#ضرتي🚫🔥#الحلقه_الثانية#فدوى ابراهيم
فتحت الباب لي زوجي نقصد #للخاين
انصدمت فيه جاي بكري ممكن الأن عرف بيها انها هني ولا صدفه تكون جيته
سالم: خيرك مستغربه اول مره تشوفيني
كانت نظراتي ليه كلها قرف
_ نبي نفهم نبي نحط لي كل كلمات نقط بس مقدرتش نحس فيها كدابه وتتبلى عليه ما بيتش نصدق الا لمن نشوف بي عيوني
سالم: خيرك وردة مريضة ؟؟
انا : لالا مش مريضه بس خيرك جاي بكري
سالم: ماهو جيت بنبدل حوايجي الأني معزوم اليوم
انا : اها معزوم عند مني
سالم: صحابي متعرفيهمش
انا: تمام
سالم: شن امي مجاتكش اليوم
انا: لا ومنبيهاش تجي
سالم: قداش مره نقولك بطلي كلام اهوا ومعاش تغلطي في امي
انا: عيلتك ديريلي في مشاكل ف شي طبيعي اني منحبهمش
سالم: ووواك من عبرجكم انتم نساوين
انا: بتتأخر؟؟
سالم: خيرك نازله فيا اسأله انتي
انا: اها لا شي مجرد اسأله
سالم: شن وتيتي حوايجي
انا: صليت اليوم
سالم: لالا مخك فيه طقه شكله
سمعت صوت ولدي يبكي مشيت نجري نفتحله الباب
انا: خيرك ي عمري تبكي
قعد حاط يده على وجها
انا: احمد شوفلي فوق ترا
نحيت يده ورفعت راسه وشفت 💔 تحت عينه زرقه
انا بصدمه: حححي عليك حي من ضربك
احمد: هادي عمتي ليلى ضربتني
سالم: هادي عمتك ي ولدي ومن حقها تضربك
انا بصوت عالي: لالا بالله عليك وبالمره تمشي تقتله وتلوحه شن رايك
سالم عقد حواجبه : من امتى تعلي ف صوتك عليا ؟؟
خفت من نبرة صوته
شد احمد ودفه على كنبه وجبدني من يدي وعصرها عصر
سالم: صوتك معاش يعلى عليا تمام فاهمه؟؟ ولالا
انا حاسه بيدي بتنكسر: اي اي فاهمه يرحم بوك اطلق يدي بتتكسر
طلقها دفني
سالم: بنلبس ونطلع واين حد يجي سالم مهناش ومنعرفش وين مشي
انا: ومن هما لي بيجوا؟؟
أنت تقرأ
ضرتي ( روايات ليبية )
Romansaرغم حبهم الا ان تأتي زوجة اخري تقلب حياتهم راس علي عقب ؟ فما مصيرهم ؟ و ما قرر العائلة ؟ رواية من داخل المجتمع الليبي 🔥 للكاتبة : فدوى إبراهيم
