#حطم_قُيودِي 13
الكَاتِبة هَامِي 🥀♥
شخصان مليئان بالأضرار، يتركان العالم جانبًا،
ويحاولان ترميم بعضهما البعض، بهدوء ورقّة، هذه هي فكرتي عن الحبّ. 💔
.
.
.
من البداية ربي ح يبعث إشارات لما يدخلوا حياتنا جديد بس نحنا نتناسوا او نتجاهلوا فيهن.....
جيت بنمشي وقف قدامي وشارع مظلم ...قعدت نرجف وقلبي يدق بسرعه عيوني رماديه واجهت عيونه السود كان مش ثابت في وقفته ..
قيس بصوت ثقيل : انا حلمت بيك
-خفت اكثر من ريحه لطلعت منه وهو يحكي دموعي نزلوا انت سكران؟
من خوفي منه بعدتا عني وقعدت نجري
قيس ينادي:: انتِ من ؟
صكرت باب الحوش بخوف انه يلحقني وبكيت أااااه بكيت خوف وتقزز منه كيف الواحد يضيع روحه بطريقه هذي !
خشيت لدار سلحت فنيلا متاعه عزقتها على الأرض بِكره .... مكنتش متعوده على حاجات هذي نهائي مابيني وبينه شي صح ومعندش صلاحيه نحاسبه بس أنا نقرف ونخاف من الناس هذي هك مبادِئ وقيودي ...
غسلت وخشيت سريري رقدت لأني تعبانه جسدياً وفكرياً ...
ثاني يوم وعتني غنى عشان جامعتي وهي مدرسه
جهزنا أرواحنا وطلعنا مع عماد
كملت محاضراتي وروحت ....
.
ع عائشه :: اليوم ناخذولهم عصور نبي ندير خبزه تنور وانتن كل وحده دير حاجه ناخذوها معانه
-انا عندي قرايه مش ح نمشي معاكم
غزل:: انتِ كنك اليوم قالبه وجهك؟
-ماكني شي راسي يوجع في وبس
غنى:: توا نرن على روز تساعدني مافيكن بركه
-براحتكن وكان في حد عبرني وسأل قولهم تقرا
غزل:: حتى انتِ يالينا مفش داعي ماشيه
لينا:: شن تشوفي في ميته على المشيه حتى انا مانبي😒
ع عائشه:: خلاص انتِ وياها اسمعن را وحده تجي شور مربوعه فيها شباب القسم هذك متجنش شورا
-باهي ....
غنى:: نشوف شنو ناقصنا كان ماهذا نوصي مراد
ع عائشه:: باهي صبي معش في وقت
درت سندوتش تغديت بيه وخشيت دار معندش قرايه ولا شي بس منبش نشوفه حتى لو صدفه قعدت نكتب كلعاده مهربي الوحيد والأفكار مخلنش في حالي ...
بس هو قالي حلمت بيك؟
وانتِ ياليلى عبيطه تصدقي كلام واحد سكران !
أنت تقرأ
#حطم_قيودي
عاطفيةهدم مبادئي وحطم قُيودِي حررنِي من نفسي ومن شوذ أفكاري أمتلكني وهِمتُ به !
