ام ارام كعدت من الصبح تحقق ويه ارام
: ها شكلت .
ارام: لا يمه البنيه متدري عن شي .
ام ارام: زين انتوحاسها تحبك ؟
ارام: يمه تاخرت ع الدوام .
ام ارام: بروح ابوك جاوبني وروح .
ارام: اي احسها تغار عليه .
ام ارام: زين اروح اخطبها . ابو غايب ميكول لا صديق المرحوم وعمامك والله يموت عليك .
ارام: مو بالاول اشوف شتكول وبعدين تخطبين ؟
ام ارام: ماشي انتضر بس اليوم ها سمعت بس اليوم .
مينا : شكو بس اليوم .
ام ارام: لتحشرين خشمج ويلا بوجهج ع المدرسه .
ولك اوكف بعدني احجي .مينا: مدام ارام شرد يعني السالفه بيها انَ
ام ارام: وين اختج يلا راح تتاخرن ...
زبرجد: باوعت بالصاله ناهده كاعده وشاده راسها . ممم نقهرت عليها .
خلي اسويلها جاي قبل ليوصل ارام .
سويت جاي وريوك وخليته ع الطبله كدامها .ماما .
ناهده : تباوعلها بستغراب .
زبرجد: هههه ليش تباوعيلي تريكي خاف ضغطج صاعد وهذا عصير ليمون وبرتقال ولحبوب مالج هم اني رايحه للجامعه .
ناهده: زبرجد .
زبرجد: ها يمه .
ناهده: شكرا حبيبتي .
زبرجد: اي هذا اقل شي اسوي الج قابل ننكر تعبج ويانه .
ناهده: روحي لجامعتج الله يرضه عليج .
" ماجنت اتوقع ناهده بهل سهوله اكدر اغيرها بس صدوك احس براحه نفسيه ...
ـ صباح الخير .
ارام: صباح الورد .
زبرجد: وين الجماعه .
ارام: ماادري مالكيت رامي ولا صابرين .
زبرجد: اي احسن هههه .
ارام: شلونج ؟
" حسيت بتانيب ضمير لان البارحه هيج حجيت وياها وحبيت اعتذر بس معرفت شلون ابدي اما رامي وصابرين فااخذو تكسي "زبرجد: زينه .
عم السكوت بينه لحد ماشغل اغنيه " تايبين "
هاي شنو اليشوفك يكول حاب 10 مرات وعايفاتك
ارام: هههه لا بس احب الاغاني القديمه .
زبرجد: اني هم احبهن .
ايه : لعد وين ارام وزوزو .
صابرين: بس اليوم الهم يجون سوه وحدهم بلكي يعترفون بحبهم بالطريق .