#حطم_قُيودِي 11
الكَاتِبة هَامِي ♥🥀
بيني وبينكِ .. ريحٌ وغيمٌ وبرقٌ ورعدٌ وثلجٌ ونار🔥
__________________
خشيت جوا كانت إذاعة أكبر من لكنت نخدم فيها
عرفتني على المخرج وهنا انصدمت طلع هو يشبه لحد نعرفه من سنين
إسلام بدهشه :: ليلى؟
-يعني صح أنت إسلام مطلعتش غلطانه ههه
روز بإستغراب:: قصدكم تعرفوا بعض؟
إسلام يضحك :: كنه نقروا في نفس المدرسه وأنا اكبر منها بسنه بعد وانتِ قي ثالثه إعدادي معش شفتك
-ما أنتوا نقلتوا من درنه معش سمعنا اخبار عليكم شن اخبار سهام وشن تقرا توا؟
إسلام:: مكملتش جامعه اجوزت توا انا خال لبنتين
-ما شاء الله ربي يحفظهم
إسلام:: شنو اخباركم انتوا باتك واحمد وخواتك وشيطانه غنى هههه
تبدلت ابتسامتي...بابا واحمد توفوا
إسلام::لا إله إلا الله الله يرحمهم ...اسف مكنتش نعرف
-عادي ولا يهمك من بعد وفاتهم معش قدرنا نقعدو وحدنا جينا هنا وساكنين انا وروز مع بعض في حوش جدي
إسلام:: فهمت ربي يعينكم ان شاء لله..لعرفتا من روز انك إعلام
-اهاا سنه ح نكمل هنا ..قولي شن فكره البرنامج وموعيده عشان نسق بينهم
روز:: اهم شي فترة الصبح لا تعرف انها تقرا
إسلام:: لا عارف ماحتى انا نقرا في برامج صباحيه وفي من يذيع فيهم... تبي الصراحه قبل مانعرف انك انتِ لتقدمي كانت فكرة برنامج عاديه يعني عن احوال البلاد وهكي
-لا اسلام ارجوك اي شي بخصوص سياسه منبش ساد لصار فينا نبي شي خفيف يغير نفسيه ليسمع
إسلام:: شنو لصاير معاكم؟
روز:: فووت توا مره اخره نحكوا انا مستعجله اتفقوا بسرعه😭
إسلام:: تي روحي من ماسكك مهمتك انتهت 😂
روز:: خزي عليك انا نستنى فيها معندها مع من تروح😒
إسلام:: اهااا تمام ..شوفي انا عارف صوتك حلو زعما مزال ماتغيرش زي شكلك
ضحكت منه:: يعني شكلي مفش حاجه متغيره بكل ماكبرتش مثلاً هههه
إسلام:: ابدا والله غير زايده حلاوه😜😂
-ههه شكرآ وانت متغير وكابر حتى بعد شفتك شبهت لكن متوقعتكش انت
إسلام:: عادي قوليها قعدت شين ياإسلام
أنت تقرأ
#حطم_قيودي
Romanceهدم مبادئي وحطم قُيودِي حررنِي من نفسي ومن شوذ أفكاري أمتلكني وهِمتُ به !
