رجعت للبيت ولكيت ابويه توه جاي بالباب .
زبرجد: الله يساعدك بابا بابا .
ابو غايب:ويساعدج حبيبي
زبرجد: اليوم امي مرضانه مدام بعد وكت روحو للدكتور لان باجر جمعه وخاف متلكون دكتور مفتح عيادته .
ابو غايب: ماكالت مريضه شو ؟
زبرجد: لا الصبح جانت حيل تعبانه .
ابو غايب: ماشي كوليلها خلي تحضر نفسها بين مااجيب السياره من الغسل
زبرجد: هيلوووو .
زهراء: لج صوتج امي توها نامت .
زبرجد: ليش شبيها ؟
زهراء: توني اجيت من الدوام ولكيتها تبجي من راسها .
زبرجد: اوك روحي صعدي اغراضي فوك .
يوم . يمه .
ناهده: هااا .
زبرجد: كومي حضري نفسج بابا حيجيب السياره ويجي ياخذج للدكتور .
ناهده: يمه راسي مااكدر اشيله مااكدر
زبرجد: بين مايجي بس خلي اغير ملابسي حته اروح وياج .
تعالو بنات طلعن الماما ملابس .
صعدت بسرعه نزعت البدي ولبست غيره وغيرت الشال ونزلت .
شفت ابويه بالحديقه ساعدت امي وخذتها للسياره .
ابو غايب: خيرج ناهده شصايرلج .
زبرجد: بابا راسها يوجعها مابيها حته تحجي .
ابو غايب: سلامتج يلغاليه مشوفين شر .
ارام: وصلت للبيت سبحت وتغديت ونمت . كعدت العصر كعدت يم ولد عمي بالحديقه تعللنه شويه .
اجتني طلب صداقه باسم هنادي .
هه هم هاي شوكت تفك مني ياخه .
من باب الزحمه قبلت بعد مارجعت للبيت بقت تراسل وتستفسر ع المواد وهيج شي .
تصدكون بهذا الوقت بالي يم زبرجد وخصوصا شفتها مفاتحه نت من لبارحه .
زبرجد: جان اكو زدحام ع الدكتور فاضطرينه ننتضر للساعه 6 المغرب ويم الدكتور ساعه . طلع عند امي حمه مالط فاابويه نزل يجيب علاج .
رجعنه للبيت ساعه 8 جنت هلكانه من التعب ابويه جاب ويا عشا اكلت ع السريع وطلعت سبحت وكبل نمت .
بالكروب .
ايه: لعد شو زوز مامبينه
صابرين: مامرتاحتلها هاي وين تغط هههه
زيد: خلي تشوف دربها شتردن منها ههههه
رامي: اني اكول زوز معدها هلسوالف تلاكوها لو نايمه لو تاكل ام كرش .
ارام: بس موجود ويباع ع الرسائل .
رامي: اكول صدوك غطتها وراها شي .
ثاني يوم
"خلصنه يومين محتارين بامي وجع راسها خلصت نص العلاج ياله صحصحت شويه "
الوو هلو مينا .
مينا : وينج من لبارحه مومبينه .
زهرا۽: امي مريضه
مينا: سلامتها حبيبتي متشوف شر .
زهرا۽: مايجيج الشر حبيبتي .
مينا: والله اني كلت علستني لان مااتصلتي وكلتي شصار ويه اختج .
زهرا۽: لج ذكرتيني اصلا ممحاجيتها بهل موضوع .
مينا: ماشي باجر نسولف .
زهرا۽: اوك عدنه متحان فيزيا۽ درسي زين .
مينا: اوك بيباي .
زهرا۽: بيبايات .....
زبرجد: نمت من وكت وكعدت ساعه 4 فتحت نت لكيت قبل دقايق ارام داز رساله بالكروب منو كاعد ؟
اني كاعده ليش .
ارام: واخيرا بين القمر شسالفه وينج ماكو ؟
زبرجد: موجوده شخباركم ؟
ارام: زينين نسال عنج .
زبرجد: تسال عنكم العافيه .
يلا اشوفكم باجر تصبح ع خير .
ارام: وانتي بخير .
"ليش هسه احنه مو صبح " ......
