رواية " جميلتي سيلين "

الحلقه(الثلاثون والاخيرة)

أخبروها أنني عالق ببحر عينيها السارق أخبروها لو سمعت نبض قلبي الغارق وسمعت نداء عيني الحارق فسوف تُردد أسمي دون مفارق .

********

"بعـد خمـس سنيـن "..

نزل من علي السلم وبيدور عليهم مش لاقي حد: سيلين سيلين ..

طلعت سيلين من الحمام وكانت متغرقه ميه و ماسكه خالد في ايد وجميله في ايد: أيهم ولادك جننوني انا مش عارفه هنخلص التجهيزات للعيد ميلاد امتا !!

بصلها بحنيه وقرب منها: انا قولتلك متتعبيش نفسك واهدي وكل حاجه هتجهز في المعاد !

سيلين بتوتر وبتتكلم بسرعه: ازاي كل حاجه هتخلص بس، دا لسا باقي الولاد يلبسو والكيك يجي والزينه تتعلق ووفين راندا وحسام صحيح ..

ايهم فتح عينه علي اخرهم وبيضحك: انتي ازاي اتكلمتي الكلام ده كله في اقل من دقيقه، يلا يا جميلتي تعالي اقعدي وكل حاجه هتجهز وبعدين دا مش اول عيد ميلاد نعمله ..

جميله بصتله بغيظ وكتفت ايديها بزعل: بردو يا بابي بتقولها يا جميلتي !!

ضحك ايهم بصوت عالي وسيلين بصت لجميلة بمعني انتي طفله انتي : انا اسف يا ست جميله متزعليش بس مامي اسمها جميلة من قبلك ..

جميلة رفعت عينيها لسيلين ببرائه: مامي مش انتي اثمك ثيلين ؟(اسمك سيلين)

سيلين هزت راسها بابتسامه بسيطه وبعدين جميله بصتلها بعبوس: أومال بابي بيقولك ليه يا جميلة ..

ايهم بص لسيلين وابتسم وبعدين قرب منها وخدها في حضنه: لا دي حكايه طويله يا ست جميله بس اللي عاوزك تعرفيه ان مامي اسمها جميلتي سيلين ..

خالد كان واقف مراقب الموقف بصمت بس اول ما ايهم حضن سيلين قرب منه وبصله بغيظ وراح عند سيلين وحضن رجليها لانه قصير وبعدين وجه كلامه لايهم : هو انا مش قولتلك متحضنش مامي تاني ..

ايهم رفع حاجب وبص لخالد: وانت مالك ياض ..

خالد بعصبيه: هي ماما بتاعتي وبس يعني انت متحضنهاش !

ايهم بصله بصدمه وبعدين بص لسيلين بغيره: سيلين شيلي الولا ده من قدامي احسن هشوطه ..

سيلين كاتمه ضحتها بالعافيه وقربت من خالد وشالته راح خالد حضنها جامد وبص لايهم وطلع لسانه...

وايهم واقف يكلم نفسه ويشتم في خالد: يا ابن ال....
ااه لو مكنش علي اسم ابو سيلين كنت ولعت فيه يارب تصبرني علي الكلب ده ..

لقي حد بيشد في البنطلون من تحت نزل وشه لقاها جميله لسا واقفه نزل عندها وباسها من خدودها: حبيب بابي لسا قاعد هنا ليه؟

جميله حضنته وقعدت تلعب في دقنه: انا عاوزه ثوكلاته يا بابي !

ايهم بابتسامه وعامل نفسه بيفكر: امممم بس بشرط ..