غزالة الضابط سلطان

بارت 21

غزالةة الضابط سلطان~❤

~بقلم الكاتبة nosha_hassan~😻

"""""""""""

سلطان يگوول:

الدنيا كلهه مراية صارت
وين ماصد الگى شي يعكسلي وجهك
حتى من ليفوگ اباوع الگى غيم الله ملامح تلتم وترسملي رسمك

""""""""""""

سلطان>> اكيد هسه ضايجين مني وتسالون ليش وشنو السبب يلي خلا سلطان يتغير على غزالتةة طبعا من دخلت غزالتي علمي وضلت تدرس بل عطلةة فرحتلها صح بس بنفس الوووقت ضجت

،،،وطلعت روحي والله وخفت لا يجي يوم افقدها لانه تعتبر اعداديةة والاعداديةة مكروهةة بحساب غزالتي كبرت والعيون كلهن عليها المهم بقت غزالتي تهتم بدراستها اتفقنا على وقت محدد نفتح بي نت ونحجي بس بيوم غزالتي ضلت تشكي لانه شوية صعبة كم مادة وحتى مرات من اتصل بيها تنام على الجهاز خفت تلتهي بيه وتعوف دراستها لهيج

،،،كلت خلي تركز بدراستها اهم وابتعد بفترة الامتحانات احسن شي ومن تكمل ارجع احجي وياها ......اصعب فترةة هيه هاي لمن غزالتي كدام عيني وماكدر احجي وياها ولا اسمع صوتها صعب والله

،،،واني مو نبي حتى اصبر اريدها واريد اشوفها واسمع ضحگتها اخبارها واشوف وين وصلت هاي مو بس حبيبتي هاي طفلتي وكل يوم اعرف كلشي عنها من توتةة لحدما اجه الًيَوُمًِ يلي ما اتحملت وطلعت روحي ونزلت للبيت وجنت واكف وي صديقي

،،،ورجعت غزالتي من المدرسةة اووف يابةة شصاير بيها متغيرة حيل باوعت عليها ودرت وجهي وهيه راحت لبيتهم صدك بيومها كرهت روحي بشكل لان اني السبب بحالتها بس والله علمودها علاقل بس هاي الفترة وارجعلها مثل قبل وعيونها عندي

،،،بس يلي استغربته غزالتي ابد ما بادرت واتصلت لو دزت رسالةة ردتها تعاتبني تعرف السبب بس ماكووو مبين اني ما اهمها بكدما هيه تهمني لحدما بقينا على هل الحاله لاكثر من شهرين اني لازم نفسي بلگوة وماكل عقلي التفكير وهيه تُعباُنٌهْـ على دراستها والحمد لله نزلتي صارت وي ٱڅڑ يوم الها بل امتحاناتها

غزل>>اليووووووم اخير يووووم شكد فرحت لان باجر عطلتي واخذنا الطريق بس ضحك لان امتحان كردي رجعت للبيت فرحانةة رحت بدلت ملابسي واكلت وي اهلي ونوب رحت تمددت ما حسيت على نفسي شوكت نمت كعدت

،،،تقريبا ب2 الضهر نزلت اغسل لكيت لوشة بلمطبخ ركضت حظنتها من ضهرهاا وحجيت بضحكةة...... خرب بيومج من يوم امي سلمتج المطبخ صار تقشف خيةة ساعتين على الطماطةة والبيض جوعانةة هههه

لمى>> انجبي لج فوك ما كاعده اسويلكم اكل

غزل بشقةة>>ايي والله انشرج بل بيج علفيس