#حطم_قُيودِي
الكَاتِبة هَامِي🥀❤
المُقدِمة
رِوايتِي مكتوبه ليك أنت❤
للحساسين والمغرومين لِكل عاشق ولِكل مجروح 💔
وإهداء للحرب أيوا أنتِ ياحرب ماتستغربش أنتِ عارفة كويس شن درتِي فينا 🤷🏻
ليلى .....
تعرفوا ليش ح نكتب حكايتنا علاقاتنا فرحتنا وجعنا وكل شي عشنا !
لأني بنهرب منك والغريب أنه حتى في مهربي ح نكتب عنك قولي بربك وين المهرب والخلاص منك!؟
المره هذي غير مش بس أنا البطلة لي ح نكتب حكايتي ح نخلي كل شخص هدم مبادئ وحط قُيودِي يكون بطل ويكتب عن نفسه وكيف أتحرر من قيوده وكيف أنغلب وكيف خسر 💁
لجوئي للكتابة بسببك لأني تعبت منك ومن سيطرتك علي ...
نعرف ونجزم إنه مكانِي مش هنا ومش في زمن هذا انا المُغرمة بزمن الأبيض والأسود ونعشق الكلاسيكيه وماغرنش زمن تطور وتكنولوجيا المبهورين بيه 🤷🏻
نبي رسائل غرامية بخط الإيد على ورق ،وحبيب يرمي على بلكونتي حجارة مشتاق شوفتي ...وهي أنا أسيرة القيصر لكنت تغار من حبي له💔
وأنا شاذه فِكرياً والمنعزلة إجتماعياً حساسة ومريضة إهتمام ...
نظرة غضب منك تنزل دمعتي وبكلمة حلوه منك نرظا🙈
هن التفاصيل هذن لضعت فيهن أنا وأنت !
كنت كل شي بالنسبة لي ،وكنت نغار من النوم لما يسرقك مني ...
تعرف رايفت اني نحكي معاك وترقد وأنا نزعل
ورايفت لما ينقلب الدور على وأنا لنرقد بس أنت كنت تفرح لأنك متأكد انك أخر شخص غفيت على صوته ❤
انا نغار عليك من نومك وقت يسرقك مني ونحنا نحكوا،
وأنت تغار من صحباتي جامعتي عيلتي حتى حسابي على فيس كنت تغار منه وقت نفتحه وننشغل بيه..!
كنت تبيني لك أنت وبس❤
نسأل في روحي من وقتها لتوا شن لتغير ليش صار معانه هكي ؟!
حبيبي يقولوا الحب الأول ماينتسى ومافي بعده وفي لعاشوا بعده وحبوا مره واثنين وثلاثه عادي !
بس الغريب في أنا !! أني بجد مادق قلبي ورعشت إيدي وأنهز صوتي وخانتني الكلمات إلا لك كنت ولا زلت عشقي الأبدي💔
كان قلبي يوجعني على جمان من خيانات عزيز ومكنتش نعرف انك أسوء من عزيز نفسه .
____________________
روز
الكِبرياء ، الشموخ ، الأنوثة
يمكن كِبريائي ضيع أجمل سنين عمرنا في أنه نكونو مع بعض !
أنت تشوف أنه مافي أقسى من قلبي وأنا نشوف أنه مافي حد هز قلبي غيرك ❤
فتحت عيونِي عليك لكن قدرِي أني نكون لقيطه خلاني نبعد ....
المجتمع والتقاليد يمنعوا بنت الحرام من انها تتنفس مش بس ترتبط وتحب ولد الناس أنا ولي زيي رُكن على الهامش...
لكن بِعلمِي وكِبريائي خليت الكل تحت من رِجلِي
أنا روز معجونة من كرامة وشموخ وعاشِقة لي أحلام مستغانمي لتكره ذكور وتستخف بهم💁
رغم ميول قلبي ليك لكن قدرت نعفس علي زيك
أنا وأنت لي قالوا عليهم النار والبنزين ..
___________________
قيس
العصبي ، المجنون
بين حب قديم وحب جديد انحصرت وأتقيدت
لما تحب من جديد وتحس كأنك عشت مشاعر حب لي أول مرة ... والماضي كان ولا شي!
يمكن انا في الأول اختياري كان غلط بس أكيد في ثاني كان صح ..
أنتِ حب عمري كله وياريتهم القلوب ينفتحوا وتعرفي شن جواتي لك ❤
دائمآ تتهميني بعدم حبي لك ودائمآ كنا نتعاركوا من يحب ثاني أكثر ودائمآ كانت نهاية غير معروفة 🤷🏻
انتِ وجعي وانتِ دوائي وانتِ مرايتي لعرفت فيها كل أغلاطي ❤
تعرفِي انك شمسي ليبدأ يومي بيها ❤
حبيبتي حلوة وجمالها ناعم وبسيط مش محتاجه تتزين وتبين انوثتها يكفي تفتح عيونها كل صبح وتفتح شباك غرفتها وتصبح على بجامة نومها وشعرها المتناثر وضحكتها المرسومه على وجها ويالله أنا قد شنو عاشق لضحكتها لي ديما كنت ولا زلت نذوب فيها ❤
_______________________________
عِماد
التملك ، الامبالاه
منحبش لوك لوك واجد هي ليلى أصرت اني نكتب فا ح نختصر كلامي عليها !
عايش حياتي ولا على بالي شي غير لعب من بنت لي بنت على امل أنها تنهز أو تغار 😒
وهي ولا على بالها ضربتني في ساس 💔
أحياناً بجد ينرفزني برودها هي بجد محبتنيش ولا مخبيه مشاعرها علي؟!!!
لي مخليني صابر عليها عشقي لها ما في بنت بالعالم زي حبيبتي هي مميزه عن الكل ❤
عنادها لي يعصبني ويجيبلها في مشاكل مع الكل وهي ولا همها جبل مايهزا ريح🔥
هي خليط غريب والأكيد مكانها مش هنا ولا في البلاد هذي هي مخلوقة للحرية ، قدرت تكون نفسها بنفسها فكر، ثقافة ، علم، طموح كل هذا ومش أي حد يغريها تعبتني سنين مع أنها أقرب لي من اي حد لكن كأنها أبعد بوااااااجد من كل شي
هي في قارة وأنا في قارة 💔
نمشي كل يوم بيومه على أمل تتنازلي وتجمعنا قارة وحده دوله وحده مدينة وحده بيت واحد ❤
كلنا مُقيدين ونستنوا في لي يحررنا ...
نكملكم شن قصة أبطالي لي مزال في غيرهم مانذكر في المقدمة ؟
أنت تقرأ
#حطم_قيودي
Romanceهدم مبادئي وحطم قُيودِي حررنِي من نفسي ومن شوذ أفكاري أمتلكني وهِمتُ به !
