... اني .... اي جا منو .... تقربت منه كعدت قريب عليه ..... شيلي بوشيتج ..... شلته ....اللهم صلي على محمد و ال محمد ملاك ملاك .....يتبع
