#حطم_قُيودِي 12
الكَاتِبة هَامِي🥀♥
أخاف أن أحبك جداً فأفقدك ثم أتألم، و أخاف أيضاً أن لا أحبك فتضيع فرصة الحب فأندم .. اخبرني كيف أحبك بلا ألم و كيف لا أحبك بلا ندم 🖤
.
.
.
روز:: اها هذا قيس نجم الشرقاوي ولدهم اخ علي وعدي وقاسم الله يرحمه لكن .....
-لكن شنو !
روز:: مش نفسهم هو.....
قاطعتنا ع عائشه ... هييي كنها ايدك ياليلى ودبشك دم
شفت لي روحي كان ايدي لما طحت لبزت دبشي من فوق
قريبتهم ردت ..لما خش قيس طاحت وانجرحت
ع عائشه:: توا كيف جا العلم ولا كيف ؟
روز:: قالوا كان مع صحابه في مزرعه ماحصلوش الا من بدري شوي علمها جا ومش مصدق
ع عائشه:: لا حول ولا قوة إلا بالله ربي يصبرهم .. عدي ياليلى للحوش غيري دبشك
روز:: ماعندها كيف تطلع رجاله معبيا شارع اصبري في الليل بالك تخف
ع زهره:: اها بكل برا توا خذو حوشنا وخيمة رجاله قدامنا
طلعت قعدت جنب ماما مقدرتش نصلي بدم لي على دبشي ونفس سؤال في كل عزا نشوفه من بعد موت خوي وبوي ... وانا نشوف في الناس لتعرف للمرحوم ولي ماتعرفه تبكي زعما من تفكروا عشان نزلت دموعهم؟ ولي امتا يتجدد جرحنا مع كل حد يموت نتفكرو في لماتوا هي استمرارحياتنا وضحكتنا انشغالنا بمستقبلنا نفاق ولا نحنا بجد قاهرنا فراقهم لكن مجبورين نكملوا ...
جا وقت العشاء وساعدناهن في المد ......
ماتعشينش قعدنا في الخيمه انا وروز وباقي البنات روز تعرفهم واجد التهيت معاهن وانا نشوف لفوني شاشته مكسره حاولت نفتحه مافتحش...
-روز ساعه كم عندك
روز:: 11ونص شن صار معش فتح فونك
-لا مفتحش انا خلاص معش نقدر استغفر الله ماصليت ولا فرض
روز:: انا منقدرش نروح ح نقعد مع البنات
جتني ع كامله"ام قيس "
حطت ايدها على كتفي من لورا التفتت شفتها
ع كامله:: سامحينا يابنيتي قالن نفجعتي وطحتي من قيس
-لا عادي مش بقصده
ع كامله:: خشي جوا كان لقيتي حاجه تجي عليك غيري وصلي
انحرجت لأنها ياسمعتني ياحد قاللها ..!
-توا شوي ونروح
ع كامله :: ريحيني وعدي غيري
روز :: يلا انا معاك
صبيت مع روز وخشينا الحوش
-عليك فضيحه اكيد سمعتتي
أنت تقرأ
#حطم_قيودي
Romantikهدم مبادئي وحطم قُيودِي حررنِي من نفسي ومن شوذ أفكاري أمتلكني وهِمتُ به !
