✍الهام الطائي "
زبرجد : يلا اني طلعت واليوم اتاخر عندي محاضره اضافيه .
تعالو ويايه بالطريق اعرفكم وحجيلكم شويه ع نفسي.
اني زبرجد عمري 22 طالبه جامعه مرحله ثانيه هندسه . واني من ألبصره
الجبيره بين اخوتي احنه 4 بنات ومعندي اخ ☹
ابويه متزوج ثنين امي ولدتني وتوفت الله يرحمها وتزوج الثانيه ..
اسمي غريب صح .
اكو حجر نادر اسمه الزبرجد وعيوني نفس لون الزبرجد . يصير لونه تركوازي .
مرت ابويه مثل اي مرت اب كدام بابا حبيبه ورا حيه . بحيث غيرت اخوتي عليه .
السايق مالتي حجي وحيد وصدوك وحيد خلص عمره لا مره ولا ولد عنده ابن اخو مربي ويانه بالجامعه اسمه زيد وان شاء الله بعد التخرج يتزوج وهوه وصديقتي صابرين هسه اعرفكم عليهم .
ام ارام: ولك يمه اكعد شلعت كلبي.
ارام: يافتاح ياعليم من الصباحيات شكو ؟
ام ارام: غير انت كتلي اكعدت من لـ7 وهسه صارت 8 وانت نايم .
ارام: بـ8 😳
صباح الخير ياوجه الخير .
ام ارام: صباح النور .
كتلي كعديني بس مكتلي ليش .
ارام: اولاً .. اليوم اداوم جامعه شبيج يمه غير بدايت دوام .
ام ارام: ان شاء الله خير . يلا استعجل لعد .
ارام: لبنات وين .
ام ارام: راحن للمدرسه بس سجاد نايم .
ارام: وهذا سجاد ماعنده مدرسه .
ام ارام: شكول وشحجي اني غاسله ايدي من الولد املي بس بالبنات .
ارام: شكد عياره هل مره .
ام ارام: اه ولك علقل المستحه يلا شو كدامي روح بدل وتعال تريك .
ارام: اتشاقه هاي شبيج ياجميله الجميلات .
ام ارام: عوف هل حجي وبقيلي مصرف اذا عندك .
ارام: البارحه اخذت سبوعيتي وخليت يم مينا مصرفكم شنو منطته الج .
ام ارام: لا هسه اشوف كنتورها .
ارام: يوم جيبيلي قميص ع ذوقج .
ام ارام: ماشي يالون تريده ؟
ارام: اي لون بس كون مو فواتح .
ام ارام: ماشي .
ارام: مع السلامه .
ارم ارام: ماتتريك.
ارام: لا حدي متاخر . يلا في امان الله .
ام ارام: محروس حبيبي .
ارام: طلعت بوجهكم بلا ماعرف ع نفسي .
اني ارام . طالب جامعه هندسه . بغداد .
ابوي متوفي من 5 سنوات واني المعين لـ امي وخواتي لثنين واخوي الصغير .
